Published:Updated:

கோ மாதா... நம் குல மாதா!

கோ மாதா... நம் குல மாதா!

கோ மாதா... நம் குல மாதா!

கோ மாதா... நம் குல மாதா!

Published:Updated:
கோ மாதா... நம் குல மாதா!
கோ மாதா... நம் குல மாதா!
##~##
'ப
சுவையும் கன்றையும் பிரதட்சிணம் செய்து பூஜிப்பவர்கள் எல்லா தேவர்களையும் பூஜித்தவர்களாக, எவ்வளவோ நன்மைகளையும் புண்ணியங் களையும் அடைகிறார்கள்’ என்கின்றன ஞான நூல்கள். இதற்கு ஆதாரமாக ராமாயணத்தில் ஒரு சம்பவம்.

அகல்யையை மணக்க பிரமாண்டத்தை (பேரண்டத்தை) மும்முறை வலம் வர வேண்டும் என்பது நிபந்தனை. தவசீலரான கௌதம மகரிஷி, பிரமாண்டத்தை மூன்று முறை பிரதட்சிணம் செய்வதற்குப் பதில், பசுக்களில் சிறந்த காமதேனுவை மூன்று முறை வலம் வந்து, அகல்யையை மணந்தார். இவ்வாறு கௌதமர் காமதேனுவை மும்முறை வலம் வந்தது, இந்தப் பிரமாண்டத்தையே வலம் வருவதற்கும் மேலானது என்று ஒப்புக்கொண்ட பிரம்மதேவன், ''பசுவின் அங்கங்களில் ஈரேழு லோகங்களும் அடங்கியிருப்பதாக நானே சொல்லியிருக்கிறேன்; காமதேனுவைப் பற்றி சொல்லவும் வேண்டுமோ. ஆகவே, அதைச் சுற்றி வந்ததால் பிரமாண்ட பிரதட்சிணம் செய்ததற்கும் மேலானதாயிற்று'' என்றாராம்.

கோ மாதா... நம் குல மாதா!

கோ செல்வமே புண்ணியமான செல்வம். எனவேதான், தானத்திலும் சிறந்ததாக கோ தானத்தைச் சொல்லி வைத்தார்கள் பெரியோர்கள். ஸ்ரீராமச் சந்திரமூர்த்தி கோடிக்கணக்கான பசுக்களைத் தானம் செய்த தகவலை ராமாயணம் விவரிக்கிறது!

மகாபாரதம் என்ன சொல்கிறது தெரியுமா? பசுக்கள் மிகவும் உயர்ந்தவை, புண்ணியமானவை, மனிதர்களுக்கு இக-பர சுகங்களை அளிப்பவை. பாலினாலும் யாகத்தில் இடப்படும் நெய் முதலிய ஹவிஸ்ஸுகளாலும் மக்களைக் காக்கின்றன எனப் போற்றுகிறது. மேலும் பசுக்களே மற்ற உயிர்களுக்கெல்லாம் ஆதாரம் எனவும் சிறப்பிக்கிறது பாரதம்.

இத்தகைய பசுக்களைப் பராமரிப்பதாலும் பெரும் புண்ணியம் கிடைக்கிறது நமக்கு. அவற்றை பூஜிப்பதால் முப்பது முக்கோடி தேவர்களையும் வழிபட்ட பலனைப் பெறலாம் நாம்.

கோ மாதா... நம் குல மாதா!

ஆலயங்களில் விஸ்வரூப தரிசனத்தின்போது, பசுவின் பின்புறம் பகவானுக்கு எதிரில் இருக்கும்படி பசுவை நிற்கச் செய்து, பிறகு திரையை விலக்கி பூஜை செய்வார்கள். இதன் தத்துவம் என்ன தெரியுமா, பதினான்கு லோகங்களுக்கும் அப்பால் சர்வலோக ரட்சகனான பகவான் இருந்துகொண்டு, அவற்றைக் காத்து ரட்சிக்கிறார் என்பதே!

ஒரு பசுவை வழிபடுவதற்கே இவ்வளவு பலன் எனில், ஒரே நேரத்தில் 108 பசுக்களுக்கு கோ பூஜை நிகழ்ந்தால்?! அப்படியரு மெகா பூஜையை தரிசிக்கும் பெரும் பாக்கியம், தேவகோட்டை பகுதி மக்களுக்கு கிடைத்தது!

கோ மாதா... நம் குல மாதா!

தேவகோட்டையில் நகரத்தாருக்குச் சொந்தமான ஸ்ரீமீனாட்சி சமேத ஸ்ரீசுந்தரேஸ்வரர் சிவாலயத்தில் உலக நன்மைக்கும் ஊர் செழிக்கவும் வேண்டி 108 கோ பூஜை நடைபெற்றது (மார்ச்-4 அன்று). தேவகோட்டை மற்றும் அதனைச் சுற்றியுள்ள கிராமங்களைச் சேர்ந்த மக்கள் ஆர்வத்துடன் இந்த பூஜையில் கலந்து கொண்டார்கள்.

ஸ்ரீமீனாட்சியம்மையும் சுந்தரேஸ்வரரும் ரிஷப வாகனத்தில் எழுந்தருள... கஜ பூஜை மற்றும் அசுவ பூஜையைத் தொடர்ந்து 108 கோ பூஜையும் வெகு சிறப்பாக நடைபெற்றது. கோடானு கோடி புண்ணியம் தரும் 108 கோ பூஜை வைபவக் காட்சிகள்... இங்கே உங்களுக்காகவும்!

படங்கள்: எஸ்.சாய் தர்மராஜ்