Published:Updated:

வேண்டினேன்... கிடைத்தது!

வேண்டினேன்... கிடைத்தது!
பிரீமியம் ஸ்டோரி
வேண்டினேன்... கிடைத்தது!

வேண்டினேன்... கிடைத்தது!

வேண்டினேன்... கிடைத்தது!

வேண்டினேன்... கிடைத்தது!

Published:Updated:
வேண்டினேன்... கிடைத்தது!
பிரீமியம் ஸ்டோரி
வேண்டினேன்... கிடைத்தது!
வேண்டினேன்... கிடைத்தது!

ன்னுடைய 14 வயதிலிருந்து வடபழநி  சாந்தநாயகி சமேத வேங்கீஸ்வரர் அருள் துணையோடு வளர்ந்தவள் நான். இன்பமோ துன்பமோ எதுவானாலும் அவர்களே கதியெனக் கிடந்தவள் நான். இன்றும் வாரம் இருமுறை அந்த ஆலயத்துக்குச் சென்று வழிபடுவது ஒன்றே எனக்கு நிம்மதி தரும் அனுபவம்.

வேங்கீஸ்வரனே எனக்கு நல்ல கணவரைத் தந்தார்; நல்ல மகள்களைத் தந்தார். என்னுடைய மகள்களுக்கும் நல்ல வாழ்க்கைத் துணையைக் கொடுத்தார். இப்போது அழகான - அறிவான  பேரன், பேத்திகளையும் கொடுத்திருக்கிறார்.

ஒன்றா இரண்டா? வேங்கீஸ்வர பெருமான்  எங்கள் குலத்தையே காவல் காத்த கருணையை என்னவென்று சொல்ல? ஒருமுறை, என் கணவருக்குக் கண்ணில் ஏதோ கோளாறு உண்டாகி பார்வை குறைவு உண்டானது. அப்போதும் ஈசனை வணங்கி விரதமிருந்து, அவரருளால் கணவரின் பார்வையை மீட்டேன். அப்போது அது சவாலான சிகிச்சை என்று கூறி மருத்துவர்களே வியந்தார்கள். பக்கமிருந்து காத்தது என் சிவனல்லவா?! அற்புத பலன் கிடைத்தது.

வேண்டினேன்... கிடைத்தது!

ஒட்டுமொத்த விகடனுக்கும் ஒரே ஷார்ட்கட்!

10 ஆண்டுகளுக்கு முன்னால் என் கணவரின் சகோதரருக்கு இதயத்தில் பிரச்னை உண்டாகி மருத்துவமனையில் சேர்த்திருந்தோம். அவருக்கு எந்த ஆபத்தும் நேரக்கூடாது என்று வேங்கீஸ்வரரை வேண்டிக்கொண்டேன். இந்த வேண்டுதலுக்காக ஒரு அகண்ட தீபம் வைத்தேன். அந்த தீபம் தொடர்ந்து சுடர்விட்டுக்கொண்டிருக்க, அவரும் குணமானார்.

வேண்டினேன்... கிடைத்தது!

என் இளைய மகள் வெளிநாட்டுக்குச் சென்று பணியாற்றுவதையே சிறுவயது முதல் லட்சிய மாகக் கொண்டவள். அவளின் வேண்டுதலை ஏற்று வெளிநாட்டுக்குச் செல்ல அருளியதோடு, இன்றும் அவளுக்குக் கவசமாகத் திகழ்ந்து பாதுகாக்கிறார் எங்கள் ஈசன். இப்படி, எத்தனையோ அதிசயங்களை ஈசன் செய்து வந்தாலும், அதில் இன்றும் நான் நினைத்து நினைத்துச் சிலிர்த்துப்போவது, சென்ற ஆண்டு நடந்த ஒரு சம்பவம்தான்.

கடந்த டிசம்பர் மாதம் குடும்பத்தோடு வயநாடு சுற்றுலா செல்ல காரில் கிளம்பினோம். பல ஆண்டுகளாக எங்களிடம் பணியாற்றிய ஓட்டுநர் என்பதால் கவலையின்றி புறப்பட்டோம். செல்லும் வழியில் திடீரென ஒரு விபத்து. சில நொடிகள்... நடந்தது என்னவென்றே புரியவில்லை. பெரும் சத்தத்தோடு சாலையில் கவிழ்ந்தது எங்களின் கார். `ஈஸ்வரா' என்று மனதுக்குள் அலறுவதைத் தவிர வேறெதுவும் தோணவில்லை. ஆனால், சிவனருளால் எங்களில் எவருக்கும் எந்தக் காயமும் இல்லை.

காரிலிருந்து வெளியே வந்தால் எங்கள் கார் அப்பளம் போல் நொறுங்கிக்கிடந்தது. அந்த காரைக் காண்பவர்கள், அதன் உள்ளே இருந்தவர்கள் பிழைத்திருப்பார்கள் என்று நம்பவே மாட்டார்கள். ஆனால் நடந்தது உண்மை. பேராபத்திலிருந்து எங்களைப்  பாதுகாத்த பெரும் சக்தி எங்கள் வேங்கீஸ்வரர் அன்றி வேறு யார்?

- இந்திரா மோகன்ராஜ், சென்னை - 83

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism