Published:Updated:

விழாக்கள் விசேஷங்கள்!

விழாக்கள் விசேஷங்கள்!

பிரீமியம் ஸ்டோரி

29.5.19 - அக்னி நட்சத்திரம் நிவர்த்தி

சித்திரை மாத பரணி நட்சத்திரம் 4-ம் பாதத்தில் தொடங்கி ரோகிணி நட்சத்திரம் முதல் பாதம் வரை சூரியன் சஞ்சரிக்கும் காலமே அக்னி நட்சத்திரக் காலம் என பஞ்சாங்கம் கூறுகிறது.

கடுமையான வெப்பம் நிறைந்த காலம் என்பதால், அக்னி நட்சத்திரக் காலம் தோஷ காலமாகவும் கருதப்படுகிறது. இந்தக் காலம் நிவர்த்தியாகும் இந்த நாளில், ஆலயங்களில் சிறப்பு பூஜைகள், வழிபாடுகள் நடக்கும். இந்நாளில் சூரியனை வழிபட்டால் காரிய ஸித்தி உண்டாகும்.

விழாக்கள் விசேஷங்கள்!

5.6.19 - ரம்பா திரிதியை  

செல்வ வளம் பெருக அட்சய திரிதியை என்றால், அழகும் ஆரோக்கியமும் பெருக ரம்பா திரிதியை என்பார்கள், ஆன்றோர்கள். ஆனி மாத வளர்பிறை திரிதியை நாளில் ரம்பை, மேனகை, ஊர்வசி, திலோத்தமை, அலம்புசை, மனோகரை, கலாநிதி, கனகை, சந்திரலேகை ஆகிய தேவலோக மங்கையர், ஈசனை  வழிபட்டு அழகும் ஆயுளும் பெற்றனர். இந்த நாளில் செய்யப்படும் இறைவழிபாடு, ஆரோக்கியத்தைக் காக்கும்.

6.6.19 - நம்பியாண்டார் நம்பி குருபூஜை  

ன்னிரு திருமுறைகளில், முதல் பதினோரு திருமுறைகளைத் தொகுத்த அருளாளர் நம்பியாண்டார் நம்பி. 11-ம் திருமுறையின் சில தொகுப்புகளுக்கு இவரே ஆசிரியரும்கூட.

திருநாரையூரில் அருளும் 'பொள்ளாப் பிள்ளையார்' இவருக்குக் குருவாக இருந்து பல அற்புதங்களை நடத்த உதவினார். வைகாசி மாத புனர்பூச நட்சத்திர தினமான இன்று நம்பியாண்டார் நம்பியின் குருபூஜை நடைபெறவுள்ளது. தமிழ் வேதமாம் திருமுறைகளை அளித்த நம்பியை வணங்கி நலம் யாவும் பெறுவோம்.

7.6.19 - நமிநந்தி அடிகள் குருபூஜை 

தீபமேற்ற நெய் கேட்டதும் கேலி செய்த சமணர்களின் சொல்லால் மனம் வருந்தி, ஈசனைத் துதித்து, கமலாலயக் குளத்து நீரெடுத்து, அந்த நீரைக் கொண்டு திருவாரூர் அறநெறியப்பர் ஆலயத்தில் விளக்கேற்றி அற்புதம் நிகழ்த்திய அடியவர் நமிநந்தி அடிகள்.

திருவாரூர் பிறந்தார் எல்லோரும் சிவகணங்களே என்பதை ஈசனே உணர்த்தியது இவருக்குத்தான். பக்தியால் ஈசனை வசப்படுத்திய நமிநந்தி அடிகளின் குருபூஜை, வைகாசி மாதம் பூச நாளான இன்று கொண்டாடப்படுகிறது. அடியாரைப் போற்றி வணங்குவோம்.

சபரிமலை நடைதிறப்பு   : ஐயப்பன் பிரதிஷ்டை தினத்தையொட்டி ஜூன் 11-ம் தேதி மாலை 5 மணி முதல் 12-ம் தேதி இரவு வரை (ஒரு நாள்); மாத பூஜைக்காக 15 -ம் தேதி மாலை 5 மணி முதல் 20 -ம் தேதி இரவு வரை நடைதிறந்திருக்கும்.திருவண்ணாமலை  கிரிவலம்   :  16.6.19 மதியம் 3:10 தொடங்கி மறுநாள் 17.6.19 மதியம் 3 மணி வரை.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism
அடுத்த கட்டுரைக்கு