Published:Updated:

`பாதுகைகளை வணங்கினால்...'

`பாதுகைகளை வணங்கினால்...'
பிரீமியம் ஸ்டோரி
`பாதுகைகளை வணங்கினால்...'

முனைவர் எம்.ஏ.வேங்கடகிருஷ்ணன் படம்: வெங்கடேஷ்

`பாதுகைகளை வணங்கினால்...'

முனைவர் எம்.ஏ.வேங்கடகிருஷ்ணன் படம்: வெங்கடேஷ்

Published:Updated:
`பாதுகைகளை வணங்கினால்...'
பிரீமியம் ஸ்டோரி
`பாதுகைகளை வணங்கினால்...'
`பாதுகைகளை வணங்கினால்...'

ஸ்ரீராமாநுஜர் திருவரங்கத்தில் எழுந்தருளி யிருந்தபோது நடைபெற்றதாக ஒரு நிகழ்ச்சி கூறப்படுகிறது. ஒருநாள் திருவரங்கத்து உற்சவ மூர்த்தியான நம்பெருமாள் திருப்புன்னை மரத்தடியில் எழுந்தருளியிருந்தார். சற்றுத் தொலைவில் எம்பெருமானாரும் எழுந்தருளி யிருந்தார். அங்கே பெருமாளைச் சேவிக்க வந்த ஸ்ரீவைஷ்ணவர்கள் ஸ்ரீராமாநுஜரையும் சாஷ்டாங்கமாக நமஸ்காரம் செய்தார்கள்.

உடையார் சுப்பிரமணிய பட்டர் என்ற அரசாங்க அதிகாரி இதைக் கண்டார். நம்பெருமாளைச் சேவிக்க வந்தவர்கள், ராமாநுஜரையும் வணங்குவது சரிதானா என்ற சந்தேகம் அவருக்கு ஏற்பட்டது.  எனவே உடையவரிடம், ‘`சீயரே! இறைவன் திருமுன்பாகவே சிலர் உம்மைக் கீழே விழுந்து வணங்குகிறார்கள். இத்தனைக்கும் அவர்கள் படித்தவர்களாகவும் இருக்கிறார்கள். அவர்கள் அப்படிச் செய்வதை நீங்கள் தடுக்காமல் இருக்கிறீர்களே’’ என்று கேட்டார்.

‘`நீங்கள் கேட்டது சரியான கேள்விதான். ஆனால், இது நீர் கேட்கவேண்டிய கேள்வியல்ல’’ என்றார் ராமாநுஜர்.

‘`நான் ஏன் கேட்கக்கூடாது?’’

`பாதுகைகளை வணங்கினால்...'

‘`நீர் அரசனிடம் வேலை செய்பவர். அரசனிடம் ஒரு காரியத்துக்காக வருபவன், அரசனுடைய காலணிகளை எடுத்துத் தன் தலையில் வைத்துக் கொள்வதை நீர் கண்டிருப்பீர். அப்படி அவன் செய்யும்போது, அந்தக் காலணிகள் அவனைத் தடுக்குமோ? அவனும் உண்மையில் அந்தக் காலணிகளையா கொண்டாடுகிறான்? அவன் பாதுகைகளைக் கொண்டாடுவதாக இருந்தால், அந்தப் பாதுகைகள்தானே அவன் வந்த காரியத்தைச் செய்துகொடுக்க வேண்டும். ஆனால், உண்மையில் அவன் வந்த காரியத்தைச் செய்து தருபவன் அரசன்தான். அந்த அரசனுடையப் பாதுகைகளை ஒருவன் தலையில் வைத்துக் கொள்வதால் மகிழ்ச்சி அடைபவன் அரசன்தான்; பாதுகைகள் அல்ல. அதேபோல்தான், எம்பெருமானுடைய பாதுகைகள் போலுள்ள எம்மையும் இவர்கள் வணங்குகிறார்கள். எனவேதான், நான் இவர்களைத் தடுக்கவில்லை’’ என்று அருளிச் செய்தார்.

`திருத்திப் பணிகொண்டீரே...'

ருமுறை ஸ்ரீராமாநுஜர் எழுந்தருளியிருந்த மடத்தில், ஸ்ரீவைஷ்ணவர்களுக்குத் ததீயாராதனம் நடைபெற்றுக்கொண்டிருந்தது. கிடாம்பியாச்சான் தண்ணீர் பரிமாறிக் கொண்டிருந்தார் (ததீயாராதனங்களின்போது தண்ணீர் கேட்பவர் களுக்கு, ஒருவர் தண்ணீரை ஒரு பாத்திரத்தில் எடுத்து வந்து, அவரவர் வாயில் ஊற்றுவது வழக்கம்). அப்போது தண்ணீர் கேட்ட ஒருவருக்கு, கிடாம்பியாச்சான் நேராக நின்று வாயில் ஊற்றாமல், ஒரு பக்கமாக நின்றுகொண்டு தண்ணீர் ஊற்ற, கேட்டவர் கழுத்தைச் சாய்த்தபடி தண்ணீர் பருகிக் கொண்டிருந்தார்.

அதைப் பார்த்த ஸ்ரீராமாநுஜர் கிடாம்பியாச்சானிடம் வந்து, அவருடைய முதுகில் ஓங்கி அறைந்து, `நேராக நின்றுதானே தண்ணீர் பரிமாறவேண்டும். இப்படி தண்ணீர் பரிமாறினால் குடிப்பவருக்கு புரையேறுமே’ என்று கடிந்து கொண்டார்.

இதனால் மிகவும் மகிழ்ந்த கிடாம்பியாச்சான், `` `பணிமானம் பிழையாமே அடியேனைப் பணி கொண்ட’ என்ற ஆழ்வாரின் பாசுரத்தின்படி, என் பணிகளில்  சிறு பிழையும் நேரக்கூடாது என்பதால், இந்தச் சிறு விஷயத்தைக்கூட கவனித்து தேவரீர் அடியேனைத் திருத்திப் பணிகொண்டீரே’ என்று நெகிழ்ச்சியுடன் கூறினாராம்.