Published:Updated:

வேலுண்டு வினையில்லை!

வேலுண்டு வினையில்லை!

வேலுண்டு வினையில்லை!

வேலுண்டு வினையில்லை!

Published:Updated:
வேலுண்டு வினையில்லை!
வேலுண்டு வினையில்லை!

ண்முகப்பெருமானைத் தியானிக்க அவர் கையில் இருக்கும் வேலாயுதமும் நம் நினைவுக்கு வரும். வல்வினைகள் யாவற்றையும் நீக்கவல்லது முருகன் கை வேலாயுதம். அசுரனாம் சூரபதுமனையே ஆட்கொண்ட ஆயுதம் அல்லவா சக்திவேல்.

ஆம்... வேலாயுதம் சாட்சாத் ஆதிசக்தியின் அம்சம். சிக்கல் திருத்தலத்தில் முருகன் சக்தி வேல் பெற்ற கதையும், சக்திவேலை கொண்டிருப்பதாலேயே முருகனை ஞான சக்திதரர் என ஞான நூல்கள் போற்றுவதுமே அதற்குச் சான்று.

ஆக, வேலாயுதத்தைத் துதித்து வழிபட, வேலவனை யும் அவன் தாய் ஆதிசக்தியையும் சேர்த்து வணங்கிய பலன் கிடைக்கும்.

ஸ்ரீஆதிசங்கரர் மிக அற்புதமான ஸ்லோகம் ஒன்றை அருளியிருக்கிறார். அந்த ஸ்லோகம்...

ஸக்தே பஜே த்வாம் ஜகதோ ஜனித்ரீம்
ஸுகஸ்ய தாத்ரீம் ப்ரணதார்த்திஹந்த்ரீம்
நமோ நமஸ்தே குஹஹஸ்தபூஷே
பூயோ நமஸ்தே ஹ்ருதி ஸன்னிதத்ஸ்வ

##~##
இதன் பொருள்: ஓ சக்தியான வேலே! ஜகத்துக்கு தாயும் ஸுகத்தைக் கொடுப்பவளும், நமஸ்கரித்தவர்களுடைய மனோ வியாதியைப் போக்குகிறவளுமாகிய தங்களை பூஜிக்கிறேன். ஸ்ரீகுஹரின் ஹஸ்தத்துக்கு அலங்காரமான ஓ சக்தியே... தங்களுக்கு வெகு நமஸ்காரங்களைச் செய்கிறேன். மறுபடியும் நமஸ்காரம் செய்கிறேன். என் இருதயத்தில் இருக்க வேண்டும்.

சஷ்டி மற்றும் கிருத்திகை முதலான முருகப் பெருமானுக்கு உகந்த திருநாட்களில், உடல் சுத்தியோடும் உள்ளச் சுத்தியோடும் இந்த ஸ்லோகத்தைச் சொல்லி, சக்திவேலை மனதாரப் பிரார்த்திப்பதும் பூஜிப்பதும் வெகுவிசேஷம். இதனால், மனோவியாதிகளும் சத்ரு பயமும் நீங்கும். சகல சௌபாக்கியங்களும் கைகூடும்!

முருகன் வேலாயுதத்தால் உருவாக்கிய தீர்த்தங்களும் உண்டு. திருச்செந்தூரில் முருகப்பெருமான், படை வீரர்களின் தாகம் தணிக்க வேலாயுதத்தால் நீர் ஊற்று ஒன்றை ஏற்படுத்தியதாக 'கந்த புராணம்’ கூறுகிறது. அதை ’ஸ்கந்த புஷ்கரணி’ என்பர். ஒரு சதுர அடி பரப்பளவில் திகழ்கிறது. ஒருபோதும் வற்றாத இந்தத் தீர்த்தத்தை நாழிக்கிணறு என்று அழைக்கிறார்கள் பக்தர்கள். இதில் நீராடிவிட்டே முருகனைத் தரிசிக்க வேண்டும் என்பது மரபு. அதேபோன்று வேலால் உண்டான புண்ணிய நதி சேயாறு. சேயோனாகிய முருக னால், அன்னை பார்வதியின் சிவ வழிபாட்டுக்காக உண்டாக்கப்பட்டதால் சேயாறு என்று பெயராம்!

தொகுப்பு: ராஜேஸ்வரி