Published:Updated:

கேள்வி - பதில் - உக்கிரமான தெய்வங்களை வீட்டில் வழிபடலாமா?

கேள்வி - பதில் - உக்கிரமான தெய்வங்களை வீட்டில் வழிபடலாமா?
பிரீமியம் ஸ்டோரி
கேள்வி - பதில் - உக்கிரமான தெய்வங்களை வீட்டில் வழிபடலாமா?

கேள்வி - பதில் - உக்கிரமான தெய்வங்களை வீட்டில் வழிபடலாமா?

கேள்வி - பதில் - உக்கிரமான தெய்வங்களை வீட்டில் வழிபடலாமா?

கேள்வி - பதில் - உக்கிரமான தெய்வங்களை வீட்டில் வழிபடலாமா?

Published:Updated:
கேள்வி - பதில் - உக்கிரமான தெய்வங்களை வீட்டில் வழிபடலாமா?
பிரீமியம் ஸ்டோரி
கேள்வி - பதில் - உக்கிரமான தெய்வங்களை வீட்டில் வழிபடலாமா?

? ஞாயிறு, செவ்வாய், வெள்ளி ஆகிய நாள்களில் எந்த நாளில் ராகுகாலத்தில் துர்கையை வழிபடுவது சிறப்பான பலன்களைத் தரும்?

-இரா.ராகவன், திருவள்ளூர்

கேள்வி - பதில் - உக்கிரமான தெய்வங்களை வீட்டில் வழிபடலாமா?

ஒட்டுமொத்த விகடனுக்கும் ஒரே ஷார்ட்கட்!

அனைத்து நாள்களிலும் ராகுகால வேளையில்  ஸ்ரீதுர்கையை வழிபடலாம். பொதுவாக, செவ்வாய், வெள்ளி ஆகிய நாள்களில் அம்பிகையை வழிபடுவது சிறப்பானது என்ற காரணத்தினால், அந்த இரண்டு நாள்களில் அதிக அளவிலான பக்தர்கள் துர்கையை வழிபடுகின்றனர். குறிப்பாக ராகுவிற்கு துர்கை அதிதேவதையாக விளங்குவதாலும், செவ்வாய் அக்னியின் வடிவமான அங்காரகனுக்கும் சிறப்பாக விளங்குவதாலும், அக்னி வடிவினளாக விளங்கி, நமக்கு சிவஞானத்தை அளிக்கும் துர்காதேவியை செவ்வாய்க்கிழமைகளில் பெரும்பாலானோர் வழிபடுகின்றனர். துர்கையை வழிபட நேரம் காலம் பார்க்கத்தேவை யில்லை. தங்களுக்கு உகந்த நாள்களில் பக்தியுடனும் மன அமைதியுடனும் வழிபடுதலே முக்கியம். நம்முடைய

கேள்வி - பதில் - உக்கிரமான தெய்வங்களை வீட்டில் வழிபடலாமா?

கஷ்டங்களைப் போக்கி, நமக்கு அனைத்து நன்மைகளையும் அருளவல்லவள்  ஸ்ரீதுர்கை. ‘துர்கே ஸ்ம்ருதா’ என்றபடி, நினைத்த மாத்திரத்திலேயே நம்முடைய கவலைகளையும் இல்லாமையையும் போக்கக் கூடியவள் துர்கை. அவளை வணங்கிட நமக்கு நற்கதியை அருள்வாள்.

? உக்கிரமான தெய்வப் படங்களை வீட்டில் வைத்திருக்கக் கூடாது என்று சொல்கிறார்கள். அதன் காரணம் என்ன?

-எம்.முத்துகிருஷ்ணன், அரக்கோணம்

‘அதி சௌம்ய அதி ரௌத்ராயை’ என்று தேவியை சாந்தமாக இருப்பவள் என்றும், அதே தேவி மிக உக்கிரமாகவும் விளங்குகிறாள் என்றும் தேவீ மஹாத்மியத்தில் கூறப்பட்டுள்ளது. இதன் மூலம் ஒரே பரம்பொருளே பல ரூபங்களில் விளங்குவதை நாம் தெரிந்துகொள்ளலாம். நமக்குத் துன்பங்கள் ஏதேனும் நேராமல் இருக்கவேண்டும் என்பதற்காக, தேவி உக்கிர ரூபத்தைத் தரிப்பதாக சாஸ்திரங்கள் கூறுகின்றன.  ‘தைத்யானாம் தேஹ நாசாய பக்தானாம் அபயாய ச’ என்று தீயவர்களை அழித்து நல்லவர்களைக் காப்பாற்றுவதற்காகவே தான் ஆயுதங்களைத் தரிப்பதாக தேவி கூறுகிறாள். இந்த உண்மையை நாம் அறிந்து கொண்டால், சாந்தமான தெய்வம் என்றும் உக்கிரமான தெய்வம் என்றும் வேறுபடுத்திப் பார்க்க மாட்டோம். உக்கிரமான தெய்வ வடிவங்களை நாம் காணும்போது, அந்த தெய்வ சக்திகள், நமக்கு உள்ளேயும் வெளியேயும் உள்ள தீயனவற்றை விலக்கி, நன்மைகளை அளிப்பதற்கே என்பதை உணர்ந்து தெய்வங்களை அனைத்து வடிவங்களிலும் வழிபடுவது சிறந்ததே. உக்கிரமான தெய்வ வடிவங்களை வழிபடுவதில் தவறு இல்லை. நாம் பார்க்கும் பார்வைதான் முக்கியம்.

? மாதம்தோறும்   விநாயகரை வழிபட சங்கடஹர சதுர்த்தி உள்ளதைப் போல், வேறு ஏதேனும் விசேஷ நாள்கள் இருக்கின்றதா?

-ஆர்.லட்சுமிபதி, திருச்சி

கேள்வி - பதில் - உக்கிரமான தெய்வங்களை வீட்டில் வழிபடலாமா?

சங்கடஹர சதுர்த்தி, சுக்ல பட்ச சதுர்த்தி ஆகிய நாள்களில் விநாயகரை வழிபடுவது சிறப்பானதுதான் என்றாலும், அனுதினமும்  அவரை வழிபடுவது அவசியமாகும். மூலாதார சக்தியை ‘பரா’ என்றும் ‘சாந்தா’ என்றும் கூறுவர். குண்டலினி சக்தியானது மேலெழும்புவதற்கு முதற்கண் விநாயகரை வழிபடவேண்டும் என்று கூறப்பட்டுள்ளது. நம்முடைய அனைத்து ஆற்றல்களுக்கும் ஆதாரமாக விளங்குவது மூலாதாரம். அந்த மூலாதாரத் தில் வீற்றிருப்பவர் கணபதி. எனவே, கணபதியை அனுதினமும் வழிபட்ட பிறகே நம் அன்றாடக் காரியங்களைத் தொடங்குவது சிறப்பான பலன்களைத் தரும்.

? சிலர் தங்கள் வீட்டின் தலைவாயிலில் கண்ணாடி வைத்திருப்பதைப் பார்த்திருக்கிறேன். இதற்குக் காரணம் ஏதும் உண்டா?

-எம்.சிவகுமார், கும்பகோணம்

கண்ணாடி எட்டு மங்கல பொருள்களில் ஒன்றாகும். அதை வைத்துப் பூஜிப்பது நம்முடைய மரபு. யாகசாலையில் இறைவனை வழிபடும் நேரத்தில் அவரைச் சுற்றி கண்ணாடி, சாமரம், தீபம் போன்ற எட்டு மங்கலப் பொருள்களை வைத்து, உலக மக்கள் அனைவரும் நலம் பெறவேண்டி வழிபடவேண்டும் என்று ஆகமங்கள் கட்டளையிட்டுள்ளன.  வீட்டிலுள்ள அனைவரும் நன்மை அடையவேண்டும் என்ற நோக்கத்தில், வீடுகளின் தலைவாயிலில் கண்ணாடி வைக்கப்படுகிறது. மேலும், நம் வீட்டிற்கு வருபவர்களில் எவரேனும் தவறான எண்ணத்துடன் வருவார்களெனில், அவருடைய பார்வை முதலில் இந்தக் கண்ணாடியில் படிவதன் மூலம், நம்மைப் பற்றிய அவருடைய தவறான எண்ணங்கள் போக்கப் பெற்று, நாம் காப்பாற்றப்படுவோம் என்பது முன்னோர்களின் நம்பிக்கை. கண்ணாடி சிறிது உடைந்து இருந்தாலும் அதை மாற்றிவிட வேண்டும். கண் திருஷ்டி தோஷங்களைப் போக்கி, அனைத்து நலன்களையும் கண்ணாடி அளிப்பதால்தான், புத்தாண்டு தினத்தில் கண்ணாடியின் முன்பு புஷ்பம், காய், கனி ஆகியவற்றை வைத்து வழிபட்டு, பிறகு கண்ணாடியில் நம்மை நாமே பார்த்துக்கொள்கிறோம். ஆண்டு முழுவதும் நமக்கு இனிமையாக இருக்கவேண்டும் என்பதே இதன் தாத்பர்யம்.

? வீட்டில் வலம்புரிச் சங்கு வைத்து பூஜை செய்யலாமா? அதற்கென்று விசேஷ விதிமுறைகள் இருக்கிறதா?

-வசுந்தரா சிவகுமார், மும்பை

கடலில் தோன்றும் பல பொருள்களில் சங்கும் ஒன்று. அதிலும் குறிப்பாக வலம்புரிச் சங்கு மிகவும் விசேஷம். எனவே, வலம்புரிச் சங்கை நாம் பூஜிப்பது மிகவும் விசேஷம்தான். குருநாதர் மூலம் மந்திரம் உபதேசம் பெற்று வழிபாடு செய்பவர்கள், அர்க்கியங்களைச் சங்கில் செய்து வழிபடுவது உண்டு. பொதுவாக அனைவரும் தங்கள் வீட்டுப் பூஜையறையில் வலம்புரியோ அல்லது இடம்புரியோ ஏதேனும் ஒரு சங்கை வழிபாட்டுக்குப் பயன்படுத்தலாம். நுனி வடக்கு அல்லது கிழக்கு நோக்கியோ இருக்கவேண்டும். சங்கில் நீர் மற்றும் சந்தனம், புஷ்பங்களைச் சேர்த்து வழிபடுவது நல்லது. தக்க குருநாதரின் மூலம் பூஜை முறைகளை அறிந்து வழிபடுவது மிகவும் சிறந்தது. நம் ஆற்றலை மேம்படுத்தும்.

- பதில்கள் தொடரும்...

-காளிகாம்பாள் கோயில் சிவ ஸ்ரீ சண்முகசிவாசார்யர்

ஓவியங்கள்: பத்மவாசன், பிரேம் டாவின்ஸி

வாசகர்களே... ஆன்மிகம் தொடர்பான அனைத்துக் கேள்விகளுக்கும் பதில் தருகிறார்,
சென்னை `காளிகாம்பாள் கோயில்'  சிவ ஸ்ரீசண்முக சிவாசார்யர்.

கேள்விகள் அனுப்பவேண்டிய முகவரி:

கேள்வி-பதில், சக்தி விகடன் 757, அண்ணாசாலை, சென்னை-600 002