Published:Updated:

திருவிளக்கு பூஜை

திருவிளக்கு பூஜை

திருவிளக்கு பூஜை

திருவிளக்கு பூஜை

Published:Updated:
திருவிளக்கு பூஜை
##~##

ஒட்டுமொத்த விகடனுக்கும் ஒரே ஷார்ட்கட்!

ருளும்
பொருளும் அள்ளித் தரும் புதுக்கோட்டை அரைக்காசு அம்மன்- ஸ்ரீபிரகதாம்பாள் கோயிலில், 9.11.10-ஆம் தேதியன்று, சக்தி விகடனும் நயஹாவும் இணைந்து நடத்திய 47-வது திருவிளக்கு பூஜை சிறப்பாக நடந்தேறியது.

''நவராத்திரி ஸ்பெஷல் சக்தி விகடன்ல, புதுக்கோட்டை அரைக்காசு அம்மன் கோயில் பத்தி எழுதியிருந்தீங்க. படிச்சதும், கோயிலுக்குப் போகணும்னு முடிவு பண்ணினேன். சஷ்டி ஸ்பெஷல் சக்தி விகடன்ல, அந்தக் கோயில்லதான் திருவிளக்கு பூஜைன்னு அறிவிச்சதும், பூமிக்கும் வானுக்குமா எகிறிக் குதிச்சேன். இப்ப... அரைக்காசு அம்மனையும் தரிசனம் பண்ணியாச்சு; சக்தி விகடன் திருவிளக்கு பூஜையிலயும் கலந்துக்கிட்டாச்சு. டபுள் சந்தோஷம் எனக்கு!'' என்று உற்சாகத்துடன் சொன்னார் திருச்சி வாசகி மல்லிகா.

''நான் பொறந்து வளர்ந்தது எல்லாமே புதுக்கோட்டை மாவட்டம்தான். பிரகதாம்பாள் கருணையால, கணவர், குழந்தைகள்னு நல்லாவே வாழ்ந்தாச்சு! இனியென்ன... எங்க குழந்தைகளும் பேரக்குழந்தைகளும் நல்லா இருக்கணும். அந்தப் பிரார்த்தனையோடதான் பூஜைல கலந்துக்கிட்டேன்'' என்று நெகிழ்ச்சியுடன் சொல்லும் கீரனூர் வாசகி பானுமதி, வீட்டில் 108 அரைக்காசுகளை வைத்து, பூஜிக்கிறாராம்!

''பொறந்தது புதுக்கோட்டை; சென்னைக்கு வந்து 25 வருஷமாச்சு. எங்க இஷ்டதெய்வம், அரைக்காசு அம்மன். அந்தக் கோயில்ல விளக்குபூஜைன்னு தெரிஞ்சதும், உடனே பதிவு பண்ணிட்டேன்- விளக்கு பூஜைக்கும், ரயிலுக்கும்! பிறந்த பூமியில், மனசு நிறைஞ்சு நின்னுக்கிட்டிருக்கேன்'' என்று நெக்குருகிப் பேசுகிறார் வாசகி ரோகிணி.

'என் பொண்ணு கல்யாணமாகி, புருஷனோட சந்தோஷமா இருக்கா. அதுக்கு நன்றி சொல்லத்தான் இங்கே வந்தேன்’ என்று காரைக்குடி வாசகி லதாவும், 'எல்லாரும் நல்லா இருக்கணும்’ என்று தஞ்சை வாசகி அபிராமியும் தெரிவித்தனர். சக்தி விகடன் நடத்துகிற விளக்கு பூஜை பற்றி அறிந்ததும், 'விகடன் நிறுவனமா? நம்ம கோயில்ல விளக்கு பூஜையா?’ என்று புதுக்கோட்டை சமஸ்தானத்தின் ராணியம்மாள், உற்சாகமாக கலந்துகொண்டு, குத்து விளக்கேற்றி, திருவிளக்கு பூஜையைத் துவக்கி வைத்ததைப் பெருமையுடன் பேசிக் கொண்டனர், வாசகிகள்!

ராணியம்மாளுக்கும், எங்கிருந்தெல்லாமோ வந்து பூஜையில் கலந்துகொண்ட வாசகியருக் கும் நன்றி!  

படங்கள்: பா.காளிமுத்து  

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism