Published:Updated:

விளைச்சலில் முதல்பங்கு அம்மனுக்கே!

விளைச்சலில் முதல்பங்கு அம்மனுக்கே!
பிரீமியம் ஸ்டோரி
விளைச்சலில் முதல்பங்கு அம்மனுக்கே!

சி.வெற்றிவேல், படங்கள்: தேவராஜன்

விளைச்சலில் முதல்பங்கு அம்மனுக்கே!

சி.வெற்றிவேல், படங்கள்: தேவராஜன்

Published:Updated:
விளைச்சலில் முதல்பங்கு அம்மனுக்கே!
பிரீமியம் ஸ்டோரி
விளைச்சலில் முதல்பங்கு அம்மனுக்கே!

டலூர் மாவட்டம், வடலூர்- சென்னை சாலையில், சுமார் 3 கி.மீ. தொலைவில் உள்ளது கஞ்சமநாதபுரம். இவ்வூரில் திருக்கோயில் கொண்டு அருள்புரிகிறாள் ஸ்ரீஉருப்பிடி அம்மன். தன்னைத் தேடி வந்து வழிபடும் பக்தர்களுக்கு, அவர்கள் வேண்டும் வரங்களை வாரி வழங்கி வரும் ஸ்ரீஉருப்பிடி அம்மனின் திருக்கதை, நம்மை நெகிழவைப்பதாகும்.

ஒருகாலத்தில் இப்பகுதி, மன்னர் தொண்டைமானின் ஆளுகைக்கு உட்பட்டிருந்தது. அவரது அரசு நவாபு ஒரவரது கட்டுப்பாட்டில் இருந்தது. தொண்டைமானின் தளபதி சமுட்டியான். அவனது வீரத்தின் மேல் அதீத நம்பிக்கை வைத்திருந்த தொண்டைமான், தன் மகளை அவனுக்கு மணமுடித்துக் கொடுத்தார். இறையருளால் சமுட்டியானின் மனைவி கர்ப்பம் தரித்தாள்.

விளைச்சலில் முதல்பங்கு அம்மனுக்கே!

ஒருமுறை, பெருமழை பெய்து `மதான மேடு' அணை உடைந்து ஊருக்குள் வெள்ளம் வந்தது. ஊர் மக்கள் அணையைச் சரிசெய்ய எவ்வளவோ முயற்சி செய்தனர். ஆனால், யாராலும் வெள்ளத்தைக் கட்டுப்படுத்த முடியவில்லை. இந்த நிலையில், ‘ஏழு நாட்களுக்குள் அணையைச் செப்பனிட வேண்டும்’ என்று கெடு விதித்தார் நவாபு.

அந்த நேரம் சமுட்டியான் ஊரில் இல்லை. அப்போது அங்கு வந்த பூசாரி ஒருவர் இறையருள் பெற்று, “தலைச்சன் பிள்ளையை வயிற்றில் சுமக்கும் கர்ப்பிணியைப் பலி கொடுத்தால் மழை நின்றுவிடும். அணையைச் சரிசெய்து விடலாம்’’ என்று தெரிவித்தார். இந்தத் தகவல், ஊருக்குத் தெரிவிக்கப்பட்டது. தலைச்சன் பிள்ளையை வயிற்றில் சுமந்துகொண்டிருந்த பெண்கள் அச்சத்துடன் பக்கத்து ஊருக்குச் செல்லலானார்கள்.

ஒட்டுமொத்த விகடனுக்கும் ஒரே ஷார்ட்கட்!

விளைச்சலில் முதல்பங்கு அம்மனுக்கே!

இந்த நிலையில் எவரும் எதிர்பார்க்காத வேளையில், குறுவாளால் தன்னையே பலி கொடுத்துக்கொண்டாள் தொண்டைமானின் மகள். அவளது தியாகத்தைக் கண்டு ஊர் மக்கள் கண்ணீர் வடித்தார்கள். ஊர் திரும்பிய சமுட்டியான் பாவம்; மனைவியை எண்ணி துடிதுடித்துப் போனான். ஊர் மக்கள் சமுட்டியானின் மனைவிக்குக் கோயில் எடுத்து வழிபட்டுக் கொண்டாடினார்கள். அந்த இடத்துக்கு ‘உருவறுத்தான் கொல்லை’ என்றும், அவளுக்கு ‘உயிர்பலியாயி’ என்றும் பெயரிட்டனர். அதுவே மருவி, தற்போது ‘உருப்பிடி அம்மன்’ என்று வணங்கப்படுகிறாள்.

விளைச்சலில் முதல்பங்கு அம்மனுக்கே!

இப்போதும் ஊர்மக்களைக் காக்கும் காவல்தெய்வமாக அருள்பாலிக்கிறாள் உருப்பிடி அம்மன். அம்மன் இங்குக் குடிகொண்ட நாள் முதல், இந்த ஊர் எல்லைக்குள் காலரா உள்ளிட்ட ஆட்கொல்லி நோய்கள் எதுவும் வந்தது கிடையாது என்கிறார்கள் ஊர்மக்கள்.

ஊரைக் காக்கும் தெய்வம் என்பதால், இங்குள்ள மக்கள் தங்களது நிலங்களில் எது விளைந்தாலும் முதல் பங்கை அம்மனுக்குக் காணிக்கையாக தருகின்றனர். மனநிலை பாதிக்கப்பட்டவர்கள், குழந்தை பாக்கியம் இல்லாதவர்கள், தம்பதிக்கு இடையே நிகழும் கருத்து வேற்றுமைகள்... என்று சகல குறைகளையும் நிவர்த்திசெய்கிறாள் இந்த உருப்பிடி அம்மன்.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism