Published:Updated:

கல்யாண பாக்கியம் எப்போது?

கல்யாண பாக்கியம் எப்போது?
பிரீமியம் ஸ்டோரி
கல்யாண பாக்கியம் எப்போது?

கல்யாண பாக்கியம் எப்போது?

கல்யாண பாக்கியம் எப்போது?

கல்யாண பாக்கியம் எப்போது?

Published:Updated:
கல்யாண பாக்கியம் எப்போது?
பிரீமியம் ஸ்டோரி
கல்யாண பாக்கியம் எப்போது?

? எனக்கு 43 வயதாகிறது. திருமணம் தடைப்பட்டுக்கொண்டே வருகிறது. ஜாதகப்படி எனக்கு எப்போது திருமணம் நடைபெறும்?

- எஸ்.பாலசுப்பிரமணியன், மதுரை - 11 

கல்யாண பாக்கியம் எப்போது?

நீங்கள் கன்னி லக்னத்தில் பிறந்திருக்கிறீர்கள். களத்திர ஸ்தானத்துக்கு உரிய அதிபதி குரு 8-ல் மறைவு பெற்றிருக்கிறார். களத்திர காரகன் சுக்கிரன் 12-ல் மறைந்துள்ளார். எனவேதான் திருமணம் தடைப்பட்டு வருகிறது.

களத்திர காரகன் சுக்கிரன் மற்றும் களத்திர ஸ்தானாதிபதி குரு ஆகியோருக்கு உரிய பரிகாரங்களைச் செய்வதன் மூலம் தடை நீங்கி திருமணம் நடைபெறும். குரு பரிகாரத்துக்கு, தக்க வேதியர்கள் மூலம் 32,000 முறை குருவுக்கு உரிய  மந்திரங்களை ஜபம் செய்து ஹோமம் செய்யவேண்டும். சுக்கிர ப்ரீதிக்கு, 20 சுமங்கலிப் பெண்களை வீட்டுக்கு அழைத்து, அவர்களுக்கு மங்கலப் பொருள்களைத் தானம் கொடுக்கவேண்டும். இந்தப் பரிகாரங்களைச் செய்வதன் மூலம் திருமணத் தடைகள் விலகி, மகிழ்ச்சியான இல்லற வாழ்க்கை விரைவில் அமையும்.

? வெகுகாலமாக திருமணம் தடைப்பட்டு வருகிறது. என்ன பரிகாரம் செய்தால் திருமணம் கூடிவரும் என்று தெரிவிக்கவும்.

- ஆர்.எஸ்.கல்யாணராமன், சென்னை  - 44


உங்கள் ஜாதகப்படி தற்போது உங்களுக்கு நல்ல நேரம் நடக்கிறது. லக்னத்தில் ராகுவும் 7-ல் கேதுவும் இருக்கிறார்கள். களத்திர காரகன் சுக்கிரன் 3-ல் உச்சம் பெற்றிருக்கிறார். எனினும், களத்திர ஸ்தானத்துக்கு உரிய சந்திரன், சுக்கிரனுடன் சேர்ந்திருக்கிறார். ஆகவே, திருமணம் தடைப்படுவதற்கு ஒரு பெண்ணின் சாபம் அல்லது பெண் வகையில் ஏற்பட்ட தோஷங்கள்  காரணமாக இருக்கலாம். நீங்கள் தக்க ஜோதிடரிடம் ஆலோசித்து உரிய பரிகாரம் செய்வதன் மூலம், தோஷங்கள் விலகி திருமணம் நடைபெறும். மேலும், உங்கள் ராசிக்கு 2-ம் இடமான குடும்ப ஸ்தானத்துக்கு உரிய செவ்வாய் 12-ல் மறைவு பெற்றிருப்பதும் இல்லற வாழ்க்கை அமைவதற்கு ஒரு தடையாக உள்ளது. அனுதினமும் முருகப்பெருமானை வழிபட்டு வாருங்கள்; விரைவில் நல்லது நடக்கும்.

ஒட்டுமொத்த விகடனுக்கும் ஒரே ஷார்ட்கட்!

கல்யாண பாக்கியம் எப்போது?



? நான் தற்போது உள்ள எனது வீட்டை விற்க எண்ணியுள்ளேன். வரும் பணத்தில் நல்ல வீடு அமையுமா, என் ராசிப்படி எந்த ஊரில் வீடு வாங்குவது சிறப்பாக அமையும் என்று விளக்குங்களேன்.

- வி.ராஜேந்திரன், சென்னை - 88


நீங்கள் விருச்சிக லக்னத்தில் பிறந்திருக்கிறீர்கள். தன காரகன் குரு 8-ல் மறைவு பெற்றிருந்தாலும், அவர் தனது 7-ம் பார்வையால் 2-ம் இடமான தன ஸ்தானத்தைப் பார்ப்பதால் பணத்தட்டுப்பாடு இருக்காது. ஆனால், 4-ம் வீட்டுக்கு உரிய கிரகமான சனி 12-ல் இருப்பதால், வீட்டின் மூலம் பெரிய லாபம் கிடைக்கும் என்று சொல்வதற்கில்லை. அதேநேரம், பூமிக்காரகனான செவ்வாய், சந்திரன் சேர்க்கை 7-ல் அனுகூல கேந்திரத்தில் அமைந்து லக்னத்தைப் பார்ப்பதாலும், சந்திரமங்கள யோகம் இருப்பதாலும் பூமி மூலமாக ஓரளவு லாபம் வரும் என்று தெரிகிறது.

தங்களுக்கு 60 வயதுக்கு மேல் ஆகிவிட்டபடியால், புது வீடு கட்டக்கூடாது. ஏற்கெனவே கட்டிய வீட்டை வாங்கலாம். ‘அபிப்ரவாச:’ என்று சாஸ்திரங்கள் கூறுகின்றன. ஒருவருக்கு அவர் பிறந்த ஊரில் அவரது நினைவாக ஒரு வீடு அல்லது வாழ்வாதாரம் இருந்தால், அவருடைய ஆயுள் விருத்தியாகும் என்பது பொருள். எனவே சொந்த ஊரில் வீடு வாங்குவது நல்லது.

கல்யாண பாக்கியம் எப்போது?

? எனக்கு, தற்போது 33 வயது நடைபெறுகிறது. திருமணம் நடை பெறுவதில் தாமதம் ஏற்படுகிறது. எனக்கு எப்போது திருமணம் நடைபெறும்?

- எம்.சஞ்சய், கரூர்

உங்களுடைய லக்னம் விருச்சிகம். லக்னத்திலேயே லக்னாதிபதி செவ்வாய் சனியின் சேர்க்கை பெற்று காணப்படுகிறார். விருச்சிக லக்னத்தில் செவ்வாயும் சனியும் சேர்ந்திருப்பது அக்னி மாருத யோகமாகும். நெருப்பும் காற்றும் சேர்ந்தது போன்ற அமைப்பு இது. மேலும் இந்த இருவரும் 7-ம் பார்வையால் களத்திர ஸ்தானத் தைப் பார்வை செய்கின்றனர். ஆனால், களத்திர ஸ்தானத்துக்கு உரியவரும், களத்திர ஸ்தானாதிபதியுமான சுக்கிரன் 3-ம் இடத்தில் மறைந்திருக்கிறார்; சூரியனும் சேர்ந்திருக்கிறார். இதன் மூலம் அஸ்தங்க தோஷம் ஏற்பட்டிருக்க வாய்ப்பு உண்டு. நீங்கள், உங்களின் ஜாதகத்தை தக்க ஜோதிடரிடம் காண்பித்து, `அஸ்தங்க தோஷம்’ இருக்கிறதா என்பதை நன்றாகப் பரிசீலித்து,  தோஷம் இருப்பின் உரிய பரிகாரம் செய்யவேண்டும். அதன் பலனாக விரைவில் திருமணம் கூடிவரும்.

? திருமணமாகி 3 வருடங்கள் ஆகியும் குழந்தை பாக்கியம் இல்லை. எங்களுக்கு எப்போது குழந்தை பாக்கியம் கிடைக்கும்?

- சசிதரன், சென்னை - 44


தங்கள் இருவருடைய ஜாதகங்களிலும் பல அனுகூலப் பலன்கள் தெரிகின்றன. இருப்பினும் உங்கள் ஜாதகத்தில் புத்திர பிராப்திக்கு உதவக்கூடிய லக்னாதிபதி புதன் மற்றும் புத்திரகாரகர் குரு புத்திர ஸ்தானத்தில் அமைந்திருக்கின்றனர். மேலும் 5-ம் இடத்தில் சூரியன், புதன், குரு, சுக்கிரன், சனி ஆகியோர் இருப்பது சந்நியாச யோகத்தின் அறிகுறியாகும். ஜாதகத்தில் சனி உச்சம் பெற்றிருப்பினும், லக்னத்துக்கு 8, 9 பாவங்களுக்கு அதிபதியாகிறார். மேலும், புத்திர ஸ்தானத்தில் புத்திரகாரகன் குரு அமைந்திருப்பதும் புத்திர பிராப்தி கிடைப்பதில் தாமதத்தை ஏற்படுத்தும்.

தங்களின் மனைவி ஜாதகத்தில் புத்திர ஸ்தானத்துக்கு உரிய சூரியன் 6-ம் இடத்தில் மறைவு பெற்றிருக்கிறார். ஆனால், புத்திர காரகராகிய குரு 9-ம் இடத்திலிருந்து தனது 9-ம் பார்வையால் 5-ம் இடத்தைப் பார்க்கிறார். புத்திர ஸ்தானத்துக்கு, புத்திரகார கரான குருவின் பார்வை இருப்பதால் புத்திர பிராப்திக்கு வாய்ப்பு உண்டு.

மேலும், தற்போது தங்கள் மனைவிக்கு லக்னத்தில் அமைந்திருக்கும் சந்திர தசையில் செவ்வாய் புக்தி நடைபெறுகிறது. மிகவும் அனுகூலமான நேரம் இது. 28.12.18 வரை சந்திர தசையில் செவ்வாய் புக்தி நடைபெறுகிறது. பிறகு சந்திர தசையில் ராகுபுக்தி ஆரம்பித்து விடும். இது 28.6.20 வரை நடைபெறும். ஒரு தம்பதிக்கு புத்திர பிராப்தி இருக்கிறதா என்பதைப் பரிசீலிக்கும்போது, மனைவியின் ஜாதகம் அனுகூலமாக இருந்தாலும் கணவரின் ஜாதகமே பிரதானம் என்பதால், தங்கள் ஜாதகத்தை தக்க ஜோதிடரிடம் காண்பித்து, உரிய பரிகாரம் செய்தால், புத்திர பிராப்தி கிடைப்பதற்கு வாய்ப்பு இருக்கிறது.

வித்யாவாரிதி சுப்ரமணிய சாஸ்திரிகள்

கல்யாண பாக்கியம் எப்போது?

வாசகர்களே... ஜோதிடம் தொடர்பான கேள்விகளுக்குப் பதில் தருகிறார், வித்யாவாரிதி சுப்ரமணிய சாஸ்திரிகள் கேள்விகள் அனுப்பவேண்டிய முகவரி:

சக்தி ஜோதிடம் கேள்வி-பதில், சக்தி விகடன் 757, அண்ணாசாலை, சென்னை-600 002 Email: sakthi@vikatan.com 

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism