Published:Updated:

பொன்மழை அருளிய பெருந்தேவி தாயார்!

பொன்மழை அருளிய பெருந்தேவி தாயார்!
பிரீமியம் ஸ்டோரி
பொன்மழை அருளிய பெருந்தேவி தாயார்!

பொன்மழை அருளிய பெருந்தேவி தாயார்!

பொன்மழை அருளிய பெருந்தேவி தாயார்!

பொன்மழை அருளிய பெருந்தேவி தாயார்!

Published:Updated:
பொன்மழை அருளிய பெருந்தேவி தாயார்!
பிரீமியம் ஸ்டோரி
பொன்மழை அருளிய பெருந்தேவி தாயார்!

காஞ்சி அருள்மிகு வரதராஜப் பெருமாள் திருக்கோயிலில், கல்யாண கோடி விமானத்தின் கீழ், தனிச் சந்நிதியில் அருள்பாலிக்கிறார், பெருந்தேவி தாயார். கிழக்கு நோக்கி இரு தாமரை மலர்களை ஏந்தி, அபய-வரத கரங்களுடன், பட்டாடை- அணிமணிகளுடன் பொன் மகுடம் தரித்து, அமர்ந்த கோலத்தில் கருணை நாயகியாகக் காட்சிதருகிறார். ‘மஹா தேவ்யை’ என்ற வாக்கியத்தையே திருநாமமாகக்கொண்டு, `பெருந்தேவித் தாயார்’ எனப்படுகிறார். இவருக்கு `அரித்ரா தேவி’, `மகாதேவி’ ஆகிய பெயர்களும் உண்டு. அருகில் தாயாரின் உற்சவர்.

பொன்மழை அருளிய பெருந்தேவி தாயார்!

திருமகள், பிருகு மகரிஷியின் புத்திர காமேஷ்டி யாகத்தில் ஸ்ரீபெருந்தேவித் தாயாராக அவதரித்து, பொற்றாமரை மலர்களால்  ஸ்ரீவரதராஜரை பூஜித்து வந்தாராம். அவருக்கு அருள் புரிய திருவுளம் கொண்டார் பெருமாள். அதன்படி பரமசிவன், பிரம்மர், பிருகு மகரிஷி, காஸ்யபர், கண்வர், காத்தியாயனர், ஹரிதர் முதலிய முனிவர்கள் மற்றும் தேவர்கள் முன்னிலையில் ஸ்ரீபெருந்தேவியின் கரம் பற்றினாராம் வரதராஜர்.

இந்த ஆலயத்தில் நடைபெறும் பிரம்மோற்சவத் தின்போது பெருமாள் மட்டுமே திருவீதி உலா வருவார். பெருந்தேவித் தாயாருக்கு திருவீதி புறப்பாடு கிடையாது. எனவே தாயாரை, ‘படிதாண்டாப் பத்தினி’ என்பர்.  ஸ்ரீவேதாந்த தேசிகர் மீது பொறாமைகொண்ட சிலர், அவரை அவமானப்படுத்த எண்ணினர். ஒருமுறை காஞ்சிக்கு வந்த பிரம்மச்சாரியான வறியவன் ஒருவனை  ஸ்ரீவேதாந்த தேசிகரிடம் சென்று பொருள் வேண்டும்படி ஏவினர். அவனும் சென்றான். கயவர்களின் எண்ணத்தைப் புரிந்துகொண்ட தேசிகர்,  ஸ்ரீபெருந்தேவித் தாயாரை வேண்டி  ஸ்ரீதுதி பாடினார். இதனால் மகிழ்ந்த  ஸ்ரீதாயார், பொன் மழை பெய்வித்து தேசிகரின் பெருமையை உலகறியச் செய்தாராம்.

வடநாட்டுத் தொழிலதிபர் ஒருவர் வரதர் சந்நிதிக்கு வெள்ளித் தகடுகள் வேய்ந்த கதவுகளைத் தயார் செய்தார். அதை மூலவர் சந்நிதிக்குப் பொருத்த முயன்றபோது, சரியாகப் பொருந்தவில்லை. அப்போது அங்கு வந்த அர்ச்சகர் ஒருவர், கதவுகளை தாயார் சந்நிதியில் மாட்டச் சொன்னார். அப்படியே செய்தனர்; கதவுகளும் சரியாகப் பொருந்தின. அதன் பிறகு, வெள்ளி வேயப்பட்டு, தங்க முலாம் பூசப்பட்ட வேறு கதவுகள் தயார் செய்யப்பட்டு மூலவர் சந்நிதியில் பொருத்தப்பட்டனவாம்.

பின்னர், கதவுகளை தாயார் சந்நிதியில் பொருத்துமாறு சொன்ன அர்ச்சகரைத் தேடியபோது அவரைக் காணவில்லை. `எனில், அர்ச்சகராக வந்தது பெருமாளே...’ என்று கருதினராம். இப்படி பெருமாளே, தாயாருக்கு முக்கியத்துவம் தந்து ஆணையிட்டதால், இன்றும் தாயாரை தரிசித்த பிறகே பெருமாளை தரிசிக்கும் மரபு கடைப்பிடிக்கப்படுகிறது.

ஒட்டுமொத்த விகடனுக்கும் ஒரே ஷார்ட்கட்!

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism