Published:Updated:

தேவ மயிலில்... மால் மருகன்!

தைப்பூச தரிசனம்!

தேவ மயிலில்... மால் மருகன்!

தைப்பூச தரிசனம்!

Published:Updated:
தேவ மயிலில்... மால் மருகன்!
##~##
நா

ஒட்டுமொத்த விகடனுக்கும் ஒரே ஷார்ட்கட்!

கை மாவட்டம், திருக்கடையூரில் இருந்து சுமார் 8 கி.மீ. தொலைவில் உள்ளது செம்பனார்கோவில். இந்த ஊரில், தந்தை சிவனார் அருள்பாலிக்கும் ஆலயமும் உண்டு. மைந்தன் முருகப்பெருமான் அருள் வழங்கும் கோயிலும் உண்டு!  பழைமையான இந்தக் கோயிலில் தேவேந்திர மயிலுடன், அழகுக் கோலம் காட்டுகிறார் முருகப்பெருமான்!

ஸ்ரீவள்ளி-ஸ்ரீதெய்வானை சமேதராக, 12 கரங்களில் ஆயுதங்களுடன், தேவேந்திர மயிலின் மீதமர்ந்தவாறு, ஸ்ரீசண்முக சுப்ரமணியர். காட்சி தரும் அழகே அழகு! பொதுவாக கந்தனுக்கு வலப்புறம் நோக்கி நிற்கும் மயூரம், இங்கே இடப்புறம் நோக்கி நிற்பது விசேஷம்!

தேவ மயிலில்... மால் மருகன்!

இங்கே, முருகக்கடவுள், தமது ஆறு கிரீடங்களிலும் முறையே ஸ்ரீபிரம்மன், ஸ்ரீசரஸ்வதி, ஸ்ரீவிஷ்ணு, ஸ்ரீலட்சுமி, ஸ்ரீபரமேஸ்வரர் மற்றும் ஸ்ரீபார்வதிதேவி ஆகியோரின் சக்தியைப் பெற்றிருப்பதாக ஐதீகம். எனவே, இவரை வணங்கித் தொழுதிட மும்மூர்த்தியரையும் முப்பெரும் தேவியரையும் வழிபட்ட பலன் கிடைக்கும். இங்கு, ஸ்ரீசிவனார், ஸ்ரீபார்வதி, ஸ்ரீவீரபத்திரர், ஸ்ரீஇடும்பன் ஆகியோருக்கும் சந்நிதிகள் உள்ளன.

தைப்பூச நன்னாளுக்கு முன்னதாக, உத்திரட்டாதி நட்சத்திரத்தில் கொடி ஏற்றத்துடன் துவங்கி, 10 நாட்களுக்கு அமர்க்களப்படும், தைப்பூசத் திருவிழா. தினமும் ஒவ்வொரு வித அலங்காரத்தில், கந்தக் கடவுள் திருவீதியுலா வரும் அழகைக் காணக் கண்கோடி வேண்டும். தைப்பூசத் திருநாளில் ஸ்ரீசண்முக சுப்ரமணியருக்கு சிறப்பு அபிஷேகம் செய்து, வில்வம், அரளி, மருக்கொழுந்து, ரோஜா, முல்லை, தாமரை ஆகிய ஆறு விதமான மலர்களால் மாலை அணிவித்து,  சர்க்கரைப் பொங்கல், வெண் பொங்கல், எள்ளு சாதம், புளியோதரை, எலுமிச்சை சாதம், தயிர்சாதம் என ஆறு வகை சாதங்களை நைவேத்தியம் செய்து, சிறப்பு வழிபாடுகள் நடைபெறும்.

தேவ மயிலில்... மால் மருகன்!

கொஞ்சி விளையாடப் பிள்ளை இல்லையே என ஏங்கு வோரும், கல்யாண வரம் கைகூடவில்லையே எனக் கலங்கு வோரும் இங்கு வந்து சண்முகனை வணங்கி, மனதாரப் பிரார்த்தித்துக் கொண்டால் கைமேல் பலன் நிச்சயம். அப்படி, சண்முகனின் அருளால் வேண்டுதல் நிறைவேறப் பெற்றவர் கள், காவடி எடுத்து வந்தும், பாற்குடம் சுமந்துவந்தும், கந்தப் பெருமானுக்கு தங்களின் நேர்த்திக்கடனைச் செலுத்துகின்றனர்.

ஆறு வகை நைவேத்தியத்தில் ஒன்று, ஆறு வகை மாலை களில் ஒரு பூமாலை என முருகக் கடவுளுக்குப் படைத்து வழிபட்டால், நம் தொழில் சிறக்கவும் வியாபாரம் வெற்றி பெறவும் எப்போதும் துணை நிற்பான், ஸ்ரீவேல்முருகன்.  

              - மா.நந்தினி
படங்கள்: இ.ராஜவிபீஷிகா  

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism