Published:Updated:

உலகம் காக்கும் ஒன்பது நிலை கோபுரம்!

உலகம் காக்கும் ஒன்பது நிலை கோபுரம்!

உலகம் காக்கும் ஒன்பது நிலை கோபுரம்!

உலகம் காக்கும் ஒன்பது நிலை கோபுரம்!

Published:Updated:
உலகம் காக்கும் ஒன்பது நிலை கோபுரம்!
உலகம் காக்கும் ஒன்பது நிலை கோபுரம்!
##~##
கு
ம்பகோணத்தின் மையப்பகுதியில், கும்பகோணம் என்று பெயர் அமைவதற்குக் காரணமான ஆலயம் உள்ளது. அது... ஸ்ரீஆதிகும்பேஸ்வரர் திருக்கோயில். இங்கே, கோயிலும் பிரமாண்டம்; குளமும் பிரமாண்டம். அதேபோல், கோயிலின் ராஜகோபுரமும் வெகு பிரமாண்டம்.

இந்தத் தலத்தில் ஸ்வாமியின் திருநாமம் - ஸ்ரீஆதிகும்பேஸ்வரர். அம்பாள் - ஸ்ரீமங்களாம்பிகை. அமுதக் கும்பத்தை வேடனாக வந்து அம்பு எய்ததால், அவருக்கு கிராதமூர்த்தி எனும் திருநாமமும் உண்டு. தவிர, அமுதேசர், அமுதகும்பேஸ்வரர் என்றும், மந்திரபீடத்தில் திகழ்வதால் ஸ்ரீமந்திரபீடேஸ்வரர் என்றும் பல திருநாமங்கள் சிவனாருக்கு உண்டு!  

இங்கே... கும்பமுனி சித்தர், ஸ்வாமி மற்றும் அம்பாளை நினைத்து தவம் இருந்ததாகவும் ஸ்ரீராமபிரானுக்கு இங்கிருந்தபடி அவர் ஆசி வழங்கியதாகவும் சொல்கிறது ஸ்தல புராணம்.

முனிவரின் சாபம் பெற்ற காமதேனு, இங்கு வந்து ஸ்வாமி, அம்பாள், ஸ்ரீநவநீத விநாயகர் ஆகியோரை வணங்கியதால் சாபம் நீங்கப் பெற்றது. எனவே, அமாவாசை, மாதப் பிறப்பு, சுக்கிர வாரம் எனப்படும் வெள்ளிக்கிழமை, மாசி மகம், சோம வாரம் எனப்படும் திங்கட்கிழமை ஆகிய நாட்களில் ஸ்வாமியையும் அம்பாளையும் தரிசித்துவிட்டு, இங்கேயுள்ள ஸ்ரீநவநீதப் பிள்ளையாரைப் பிரார்த்தனை செய்தால், ஏழேழு ஜென்மத்துப் பாவங்களும் விலகும் என்பது ஐதீகம்! அதேபோல், மூலவரை வணங்கிவிட்டு, ஸ்ரீகிராதமூர்த்தியையும் வணங்கித் தொழுதால், மகப்பேறு வரம் கிட்டும் என்பர்!

உலகம் காக்கும் ஒன்பது நிலை கோபுரம்!

வெள்ளிக்கிழமைகளில், பூக்களால் ஆன மாலை மற்றும் கிரீடம், 108 செம்பருத்திப் பூக்கள் ஆகியவற்றை அம்பாளுக்குச் சார்த்தி வழிபட்டால், குபேரனுக்கு நிகரான செல்வத்தைத் தந்து காப்பாள் தேவி என்பது ஐதீகம்.

இத்தகு பெருமை வாய்ந்த திருத்தலத்தின் ராஜகோபுரம் வெகு அழகு. சுமார் 128 அடி உயரத்தில், ஒன்பது கண்களைக் கொண்டு, அதாவது ஒன்பது நிலைகளைக் கொண்டு அற்புதமாகக் காட்சி தருகிறது. கோபுரத்தின் சிற்பங்களும் பொம்மைகளும் சோழர் காலச் சிற்ப நுட்பத்துக்குச் சான்றாக அமைந்துள்ளன.

கோடி புண்ணியங்களைத் தரும் கோபுரத்தை, ஸ்ரீஆதிகும்பேஸ்வரரின் ஒன்பது நிலை பிரமாண்ட ராஜகோபுரத்தை கண்ணாரத் தரிசியுங்கள். சகல பாவங்களும் தீரும் என்பது உறுதி!

                  - மா.நந்தினி
படங்கள்: இ.ராஜவிபீஷிகா