Published:Updated:

ஒப்பிலாத மாமணியே! - அருள்மிகு உப்பிலியப்பன் திருக்கோயில்

ஒப்பிலாத மாமணியே! - அருள்மிகு உப்பிலியப்பன் திருக்கோயில்
பிரீமியம் ஸ்டோரி
ஒப்பிலாத மாமணியே! - அருள்மிகு உப்பிலியப்பன் திருக்கோயில்

ஒப்பிலாத மாமணியே! - அருள்மிகு உப்பிலியப்பன் திருக்கோயில்

ஒப்பிலாத மாமணியே! - அருள்மிகு உப்பிலியப்பன் திருக்கோயில்

ஒப்பிலாத மாமணியே! - அருள்மிகு உப்பிலியப்பன் திருக்கோயில்

Published:Updated:
ஒப்பிலாத மாமணியே! - அருள்மிகு உப்பிலியப்பன் திருக்கோயில்
பிரீமியம் ஸ்டோரி
ஒப்பிலாத மாமணியே! - அருள்மிகு உப்பிலியப்பன் திருக்கோயில்

லகம் போற்றும் 108 திருப்பதிகளில், `விண்ணகரம்' என்று சிறப்பிக்கப்படும் வைணவத் தலங்கள் - 6. அவற்றில் ஒன்று ஒப்பிலியப்பன் கோயில். மற்றவை: சீராம விண்ணகரம், அரிமேய விண்ணகரம், வைகுந்த விண்ணகரம், நந்திபுரம் விண்ணகரம், பரமேச்சுர விண்ணகரம்.

ஒப்பிலாத மாமணியே! - அருள்மிகு உப்பிலியப்பன் திருக்கோயில்

• இந்தத் தலம் ஆகாச நகரம், வைகுண்ட நகரம், ஒப்பிலியப்பன் சந்நிதி, உப்பிலியப்பன் சந்நிதி ஆகிய பெயர்களாலும் வழங்கப்படுகிறது.

ஒட்டுமொத்த விகடனுக்கும் ஒரே ஷார்ட்கட்!

• மார்க்கண்டேய முனிவர் தவம் இயற்றியதால் ‘மார்க்கண்டேய க்ஷேத்திரம்’ என்றும், திருத்துழாய்க் காட்டில் பூமி நாச்சியார் அவதரித்ததால் ‘துளசி வனம்’ என்றும், வைகுந்தபெருமாள் எழுந்தருளியுள்ளதால் `திருவிண்ணகர்' எனவும், நிகரில்லாத பெருமாளின் உறைவிடம் ஆனதால் `ஒப்பிலியப்பன் கோயில்' என்றும் இந்தத் தலத்தைப் பல்வேறு பெயர்களால் அழைக்கின்றனர்.

• இங்கு கருடன், காவிரி, தர்ம தேவதை, மார்க்கண்டேயர் ஆகியோருக்கு எம்பெருமான் காட்சி அளித்ததாகப் புராணம் கூறுகிறது. மேலும் துளசி, சூரியன், சந்திரன் ஆகியோரும் பூஜித்த தலம் இது. 

• திருநாகேச்சுரம் சிவாலயமும், திருவிண்ணகர மும் இடம்பெற்றுள்ளதால்  இந்த ஊர் ‘திருவிண்ணகர் திருநாகேச்சுரம்’ எனப்பட்டது. ‘திரைமூர் நாட்டுத் தேவதானமான திருவிண்ணகர் திருநாகேச்சுரம்’ என்று கல்வெட்டுகள் குறிப்பிடுகின்றன.

• இத்தலத்தையும் இங்குள்ள பெருமாளையும் 11 பாசுரங்களில் நம்மாழ்வாரும், 34 பாசுரங்களில் திருமங்கையாழ் வாரும், ஒரு பாசுரத்தில் பொய்கை ஆழ்வாரும், 2 பாசுரங்களில் பேயாழ்வாருமாக மொத்தம் 48 பாசுரங் களில் பாடி அருளியுள்ளனர். பிள்ளைப் பெருமாள் ஐயங்காரும் மங்களாசாசனம் செய்துள்ளார்.

•   திருப்பதி ஸ்ரீவேங்கடாசலபதியைப் போலவே இவருக்கும் தனி சுப்ரபாதம் உண்டு. இதை இயற்றியவர் ஸ்ரீராமதேசிகாசார்ய சுவாமிகள். தினமும் திருப்பள்ளியெழுச்சியின்போது இதுவே ஒலிக்கிறது.

• இங்கு எம்பெருமானைத் துளசியால் பூஜிப்பவருக்கு அஸ்வமேத யாகம் செய்த பலன் கிடைக்கும். நடைபயணமாக இந்தக் கோயிலுக்கு வரும் பக்தர்கள், தாங்கள் எடுத்து வைக்கும் ஒவ்வொரு கால் எட்டுக்கும் புண்ணியம் பெறுவர்.

ஒப்பிலாத மாமணியே! - அருள்மிகு உப்பிலியப்பன் திருக்கோயில்

•   நம்மாழ்வாருக்கு திருவிண்ணகர் அப்பன், பொன்னப்பன், மணியப்பன், முத்தப்பன், என்னப்பன் ஆகிய ஐந்து அர்ச்சா வடிவங்களில் இங்குள்ள பெருமாள் காட்சி அளித்து அவரை ஆரத் தழுவினார் என்பர். இந்த ஐந்து பெயர்களையும் சேர்த்து நம்மாழ்வார் பாசுரம் ஒன்றைப் பாடியுள்ளார். 

•   தேவசிற்பி விஸ்வகர்மாவால் எழுப்பப்பட்ட தாகக் கருதப்படும் இந்த ஆலயத்தில், சுத்தானந்த விமானத்தின் கீழ் கிழக்கு நோக்கி நின்ற திருக் கோலத்தில் எழுந்தருளியுள்ளார் ஒப்பிலியப்பன். அருகில் நாச்சியார் வடக்கு நோக்கி அமர்ந்த திருக்கோலத்திலும் மார்க்கண்டேயர் தெற்கு நோக்கி அமர்ந்து, கன்னிகாதானம் செய்யும் கோலத்திலும் காட்சி தருகின்றனர். ஒப்பாக எவரும் இல்லாதவர் ஆதலால், ஒப்பிலியப்பன் என்று பெயர். தேவஸ்தான ரெக்கார்டுகளில் ஸ்ரீவேங்கடாசலபதி என்ற திருநாமம் உள்ளது. திருப்பதி ஸ்ரீநிவாசனுக்கு இவர் அண்ணன் என்பது ஐதீகம்.

• திருவடியைச் சுட்டிக்காட்டும் ஸ்ரீஒப்பிலியப்பனின் கீழ் வலக் கரத்தில் ‘மாம் ஏகம் சரணம் வ்ரஜ’ (என்னை சரணடை, உன்னை பாதுகாக்கிறேன்) என்ற கீதையின் ஸ்லோகப் பகுதி வைரங்களால் பொறிக்கப்பட்டுள்ளது விசேஷ அம்சம். இங்கு உற்சவருக்கும் மூலவருக்கும் ஒரே திருநாமம்தான்.

•   இங்கு பூதேவியை விஷ்ணு மணம் புரிந்ததால் மணப்பெண்ணுக்குரிய இடமான வலப் புறத்தில் இடம்பெற்றிருக்கிறார் பூமி நாச்சியார். இவருக்குப் பூமி தேவி, பூதேவி, பூநாச்சியார், தரணிதேவி, வசுந்தரை ஆகிய திருநாமங்களும் உண்டு. இது பூதேவியின் தலம் ஆதலால், இங்கு தாயாருக்கு தனிச் சந்நிதி கிடையாது. ஆழ்வார்கள் சந்நிதியில் கோதை நாச்சியாரும் இல்லை. புஷ்கரணியின் மேற்கில், பூமிநாச்சியாரின் அவதார ஸ்தலம் உள்ளது.

• வருடத்தில் ஒரே ஒரு மணி நேரம் மட்டுமே மனைவியைப் பிரிவார் ஸ்ரீஒப்பிலியப்பன். மார்க்கண்டேயர், தன் மகளை விட்டு ஒருபோதும் பிரியக்கூடாது என்று பெருமாளுக்கு நிபந்தனை விதித்தார். எனவே, அனைத்து விழாக்களிலும் ஒப்பிலியப்பன் பூதேவியுடன் இணைந்தே பவனி வருகிறார். ஆனால், நவராத்திரி உற்சவத்தில் அம்பு போடும் வைபவத்தின்போது மட்டும், சுமார் ஒரு மணி நேரம் பெருமாள் தனியே செல்கிறார். அப்போது பூமாதேவி தாயார் யாருக்கும் தரிசனம் தராததால், மூலஸ்தானத்தில் தாயார் சிலையை திரையிட்டு மறைப்பர்.

• புளியோதரை, தயிர்சாதம், பொங்கல், சர்க்கரைப் பொங்கல், வடை, அதிரசம், முறுக்கு ஆகியவை பெருமாளுக்கு நிவேதனம் செய்யப்படு கின்றன. உப்பில்லாவிட்டாலும் இந்த பிரசாதங்கள் ருசியாகவே இருக்கின்றன. அதேபோல் உப்புள்ள உணவுப் பொருட்களைக் கோயிலுக்குள் கொண்டு வந்து உண்டால், பாவம் ஏற்படும் என்பது ஐதீகம். 

• இங்கு சந்தான கிருஷ்ணனை மடியில் எழச் செய்யும் சேவை தினமும் காலை 8:30 மணி வரை நடைபெறும். குழந்தை இல்லாதவர்கள் இங்குள்ள பகலிராப் பொய்கையில் நீராடி, நோன்பிருந்து அங்கப் பிரதட்சணம் செய்து சந்தான கிருஷ்ணனை மடியில் எழுந்தருளச் செய்து பெருமாளை சேவித்தால் புத்திர பாக்கியம் கிடைக்கும்.

ஒப்பிலாத மாமணியே! - அருள்மிகு உப்பிலியப்பன் திருக்கோயில்

•   தஞ்சை மாவட்டம் கும்பகோணத்துக்கு தெற்கில் சுமார் 7 கி.மீ. தூரத்தில் உள்ளது திருவிண்ணகரம். கும்பகோணத்திலிருந்து இந்தத் தலத்துக்கு அடிக்கடி பேருந்துகள் உள்ளன. ராகு பரிகார ஸ்தலமான நாகநாதசுவாமி கோயிலுக்கு அருகிலுள்ளது, ஒப்பிலியப்பன் கோயில்.

•   அருள்மிகு உப்பிலியப்பன் திருக்கோயிலில், பங்குனிப் பெருவிழா மார்ச் 23-ம் தேதி தொடங்கி நடைபெற்று வருகிறது. இவ்விழாவின் முக்கிய விழாவான சூர்ணாபிஷேக விழா மார்ச் 29 அன்றும்,  தேர்த் திருவிழா மார்ச் 31 அன்றும், சப்த வாகனம் விழா ஏப்ரல் 1 அன்றும் நடைபெறவுள்ளன. நாமும் இந்த விழா வைபவங்களில் கலந்துகொண்டு, ஒப்பிலியப்பனை வேண்டி ஒப்பிலா வரங்களைப் பெற்று வருவோம்.

பிரும்மாண்ட புராணம் சொல்லும் திருக்கதை!

‘திருமகளை நெஞ்சில் தரித்தது போல, என்னையும் தாங்கள் தரிக்கவேண்டும்!’ என்று திருமாலிடம் வேண்டினாள் துளசிதேவி. திருமால், ‘‘நீ திருவிண்ணகரம் சென்று அங்கு துளசிச் செடியாகத் தோன்றி தவம் செய். மார்க்கண்டேய மகரிஷியின் தவத்தினால், அங்கே குழந்தையாக அவதரிக்கும் திருமகளை அவர் எடுத்து வளர்ப்பார். அவளை மணம் புரிய அங்கு நான் வரும்போது, உங்கள் எல்லோருக்கும் சகல மரியாதைகளும் ஏற்படும்’’ என்று அருளினார்.

அதன்படியே சகலமும் நடந்தன. பூமியிலிருந்து தோன்றியதால் மார்க்கண்டேயரின் குழந்தை பூமாதேவி எனப்பட்டாள். அற்புதமாக வளர்ந்து வந்தாள் குழந்தை. ஒருநாள், முதியவர் வேடத் தில் மார்க்கண்டேய முனிவரைச் சோதிக்க வந்த திருமால், `‘உங்கள் மகளை மணம் செய்ய விரும்புகிறேன்’' என்றார் முனிவரிடம்.

வந்திருப்பவர் திருமால் என்று அறியாத மார்க்கண்டேயர், ‘‘அவள் குழந்தை. சமையலில் எவ்வளவு உப்பு போடவேண்டும் என்று கூடத் தெரியாது. அப்படிப்பட்ட குழந்தையை மணம் செய்வதால், உமக்கு ஆகப் போவது என்ன'’ என்று கேட்டார். ஆனால், அவளே தனக்கு மனைவியாக வேண்டும் என்று அடம்பிடித்தார் முதியவர். மார்க்கண்டேயர் யோசனையில் ஆழ்ந்தார். அப்போது முதியவர் அவருக்கு ஸ்ரீமந் நாராயணனாகக் காட்சி தந்தார்.

‘‘முதியவனாக வந்தது யாமே. மகாலட்சுமியான இவளை மணம் புரியவே வந்தோம்’’ என்று சங்கு- சக்ரதாரியாக கன்னி ஒருத்தியை கரம் பிடிக்கும் பாவனையில் நாராயணன் காட்சியளித்தார். அதைக்கண்ட மார்க்கண்டேயர் மகிழ்ச்சியுடன் திருமணத்துக்குச் சம்மதித்தார்.

‘‘உங்கள் குழந்தை உப்பில்லாது சமைத் தாலும் யாம் ஏற்றுக்கொள்வோம். கவலை வேண்டாம்!’’ என்று ஸ்ரீமந்நாராயணன் அருளினார். அதனால் மகிழ்ந்த மார்க்கண்டேயர், உடனே அந்தத் திருமணத்தை விமரிசையாக நடத்தினார். அதனால் இன்று வரை அருள்மிகு ஒப்பிலியப்பன் கோயிலில் உப்பில்லாத பண்டங்களே படைக்கப்படுகின்றன. எனவே, இங்குள்ள பெருமாள் `உப்பிலியப்பன்' என்றும் அழைக்கப்படுகிறார்!

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism