Published:Updated:

காரடையான் நோன்பு

காரடையான் நோன்பு
பிரீமியம் ஸ்டோரி
காரடையான் நோன்பு

ஆர்.நந்தினி, மதுரை

காரடையான் நோன்பு

ஆர்.நந்தினி, மதுரை

Published:Updated:
காரடையான் நோன்பு
பிரீமியம் ஸ்டோரி
காரடையான் நோன்பு

தீர்க்கசுமங்கலி வரம் அருளும் அற்புதமான விரதம் காரடையான் நோன்பு. மாசியும் பங்குனியும் கூடும் வேளையில் அனுஷ்டிக்கபப்டுவது இந்த நோன்பு. சாவித்திரி நோன்பு, காமாட்சி நோன்பு, கெளரி நோன்பு என்று பலவாறாகப் போற்றப்படும் இந்த விரதம் மகாபதிவிரதையான சாவித்திரியால் நோற்கப்பட்டு, அவள் கணவனை மீட்க உதவியது என்கின்றன ஆன்மிக நூல்கள்.

மகாபாரதத்திலும் தேவி பாகவதத்திலும் சாவித்திரியின் பெருமைகள் சொல்லப்படுகின்றன. மகாபாரதத்தில், வன பர்வத்தில், 299-ம் அத்தியாயத்தில் மார்க்கண்டேய உபதேசத்தில் சாவித்திரியின் பெருமைகள் கூறப்பட்டுள்ளன. இந்த சாவித்திரி உபாக்கியானத்தை யார் படிக்கிறார்களா, கேட்கிறார்களோ, அவர்களுக்கு எல்லாவித நலன்களும் கிடைக்கப்பெறும்.

காரடையான் நோன்பு

இந்த நன்னாளில், ஒரு கலசத்தின் மீது தேங்காய் மாவிலை வைத்து, கலசத்தில் குங்குமம், மஞ்சள் பூசி, அதன்மேல் மஞ்சள் கயிறைக் கட்டவேண்டும். அதையே அம்பிகையாக பாவித்து அதில் அம்பிகையை ஆவாகனம் செய்யவேண்டும். அருகில் காமாட்சி அம்மன் படம் வைத்து வழிபட வேண்டும். வனத்தில் தன் கணவர் சத்தியவானுடன் வாழ்ந்தபோது, சாவித்திரி  அங்கு கிடைத்த கார் அரிசியையும் காராமணியையும் கொண்டு அடை தயார் செய்து வெண்ணெய்யுடன் சேர்த்து, இறைவன் - இறைவிக்குச் சமர்ப்பித்து வழிபட்டாள் என்பதால், இந்நாளில் அதுவே நைவேத்தியமாகப் படைக்கப்படுகிறது.

இந்த வருடம் காரடையான் நோன்பு 15.3.19 (பங்குனி 1-ம் தேதி) வெள்ளிக்கிழமை அன்று வருகிறது. அன்றைய தினம் அதிகாலை 5 முதல் 5:25 மணிக்குள் சுமங்கலிப் பெண்கள் சரடு கட்டிக்கொள்ளும் புனித நேரம் என்று பஞ்சாங்கம் தெரிவிக்கிறது. எனவே, இந்தப் புனித வேளையில் பழையத் தாலிச் சரடை மாற்றிக் கட்டிக்கொள்ளலாம்.

அம்பிகை வழிபாட்டின்போது ‘உருகாத வெண்ணெய்யும், ஓரடையும் நோன்பு நோற்றேன். ஒருக்காலும் என் கணவன் என்னை விட்டுப் பிரியாமல் இருக்கவேண்டும்’ என்று பிரார்த்தித்துக்கொள்ள வேண்டும். சத்தியவான் சாவித்திரி சரித்திரத்தைப் பாராயணம் செய்ய வேண்டும். இதனால் தம்பதி ஒற்றுமை மேலோங்கும்; மாங்கல்ய பலம் கிடைக்கும் என்கின்றன புராணங்கள்.

மேலும் இந்த நோன்பின் பயனாக பிரிந்த தம்பதியர் மீண்டும் இணைவர்; உடல் நலிந்திருக்கும் கணவரின் ஆயுளும் ஆரோக்கியமும் அதிகரிக்கும் என்பதும் நம்பிக்கை. இந்நாளில் மங்கல தேவியான அம்பிகையை வழிபட்டு சர்வமங்கலங்களும் பெற பிரார்த்திப்போம்.

ஒட்டுமொத்த விகடனுக்கும் ஒரே ஷார்ட்கட்!

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism