Published:Updated:

பக்தி கதை சொல்லும் வெள்ளை கோபுரம்!

பக்தி கதை சொல்லும் வெள்ளை கோபுரம்!

பக்தி கதை சொல்லும் வெள்ளை கோபுரம்!

பக்தி கதை சொல்லும் வெள்ளை கோபுரம்!

Published:Updated:
பக்தி கதை சொல்லும் வெள்ளை கோபுரம்!
பக்தி கதை சொல்லும் வெள்ளை கோபுரம்!
##~##
ருடம் 365 நாட்களும் ஏதேனும் ஒரு விழா, ஒரு உத்ஸவம், என எப்போதும் களை கட்டியிருக்கும் திருத்தலம் எது என்று தெரியுமா? தமிழகத்தில் உள்ள பிரமாண்டமான ஆலயத்துக்கு, தினந்தோறும் ஆந்திரா மற்றும் கர்நாடக மாநிலத்தில் இருந்து நூற்றுக்கணக்கான, ஆயிரக்கணக்கான பக்தர்கள் வந்து தரிசித்துச் செல்கிற திருவிடம் தெரியுமா உங்களுக்கு?

இந்தப் பக்கம் அகண்ட காவிரி, அந்தப் பக்கம் அகண்ட கொள்ளிடம் என இரண்டு ஆறுகளுக்கு நடுவே அமைந்துள்ள அற்புதத் திருத்தலமான ஸ்ரீரங்கம்தான் அது.

கோயில், மதில், பிராகாரம் அவ்வளவு ஏன்... கருவறையில் காட்சி தரும் அரங்கனின் திருமேனி என அத்தனையும் பிரமாண்டம்தான் இங்கே!

கோயிலின் கோபுரத்தைப் பார்த்தால், அதன் அழகிலும் கலைநுட்பத்திலும் வியந்து நிற்போம். சுமார் 216 அடி உயரத்தில் நெடிதுயர்ந்து நிற்கிற கோபுரம், ஒன்பது நிலைகளைக் கொண்ட அடுக்குகளுடன் அழகு மிளிரக் காட்சி தருகிறது.

சுமார் 1310- ஆம் வருடத்தில், அரங்கன் திருவீதியுலா வரும்போது, தாசி குலப் பெண்கள் திருமாலுக்கு முன்னே ஆடிக் கொண்டும் பாடிக்கொண்டும் வருவார்கள். அப்போது, அந்நியர்கள் புகுந்து, ரகளையில் ஈடுபட்டனர். வழிபாட்டை நிறைவு செய்யவிடாமல் தடுத்தனர். அப்போது, வெள்ளையம்மாள் எனும் தாசி குலத்தைச் சேர்ந்த பெண், அந்நியப் படையின் தளபதியை கோபுரத்தில் இருந்து கீழே தள்ளிவிட்டதுடன், தானும் விழுந்து உயிர் நீத்தாள்.  

பக்தி கதை சொல்லும் வெள்ளை கோபுரம்!

இதனால் வெள்ளையம்மாள் கோபுரம் எனப்பட்டு பிறகு வெள்ளை கோபுரம் என்றே அழைக்கப்படுகிறது. இன்றைக்கும் வெள்ளை நிறத்தில் காட்சி தரும் அந்தக் கோபுரமே வெள்ளையம்மாள் எனும் பக்தையை பறைசாற்றுகிற விதமாகத் திகழ்கிறது. இது கிருஷ்ணதேவராயர் கட்டிய கோபுரம் என்பர்.

நான்காம் பிராகாரத்தில் உள்ள இந்தக் கோபுரம், ஸ்ரீரங்கம் திருக்கோயிலின் இரண்டாவது பெரிய கோபுரம் என்கின்றனர் பக்தர்கள். தற்போதைய ராஜகோபுரம் கட்டப்படுவதற்கு முன்னதாக, ஆலயத்தின் பிரதான கோபுரமாக இந்த வெள்ளை கோபுரமே திகழ்ந்ததாகவும் சொல்வர்!

கிழக்கு நோக்கியபடி இருக்கிற இந்த கோபுரத்தின் நுழைவாயிலுக்கு அருகில் ஆயிரங்கால் மண்டபமும் அமைந்துள்ளது. கிழக்கு வாசல் வழியே ஸ்ரீராமானுஜர் வந்து, ஸ்ரீஅரங்கனை ஸேவித்து வழிபட்டார் என்கிற குறிப்பு, இதனை வலியுறுத்துவதாக உள்ளது எனப் போற்றுகின்றனர் ஆய்வாளர்கள்.

ஸ்ரீரங்கம் வந்து, அரங்கனை ஸேவியுங்கள். சுக்கிர யோகம் கிடைக்கப் பெறுவீர்கள். அழகிய, அற்புதமான அந்த வெள்ளைக் கோபுரத்தின் பிரமாண்டத்தையும், பிரபஞ்சத்தை வாழ வைக்கிற அரங்கனையும் தரிசிப்பதைத் தவிர வேறு என்ன புண்ணியம் உண்டு சொல்லுங்கள்!  

  - ஆ.அலெக்ஸ் பாண்டியன்
படங்கள்: ஜெ.வேங்கடராஜ்