Published:Updated:

நிலையான வேலை அமைய என்ன பரிகாரம் செய்யலாம்?

நிலையான வேலை அமைய என்ன பரிகாரம் செய்யலாம்?
பிரீமியம் ஸ்டோரி
நிலையான வேலை அமைய என்ன பரிகாரம் செய்யலாம்?

நிலையான வேலை அமைய என்ன பரிகாரம் செய்யலாம்?

நிலையான வேலை அமைய என்ன பரிகாரம் செய்யலாம்?

நிலையான வேலை அமைய என்ன பரிகாரம் செய்யலாம்?

Published:Updated:
நிலையான வேலை அமைய என்ன பரிகாரம் செய்யலாம்?
பிரீமியம் ஸ்டோரி
நிலையான வேலை அமைய என்ன பரிகாரம் செய்யலாம்?

? கடந்த நான்கு வருடங்களாக நிலையான வேலை கிடைக்காமல் கஷ்டப்படுகிறேன்.  எனது கஷ்டம் எப்போது தீரும், நிலையான வேலை எப்போது அமையும்? எனக்குத்  திருமண யோகம் எப்படி உள்ளது?

- பச்சையப்பன், திருவண்ணாமலை

!உங்கள் ஜாதகத்தைக் கணித்துப் பார்த்ததில், நீங்கள் மீன லக்னத்தில் பிறந்திருக்கிறீர்கள். லக்னத்துக்கு 10-ல் சூரியன், செவ்வாய், சுக்கிரன், புதன் ஆகியோர் உள்ளனர். 10-ம் காரகர் சூரியன் 10-ல் இருந்தால் அரசாங்க உத்தியோகம் கிடைப்ப தற்கு வாய்ப்பு பிரகாசமாக உள்ளது.

10-ம் வீட்டைக் கொண்டுதான் தொழில் நிர்ணயம் செய்யப்படுகிறது. தன ஸ்தானாதிபதி என்ற 2-ம் அதிபதியும், லாப ஸ்தானாதிபதி என்ற 11-ம் அதிபதியும் பலம் பெற்றிருப்பின், செய்யும் தொழிலில் நல்ல முன்னேற்றம்  உண்டாகும். 10-ல் சூரியன் இருப்பது அனுகூல யோகமாகும். மேலும், தனஸ்தானாதிபதி செவ்வாய் 10-ல் இருப்பதும் மேலும் யோகங்களைத் தரும்.

தற்போது, உங்களுக்குக் குரு தசையில் புதன் புக்தி நடைபெறுவதாலும், குரு 8-ல் மறைந்திருப்ப தாலும் சில தடைகள் ஏற்படுகின்றன. குரு தசையின் முதல் 8 வருடங்களில் கஷ்டங்கள் ஏற்பட்டாலும், பிற்பகுதி நன்றாகவே இருக்கும். தற்போது குரு பகவானுக்கு உரிய பரிகார ஹோமம் செய்வதன் மூலம், வேலை கிடைப்பதில் ஏற்படக்கூடிய தடைகள் நீங்கும். திருமணத்தைப் பொறுத்தவரை 7-ம் பாவ காரகரும் 7-ம் பாவ அதிபதியும் 10-ம் வீட்டில் இருப்பதால், திருமணம் நல்லபடி நடைபெறுவதில் தடைகள் எதுவும் இல்லை. அதற்கான முயற்சிகளில் ஈடுபடலாம்.

நிலையான வேலை அமைய என்ன பரிகாரம் செய்யலாம்?

? பிடிவாதமும் முன்கோபமும் அதிகம் என் மகளுக்கு. அவளின் எதிர்காலம் எப்படி?

- சண்முகராஜா, பெங்களூரு


!குழந்தைகளைப் பொறுத்த வரை, அவர் களுடைய முதல் 4 வருடங்கள் தாயாரின் கர்மவினைகளும், அடுத்த 4 வருடங்கள் அதாவது குழந்தையின் 8 வயது வரை தகப்பனாரின் கர்மவினைகளும் அந்தக் குழந்தையின் வாழ்வை நிர்ணயம் செய்யும். தங்களின் மகள் அசுவினி நட்சத்திரத்தில் பிறந்துள்ளார்.

தற்போது சுக்கிர தசை சுக்கிர புக்தி 8.5.2022 வரை உள்ளது. விருச்சிக லக்னத்தில் இருக்கும் சுக்கிரன், தன் 7-ம் பார்வையால் தனது ஆட்சி வீடாகிய ரிஷபத்தைப் பார்க்கிறார். அதேநேரம், சுக்கிரன் 12-ம் வீடாகிய துலாமுக்கும் அதிபதி என்பதால் பிடிவாதமும் முன்கோபமும் உள்ளன. வெள்ளிக்கிழமைகளில் சுக்கிரனுக்கு நெய்தீபம் ஏற்றி அர்ச்சனை செய்து வர, விரைவில் தங்கள் மகளின் பிடிவாதப் போக்கும் முன்கோபமும் மாறும். 2-ம் அதிபதி குரு 8-ல் இருந்து 2-ம் இடத்தைப் பார்ப்பதால், கல்வியில் முன்னேற்றம் உண்டு.

?எனது பிறந்த தேதியை வைத்துப் பலன் சொல்ல இயலுமா? பிறந்த நேரம் தெரிய வில்லை. இதுவரை, எனக்குச் சரியான வேலை அமையவில்லை, திருமணத்திலும் தடைகள். ஏதேனும் பரிகாரம் செய்யவேண்டுமா ?

- வெங்கடேஷ்


!ஒருவரின் ஜாதகத்தைக் கணிக்க வேண்டு மானால், பிறந்த நேரம், பிறந்த தேதி, பிறந்த ஊர் ஆகிய விவரங்கள் கண்டிப்பாகத் தேவை. ஆனால், தாங்கள் தேதியை மட்டும் குறிப்பிட்டுள்ளீர் கள். எனவே, தங்கள் கேள்வி எங்களுக்கு வந்து சேர்ந்த நேரத்தின் அடிப்படையில் பிரச்னம் பார்த்த தில், தங்கள் நட்சத்திரம் பூரம்; ராசி சிம்மம்; ராசிக்கு 4-ல் சுக்கிரன் இருந்து, 7-ம் பார்வையால் 10-ம் வீட்டைப் பார்க்கிறார். 10-ம் வீடு சூன்ய அவஸ்தை நிலையில் உள்ளது. மேலும், குருவும் நீசம் பெற்றிருக்கிறார். எனவே வேலை கிடைப்பதில் தடைகள் ஏற்படுகின்றன.

திருமண விஷயத்தில், தற்போது கோசரப்படி குரு 4-லும், சனி 5-லும் உள்ளனர். எனவே, இடைவிடாத பிரார்த்தனை ஒன்றே பிரச்னைகளின் தீவிரத்தைக் குறைக்கும்.

தங்கள் பெற்றோரிடம் பிறந்த தேதி, நேரம், ஊர் ஆகிய விவரங்களைத் தெரிந்துகொண்டு, ஜாதகம் கணித்துப் பார்த்தால் மட்டுமே துல்லியமான பலன்களைக் கூற முடியும். முடியாதபட்சத்தில் தட்சிணாமூர்த்தியையும் ஆஞ்சநேயரையும் தொடர்ந்து வழிபட்டு வரவும்.

? என் உறவினர் ஒருவரின் மகளுடைய பிறந்த விவரங்களை அனுப்பியுள்ளேன். அவளுக்குத் திருமணம் எப்போது நடைபெறும்,  பரிகாரங்கள் செய்யவேண்டுமா?

- ஊர், பெயர் வெளியிட விரும்பாத வாசகர்


!  தங்கள் உறவினரின் மகள் ரோகிணி 2-ம் பாதத்தில் பிறந்திருக்கிறார். ஜன்ம லக்னம் சிம்மம். லக்னாதிபதி சூரியன் 5-ல் உள்ளார். 7-க்கு உடைய சனி 4-ல் பகை வீட்டில் அமர்ந் துள்ளார். அவருடன் களத்திரகாரகர் சுக்கிரனும் சேர்ந்துள்ளார். எனவே, திருமணம் நடைபெறுவதில் தடைகள் தெரிகின்றன.

ஆனால், 7-ம் பாவத்தில் குரு உள்ளதாலும், 17.4.19 முதல் 4.6.2021 வரை குரு தசை குருபுக்தி நடைபெற இருப்பதாலும், சித்திரை மாதத்துக்குப் பிறகு திருமண முயற்சிகளை மேற்கொள்ளலாம். நல்ல வரன் அமைவதற்கு வாய்ப்பு உள்ளது.

- பதில்கள் தொடரும்...

ஒட்டுமொத்த விகடனுக்கும் ஒரே ஷார்ட்கட்!

- வித்யாவாரிதி சுப்ரமணிய சாஸ்திரிகள்

வாசகர்களே... ஜோதிடம் தொடர்பான கேள்விகளுக்குப் பதில் தருகிறார், வித்யாவாரிதி சுப்ரமணிய சாஸ்திரிகள். கேள்விகள் அனுப்பவேண்டிய முகவரி: சக்தி ஜோதிடம் கேள்வி-பதில், சக்தி விகடன் 757, அண்ணாசாலை, சென்னை-600 002 Email: sakthi@vikatan.com