தெய்வங்களும்... ஸ்லோகங்களும்!

திருக்கண்டேன்...

தி ருக்கண்டேன் பொன்மேனி கண்டேன் - திகழும் அருக்கன் அணிநிறமுங் கண்டேன் - செருக்கிளரும் பொன்னாழி கண்டேன் புரிசங்கங் கைக்கண்டேன் என்னாழி வண்ணன்பா லின்று - பேயாழ்வார்

. முன்னவனே யானை முகத்தவனே!

மு ன்னவனே யானை முகத்தவனே முத்தி நலம் சொன்னவனே தூயமெய்ச் சுகத்தவனே - மன்னவனே சிற்பரனே ஐங்கரனே செஞ்சடையஞ் சேகரனே தற்பரனே நின்தாள் சரண்

- வள்ளலார்

. ஸ்ரீஅண்ணாமலையே போற்றி!

பெ ருகும்புனல் அண்ணாமலை பிறைசேர்கடல் நஞ்சைப் பருகுந்தனை துணிவார்பொடி அணிவாரது பருகிக் கருகும்மிட றுடையார்கமழ் சடையார்கழல் பரவி உருகும்மனம் உடையார்தமக் குறுநோயடை யாவே.

- திருஞானசம்பந்தர்

. பரிமளப் பூங்கொடியே!

சொ ல்லும் பொருளுமென நடமாடுந் துணைவருடன் புல்லும் பரிமளப்பூங் கொடியே நின் புதுமலர்த்தாள் அல்லும் பகலுந்தொழு மவர்க்கே அழியா அரசும் சொல்லுந் தவநெறியும் சிவலோகமும் சித்திக்குமே

- அபிராமி பட்டர்

. ஸ்ரீராமதூதனே சரணம்!

சு ந்தர வில்லியேவ சூழ்கடல் இலங்கை மேவி அந்தமில் வீடுநல்கும் ஆயிழை தன்னைக் கண்டு வந்தவெல் வரக்கர் சிந்தி வளையெரி மடுத்து மீண்ட நந்தலில்லாத தூதன் நம்மையும் அளித்துக் காப்பான்.

- கம்பர்

. கல்லாலின் புடையமர்ந்து...

க ல்லாலின் புடையமர்ந்து நான்மறை ஆறு அங்கம் முதற் கற்ற கேள்வி வல்லார்கள் நால்வருக்கும் வாக்கிறந்த பூரணமாய் மறைக்கு அப்பாலாய் எல்லாமாய் அல்லதுமாய் இருந்ததனை இருந்தபடி இருந்து காட்டிச் சொல்லாமல் சொன்னவரை நினையாமல் நினைந்து பவத் தொடக்கை வெல்வாம்.

- பரஞ்சோதி முனிவர்

. சூரிய வணக்கம்!

ஞா லமது சுற்றியெழும் ஞாயிறே நின் சேவடியைக் கோலமுடன் கைகூப்பிக் கும்பிடுவேன் - சீலமுடன் பாரினிலே காத்தென்னை பல்சுகமும் நீ தந்து வீரியனே என் வினையை வீழ்த்து.

- சூரிய ஸ்தோத்திரம்

. முருகனே முதல்வனே!

மு ருகனே செந்தி முதல்வனே மாயோன் மருகனே ஈசன் மகனே - ஒருகை முகன் தம்பியே நின்னுடைய தண்டைக்கால் எப்போதும் நம்பியே கை தொழுவேன் நான்.

- நக்கீரர்

. காயத்ரீதேவியே போற்றி!

செ ந்தமிழ்ச் செல்வியைத் தாமரையாட்டியை - தென் பொதியச் சந்தன சோலையின் ஏழிசை கூவுந் தனிக்குயிலைச் சிந்தையிற் பூத்துச் செந்நாவிற் பழுத்துச் செவிப்புலத்தே வந்து கனியும் பனுவற் பிராட்டியை வாழ்த்துவமே.

- காயத்ரி ஸ்தோத்திரம்

. து ர்காதேவி சரணம்!

நெஞ்சிற் கவலை நிதமும் பயிராக்கி அஞ்சி உயிர் வாழ்தல் அறியாமை; - தஞ்சமென்றே வையமெலாம் காக்கும் மஹாசக்தி நல்லருளை ஐயமறப் பற்றல் அறிவு.

- மகாகவி சுப்ரமண்ய பாரதியார்

தெய்வங்களும்... ஸ்லோகங்களும்!

Vikatan Correspondent