Published:Updated:

கடக மாதத்தில் கற்கடேஸ்வரர் தரிசனம்!

கடக மாதத்தில் கற்கடேஸ்வரர் தரிசனம்!
பிரீமியம் ஸ்டோரி
கடக மாதத்தில் கற்கடேஸ்வரர் தரிசனம்!

எஸ்.கண்ணன் கோபாலன், படங்கள்: இ.ராஜவிபீஷிகா

கடக மாதத்தில் கற்கடேஸ்வரர் தரிசனம்!

எஸ்.கண்ணன் கோபாலன், படங்கள்: இ.ராஜவிபீஷிகா

Published:Updated:
கடக மாதத்தில் கற்கடேஸ்வரர் தரிசனம்!
பிரீமியம் ஸ்டோரி
கடக மாதத்தில் கற்கடேஸ்வரர் தரிசனம்!

டி மாதத்தைக் `கடக மாதம்' என்பார்கள். கடகம் என்றால் நண்டு. ஆக, கடக மாதத்தில் கடகம் வழிபட்ட ஒரு திருக்கோயிலைத் தரிசிப் போமா? கும்பகோணம் - பூம்புகார் சாலையில், கும்பகோணத்திலிருந்து சுமார் 10 கி.மீ. தொலை விலுள்ளது திருவிசநல்லூர் ரிஷபக் கோயில்.

அங்கிருந்து சுமார் 2 கி.மீ.தொலைவிலுள்ளது திருந்துதேவன்குடி. இங்கு, மிக அற்புதமாகக் கோயில் கொண்டிருக்கிறார் ஸ்ரீகற்கடேஸ்வரர். இந்தக் கோயில் குறித்த புராணக் கதைகள் சிலிர்க்க வைப்பவை.

அம்பிகை நண்டு வடிவத்தில் வழிபட்ட தலம்

முற்காலத்தில் ஈசனின் சாபத்தின் காரணமாக நண்டாக மாறிய அம்பிகை, இந்தத் தலத்துக்கு வந்து ஈசனை தாமரை மலர்களால் அர்ச்சித்து வழிபட்டு வந்தாள். அதேநேரம், தான் கொண்ட ஆணவத்தின் காரணமாக இந்திர பதவியை இழந்த தேவேந்திரனும் குருபகவானின் ஆலோசனை யின்படி இந்தத் தலத்துக்கு வந்து, தினமும் 1,008 தாமரை மலர்களால் இறைவனை அர்ச்சித்து வழிபட்டு வந்தான்.

கடக மாதத்தில் கற்கடேஸ்வரர் தரிசனம்!

இந்த நிலையில், தான் அகழியில் மலரச்செய்த தாமரை மலர்களை நண்டு ஒன்று பறித்து வந்து இறைவனை அர்ச்சிப்பதைக் கண்டு கோபம் கொண்டான் இந்திரன். தனது வாளால் அந்த நண்டை வெட்டத் துணிந்தான். அவனது வாளின் முனை சிவலிங்கத்தின் மீது பட்டது.  அப்போது, சிவலிங்கத்தின் உச்சியில் ஒரு துவாரத்தை ஏற்படுத்திய சிவபெருமான், நண்டின் வடிவத்தில் இருந்த அம்பிகையை தம்முள் ஐக்கியப்படுத்திக் கொண்டார்.

நண்டின் வடிவத்தில் வந்தது அம்பிகையே என்பதை உணர்ந்த இந்திரன், தனது தவற்றுக்கு வருந்தி மன்னிப்புக் கேட்டு மனம் திருந்தினான். அதன் காரணமாக இந்தத் தலத்துக்கு திருந்து தேவன்குடி என்ற பெயர் ஏற்பட்டதாகத் தல வரலாறு. சிவலிங்கத் திருமேனியில் வெட்டுத் தழும்புகளையும், லிங்கத் திருமேனியின் உச்சியில் நண்டு ஐக்கியமான துளையையும் இன்றும் காணலாம். இன்னொரு திருக்கதையும் உண்டு.

துர்வாசரை ‘நண்டு போல் ஊர்ந்து செல்கிறீர்கள்’ என்று ஏளனம் செய்த கந்தர்வன் ஒருவன், அவரால் சபிக்கப் பட்டு, நண்டாக மாறினான். பிறகு துர்வாசரின் அறிவுரைப்படி, அவன் இத்தலத்து இறைவனை வழிபட்டு விமோசனம் பெற்றான் என்கிறது தலபுராணம். இப்படி, கடக (நண்டு) வடிவத்தில் அம்பிகையும் கந்தர்வனும் வழிபட்டதால் இங்குள்ள இறைவனுக்கு கற்கடேஸ்வரர் என்ற திருப்பெயர் ஏற்பட்டது.

சந்திர தோஷம் நீங்கும்

முற்காலத்தில் இந்தப் பகுதியை ஆட்சி செய்த சோழ மன்னர் ஒருவருக்கு பக்கவாத நோய் ஏற்பட்டு மிகவும் துன்பப்பட்டார். பல வைத்தியர்கள் சிகிச்சை செய்தும் அவரது நோய் தீரவில்லை. இந்நிலையில் ஒருநாள், வயதான மருத்துவத் தம்பதி அரண்மனைக்கு வந்து மன்னரின் பக்கவாத நோயைப் போக்கினர்.

ஒட்டுமொத்த விகடனுக்கும் ஒரே ஷார்ட்கட்!

கடக மாதத்தில் கற்கடேஸ்வரர் தரிசனம்!

அந்தத் தம்பதிக்கு மன்னர் ஏராளமான பொன் னும் பொருளும் கொடுக்க முன்வந்தார். அவற்றை ஏற்க மறுத்த மருத்துவத் தம்பதி, மன்னரை ஓர் இடத்துக்கு அழைத்துச் சென்றனர். அங்கிருந்த ஒரு சிவலிங்கத்தைக் காட்டி அந்த இடத்தில் கோயில் எழுப்பும்படிக் கூறிவிட்டு சிவலிங்கத்துள் ஐக்கியமாகிவிட்டனர்.

தேவதேவியரே தன் நோய் தீர்க்க வந்ததை அறிந்த மன்னர் மனம் நெகிழ்ந்து, இறைவனுக்கு பிரமாண்டமாக ஆலயம் எழுப்பினார்.

மன்னர் இந்த இடத்தில் கோயில் எழுப்பியபோது அம்பிகையின் விக்கிரகத்தைக் காணவில்லை. எனவே, புதிய விக்கிரகம்  செய்து, மருத்துவர் வடிவில் வந்து அருள்புரிந்தவள் என்பதால், ‘அருமருந்து நாயகி’ என்ற பெயர் சூட்டி பிரதிஷ்டை செய்தார். சில நாள்களிலேயே காணாமல் போன அம்பிகையின் சிலை கிடைத் தது. இதை அபூர்வ நிகழ்வாகக் கருதி அந்த அம்பிகைக்கு ‘அபூர்வ நாயகி’ என்னும் திருப்பெயர் சூட்டி பிரதிஷ்டை செய்தார். அபூர்வ நாயகியே இந்தத் தலத்தின் பிரதான அம்பிகையாகத் திகழ்கிறாள். அம்பிகை சந்நிதிகள் இரண்டும் அடுத்தடுத்து அமைந்திருக்கின்றன.

கடக மாதத்தில் கற்கடேஸ்வரர் தரிசனம்!

இந்தத் தலத்தில் சந்திரன், ‘யோக சந்திர’னாக யோகநிலையில் காட்சி தருகிறார். ஜாதகத்தில் சந்திர தோஷம் இருப்பவர்கள், சந்திர தசை நடப்பவர்கள் இங்குள்ள சந்திரனுக்கு வெண்பட்டு வஸ்திரம் அணிவித்து, அர்ச்சனை செய்து வழிபட்டால், தோஷம் நீங்கும் என்பது ஐதீகம். இந்தக் கோயிலின் விசுவநாத குருக்கள் அபூர்வமான ஒரு தகவலைப்  பகிர்ந்துகொண்டார். ‘‘ஆடி மாதத்தில் பூர நட்சத்திரமும் அமாவாசை தினமும் இணைந்து வரும் வேளையில், ஸ்வாமிக்கு அபிஷேக ஆராதனைகள் செய்து வழிபட்டால், அப்படி வழிபடும் அன்பர்களின் கனவில் அம்பிகை நண்டாக வந்து அருள்பாலிப் பாள் என்பது வசிஷ்ட மகாத்மியம் சொல்லும் தகவல்’’ என்றார் அவர். அற்புதம்தான்!

கடக ராசிக்காரர்கள் வழிபடவேண்டிய திருக்கோயில்!

கடக ராசி, ஆயில்யம் நட்சத்திரத்தில் பிறந்தவர்களுக்குச் சிறப்பான பரிகாரத் தலம் இது. ஆயில்யம் நட்சத்திரக்காரர்கள், தங்களின் பிறந்த நட்சத்திரத்தில் அல்லது தேய்பிறை அஷ்டமி நாளில் இங்கு வந்து இறைவனுக்கு நல்லெண்ணெய் அபிஷேகம் செய்து வழிபட்டால் மகிழ்ச்சியான வாழ்க்கை அமையும்.

அமாவாசை, செவ்வாய், சனிக்கிழமை ஆகிய நாள்களும் வழிபடுவதற்கு உகந்தவை. இந்தத் தலத்துக்கு வந்து கற்கடேஸ் வரரையும் அருமருந்து நாயகியையும் அர்ச்சனை செய்து வழிபட்டு, அபிஷேகம் செய்த நல்லெண்ணெயை உட்கொண்டால், நோய்கள் நீங்கும் என்று பக்தர்கள் நம்பிக்கையுடன் சொல்கிறார்கள்.

பக்தர்களின் கவனத்துக்கு...

தலத்தின் பெயர்: திருந்துதேவன்குடி (காவிரியின் வட கரையில் அமைந்திருக்கும் 42-வது தலம் இது)

இறைவன்: ஸ்ரீகற்கடேஸ்வரர்

அம்பிகை: ஸ்ரீஅருமருந்து நாயகி மற்றும் ஸ்ரீஅபூர்வ நாயகி

வழிபட்டவர்கள்: அம்பிகை, இந்திரன், கந்தர்வன்

தலவிருட்சம்: பஞ்சதள வில்வம்

தீர்த்தம்: நவபாஷாண தீர்த்தம்

பாடியவர்: திருஞானசம்பந்தர்

நடைதிறப்பு :
காலை 9 முதல் மதியம் 2 மணி வரை; மாலை 4 முதல் இரவு 6 மணி வரை.

எப்படிச் செல்வது?
: கும்பகோணம் - பூம்புகார் சாலையில் கும்ப கோணத்திலிருந்து சுமார் 10 கி.மீ. தொலைவிலுள்ளது திருவிசநல்லூர் ரிஷபக் கோயில். அங்கிருந்து சுமார் 2 கி.மீ. தொலைவிலுள்ளது திருந்துதேவன்குடி.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism