Published:Updated:

‘திருமண பிராப்திக்கு எந்தக் கிரகம் துணை நிற்கும்?’

‘திருமண பிராப்திக்கு எந்தக் கிரகம் துணை நிற்கும்?’
பிரீமியம் ஸ்டோரி
‘திருமண பிராப்திக்கு எந்தக் கிரகம் துணை நிற்கும்?’

‘திருமண பிராப்திக்கு எந்தக் கிரகம் துணை நிற்கும்?’

‘திருமண பிராப்திக்கு எந்தக் கிரகம் துணை நிற்கும்?’

‘திருமண பிராப்திக்கு எந்தக் கிரகம் துணை நிற்கும்?’

Published:Updated:
‘திருமண பிராப்திக்கு எந்தக் கிரகம் துணை நிற்கும்?’
பிரீமியம் ஸ்டோரி
‘திருமண பிராப்திக்கு எந்தக் கிரகம் துணை நிற்கும்?’

? எனக்குத் திருமணம் தடைப்பட்டுக் கொண்டே வருகிறது. ஜாதகத்தில் செவ்வாய் தோஷம் இருக்கிறது என்று சிலரும், தோஷம் எதுவும் இல்லை என்று சிலரும் கூறுகிறார்கள்.

எனக்குத் திருமணம் எப்போது நடைபெறும், எனக்கு அரசு வேலைக்கு வாய்ப்பு உள்ளதா, இப்போது இருக்கும் பணியில் இருந்து வேறு வேலைக்கு முயற்சி செய்யலாமா என்பதைத் தெரிவிக்க வேண்டுகிறேன்.

-கே.அர்ச்சனா, சென்னை

‘திருமண பிராப்திக்கு எந்தக் கிரகம் துணை நிற்கும்?’

நீங்கள் விருச்சிக லக்னத்தில் பிறந்திருக்கிறீர்கள். லக்னத்துக்கு 7-ல் செவ்வாய் இருக்கிறார். எனவே, தங்களுக்கு செவ்வாய் தோஷம் இருக்கிறது. பொதுவாக செவ்வாய் 2, 4, 7, 8, 12 ஆகிய இடங்களில் இருப்பது தோஷமாகும். குறிப்பாக 7, 8 ஆகிய இடங்களில் இருப்பது கடுமையான செவ்வாய் தோஷத்தை ஏற்படுத்தும்.

செவ்வாய் ஆட்சி, உச்சம், நீசம் பெற்றிருந்தாலோ அல்லது குரு, சனி, ராகு, கேது ஆகியோரின் சேர்க்கை அல்லது பார்வை பெற்றிருந்தாலும் செவ்வாய் தோஷம் நிவர்த்தியாகி விடும். அதேபோல் கடகம் மற்றும் சிம்ம லக்னத்தில் பிறந்தவர்களுக்கும் செவ்வாய் தோஷம் நிவர்த்தியாகி விடும்.

தங்கள் ஜாதகத்தில் தற்போது புதன் தசையில் குரு புக்தி நடைபெற்று வருகிறது. 10-க்கு உடைய சூரியனும் 11-க்கு உடைய புதனும் பரிவர்த்தனை பெற்று, தர்மகர்மாதிபதி யோகத்தைத் தருகின்றனர். ஆகவே, தங்களுக்கு 25.9.19-க்குள் திருமணம் நடைபெறும்.

சுக்கிரன் பகை வீட்டில் இருப்பதால், சுக்கிரனுக்கு உரிய பரிகார பூஜை மற்றும் மகாலட்சுமி ஹோமம் செய்வது நல்லது. தர்மகர்மாதிபதி யோகம் இருப்பதால், 1.12.22-க்குள் அரசாங்க வேலை அல்லது அரசு சார்ந்த நிறுவனங்களில் புதிய வேலை கிடைப்பதற்கு வாய்ப்பு உண்டு.

? என் மகன் ஜாதத்தை தங்களின் பார்வைக்கு அனுப்பியுள்ளேன். அவனுக்குக் கடந்த 6 வருடங்களாகப் பெண் பார்க்கிறேன். ஒன்றும் அமையவில்லை. எப்போது திருமணம் நடைபெறும்?

- ஆர்.பழனிவேல், சென்னை.

தங்கள் மகனின் ஜாதகத்தில் களத்திர ஸ்தானத்துக்கு உரிய சந்திரன் 9-ல் சனியுடன் சேர்க்கை பெற்றிருக்கிறார். மேலும் களத்திர காரகராகிய சுக்கிரன் நீசம் பெற்றிருக்கிறார். தற்போது தங்கள் மகனுக்கு குரு தசையில் குரு புக்தி 5.12.20 வரை நடைபெற உள்ளது. குரு 9-ல் இருந்து 5-ம் பார்வையாக லக்னத்தைப் பார்ப்பது நல்லதே. ஆனால், லக்னத்தில் கேது இருப்பது தட்சக காலசர்ப்ப தோஷத்தை ஏற்படுத்துகிறது.

எனவே, குரு தசை குரு புக்தி முடிவதற்குள் திருமணம் நடைபெற்றாலும்கூட, தட்சக காலசர்ப்ப தோஷ நிவர்த்திக்காகக் கேதுவுக்கு உரிய பரிகார ஹோமம் செய்யவேண்டும். கேதுவின் அதிதேவதையான விநாயகருக்கு உரிய ஹோமம் செய்வதும் பலன் தருவதாக இருக்கும்.

சுக்கிரன் நீசம் பெற்றிருப்பதால், தங்கள் தகுதி - அந்தஸ்துக்கு தகுந்த இடம் என்று எதிர்பார்க்காமல், ஏழையாக இருந்தாலும் குணவதியான பெண்ணை மகனுக்காகத் தேர்ந்தெடுங்கள்; அவர் வாழ்க்கைச் சிறக்கும்.

? என் மகளுக்குத் திருமணம் தடைப்பட்டுக் கொண்டே வருகிறது. திருமணம் எப்போது நடைபெறும்? அரசு வேலைக்கு வாய்ப்பு உண்டா?

- பூங்குழலி, திருவாரூர்

‘திருமண பிராப்திக்கு எந்தக் கிரகம் துணை நிற்கும்?’

தங்கள் மகளின் ஜாதகத்தில் களத்திர ஸ்தானத்துக்கு உரிய புதன், செவ்வாயுடன் சேர்க்கை பெற்றிருப்பதால் திருமணம் நடைபெறுவதில் தடை ஏற்படுகிறது. மறைந்த புதன் நிறைந்த செல்வம், அறிவு போன்ற நன்மைகளைச் செய்தாலும், களத்திர ஸ்தானாதிபதியாகி 12-ல் மறைந்திருப்பது, திருமணத்தில் தடையை ஏற்படுத்துகிறது.

மேலும் செவ்வாய் 12-ல் இருப்பதால் பிரச்னை ஏற்படாது என்றாலும், வரன் பார்க்கும்போது செவ்வாய் லக்னத்துக்கு 2, 4, 7, 8, 12 ஆகிய இடங்களில் இருக்கும் ஜாதகங்களைத் தேர்வு செய்வது நல்லது. 29.7. 19 வரை சனி தசையில் சூரிய புக்தி நடைபெறுவதால், அதற்குப் பிறகு திருமணத்துக்கான முயற்சிகளில் ஈடுபடவும். அரசாங்க வேலையைப் பொறுத்தவரை 10-க்கு உடைய குரு 8-ல் மறைந்திருப்பதால், குருபகவானுக்கு உரிய பரிகார ஹோமம் செய்வதன் மூலம் அரசாங்க வேலைக்கு வாய்ப்பு ஏற்படக்கூடும். வியாழக் கிழமைதோறும் நவகிரகங்களில் குரு பகவானுக்கு நெய்தீபம் ஏற்றி, அர்ச்சனை செய்வதும் அவசியமாகிறது.

? என் மகன் திருமணத்தில் விருப்பம் இல்லாமல் இருக்கிறார். அவருக்குத் திருமண பிராப்தி எப்போது அமையும், ஏதேனும் பரிகாரம் செய்யவேண்டுமா?

- சங்கரலிங்கம், வீரபாண்டி

ஒருவருடைய ஜாதகத்தில் குருவும் சுக்கிரனும் வலிமையாக இருந்தால்தான் அவருக்குத் திருமணம் செய்துகொள்ளவேண்டும் என்பதில் விருப்பம் ஏற்படும். விருச்சிக லக்னத்தில் பிறந்திருக்கும் தங்கள் மகனுடைய ஜாதகத்தில் களத்திர ஸ்தானத்துக்கு உரிய சுக்கிரன் 3-ல் உச்ச செவ்வாயுடன் சேர்க்கை பெற்று மறைந்திருக்கிறார்.

தற்போது அவருக்கு ராகு தசை சூரிய புக்தி மே 19 வரை உள்ளது. லக்னத்தில் ராகுவும் 7-ல் கேதுவும் இருப்பதால் சர்ப்ப தோஷம் ஏற்படுகிறது. எனவே ராகு கேது தோஷ நிவர்த்திக்காகவும், மறைவு பெற்றிருக்கும் சுக்கிரனுக்கு வலிமை சேர்ப்பதற்கும் உரிய ஹோமங்கள் செய்யவேண்டும்.

? நான் சொந்தமாகத் தொழில் செய்து வருகிறேன். என்னுடைய தொழில் எப்படி அமையும்?

எனக்குத் திருமணமாகி 4 வருடங்கள் சென்றும் குழந்தை பாக்கியம் இல்லை. எப்போது குழந்தை பாக்கியம் கிடைக்கும்?

- பெயர் வெளியிட விரும்பாத வாசகர் ஒருவரின் ஜாதகத்தில் ஜீவன ஸ்தானம் எனப்படும் 10-ம் இடம்தான் தொழிலை நிர்ணயிக்கிறது. தங்கள் ஜாதகத்தில் 10-க்கு உடைய குரு 3-ல் மறைவு பெற்றிருக்கிறார். தொழில் ஸ்தானமான 10-ம் வீட்டுக்குச் செவ்வாயின் பார்வை மட்டுமே உள்ளது.

தற்போது தடைகள் தென்பட்டாலும்... நேரம் காலம் அனுகூலமாக உள்ளதாலும் 11-க்கு உடைய செவ்வாய் 5-ல் இருந்து 10 மற்றும் 11 ஆகிய வீடுகளைப் பார்வையிடுவதாலும் தர்மகர்மாதிபதி யோகம் ஏற்படுகிறது.

அதேநேரம், தனகாரகர் குரு 3-ல் மறைந்திருக்கிறார். சுக்கிரன் இருப்பது ஆட்சி வீடாக இருந்தாலும் அது 12-ம் இடம் என்பதால் மறைவு பெற்றிருக்கிறார். ஆகவே நவகிரகங்களில் சூரியன், சுக்கிரன், குரு, சனி ஆகியோரை உரிய கிழமைகளில் வழிபடுவதுடன், கார்த்தவீர்யார்ஜுன ஹோமம் செய்வது நல்ல பலன்களைத் தரும்.

‘திருமண பிராப்திக்கு எந்தக் கிரகம் துணை நிற்கும்?’

புத்திர ஸ்தானாதிபதி சுக்கிரன் 12-ல் ஆட்சி பெற்றிருந்தாலும், புத்திரகாரகர் குரு மறைவு பெற்றிருப்பதால், சந்தான கோபால ஹோமம் செய்வதன் மூலம் குழந்தை பாக்கியம் கிடைக்கும்.

தங்கள் மனைவியின் ஜாதகத்திலும் புத்திரஸ்தானாதிபதி சனி 2-ல் புதனுடன் சேர்க்கை பெற்றிருப்பதும், புத்திரகாரகர் குரு 5-ல் இருக்கும் நிலையும் புத்திரபாக்கியத்தில் தடை ஏற்படுத்துகின்றன. எனவே சந்தானகோபால ஹோமம் செய்வதுடன் குருவாயூரப்பனை தரிசித்து வழிபடுவதும் நல்லது.

தங்கள் மனைவியின் ஜாதகம் அதிர்ஷ்ட ஜாதகம். லக்னாதிபதி ஆட்சி பெற்றிருப்பதாலும், பூர்வபுண்ணிய காரகரான  குரு அந்த பூர்வ புண்ணிய ஸ்தானத்திலேயே இருப்பதும் மிகவும் நல்ல அமைப்பாகும். தற்போது சனி தசையில் ராகுபுக்தி நடைபெற்று வருகிறது. எனவே அவருக்கு அரசாங்கத்தில் உயர்ந்த வேலை கிடைப்பதற்கு வாய்ப்பு உண்டு.

? எனக்கு அரசு வேலை கிடைப்பதற்கான வாய்ப்பு உண்டா, குழந்தை பாக்கியம் உள்ளதா என்பது  குறித்து அறிய விரும்புகிறேன்.

- தியாகராஜன், திருச்சி

தங்களுடைய ஜாதகம் மிக நல்ல ஜாதகம். 10-ல் சுக்கிரன் உச்சம் பெற்றிருக்கிறார். குரு 7-ல் ஆட்சி பெற்றிருக்கிறார். மேலும் 10.7.21 வரை புதன் தசையில் சுக்கிர புக்தி நடைபெற உள்ளது. அதற்குள் அரசாங்க வேலை கிடைப்பதற்கு வாய்ப்பு பிரகாசமாக உள்ளது.

குழந்தை பாக்கியத்தைப் பொறுத்தவரை புத்திரஸ்தானத்தில் சனி சந்திரனுடன் சேர்ந்திருப்பது தடை ஏற்படுத்துகிறது. இருப்பினும் களத்திரகாரகராகிய சுக்கிரனும் புத்திரகாரகரான குருவும் நல்ல நிலையில் இருக்கிறார்கள். நீங்கள், ஸ்ரீசந்தானகோபாலனை வழிபட்டால் குழந்தை பாக்கியம் கிடைக்கும். தங்கள் ஜாதகத்துடன் தங்கள் மனைவியின் ஜாதகத்தையும் அனுப்பியிருந்தால் இன்னும் துல்லியமாக கணித்துச் சொல்ல முடியும்.

- பதில்கள் தொடரும்...

 -வித்யாவாரிதி சுப்ரமணிய சாஸ்திரிகள்

வாசகர்களே... ஜோதிடம் தொடர்பான கேள்விகளுக்குப் பதில் தருகிறார், வித்யாவாரிதி சுப்ரமணிய சாஸ்திரிகள் கேள்விகள் அனுப்பவேண்டிய முகவரி: சக்தி ஜோதிடம் கேள்வி-பதில், சக்தி விகடன் 757, அண்ணாசாலை, சென்னை-600 002 Email: sakthi@vikatan.com