Published:Updated:

நான்கு திசைகளிலும் ஒன்பது நிலை கோபுரங்கள்!

நான்கு திசைகளிலும் ஒன்பது நிலை கோபுரங்கள்!

நான்கு திசைகளிலும் ஒன்பது நிலை கோபுரங்கள்!

நான்கு திசைகளிலும் ஒன்பது நிலை கோபுரங்கள்!

Published:Updated:
நான்கு திசைகளிலும் ஒன்பது நிலை கோபுரங்கள்!
##~##
துரையும் மதுரையின் மையப் பகுதியில் வீற்றிருக்கும் ஸ்ரீமீனாட்சியம்மையும் வெகு அழகு. குறிப்பாக, அந்த பிரமாண்ட மதிலும் அகண்ட பிராகாரமும் உள்ளே இருக்கிற ஒவ்வொரு மண்டபமும் கோயிலின் புராணத் தொடர்பையும் புராதனச் சிறப்பையும் பறைசாற்றும்!

இவற்றுக்கெல்லாம் முத்தாய்ப்பானது, கோயில் கோபுரம்! சிவ மகா புராணம், திருவிளையாடற் புராணம், லிங்க புராணம், ஸ்ரீதேவி மகாத்மியம் ஆகிய அனைத்தும் சின்னச் சின்னச் சிற்பங்களாக, கோபுரத்தில் வடிக்கப்பட்டுள்ளன.

மிக நீளமான மதிலுடன் மொத்தம் 12 கோபுரங்கள், மதுரை ஸ்ரீமீனாட்சி அம்பாள் கோயிலில் அமைந்துள்ளன. நான்கு திசைகளிலும் உள்ள கோபுரங்கள், வெளி கோபுரங்கள் எனப்படும்! அவை, கிழக்கு கோபுரம், மேற்கு கோபுரம், தெற்கு கோபுரம், வடக்கு கோபுரம் என அழைக்கப்படுகின்றன.

கிழக்குக் கோபுரம் மாறவர்மன் சுந்தரபாண்டிய மன்னனால் கட்டப்பட்டது என்பர். சடையவர்மன் சுந்தர பாண்டிய மன்னன் கட்டினான் என்றும் தகவல் உண்டு. சுமார் 153 அடி உயரம் கொண்ட, ஒன்பது நிலை கோபுரம் இது! கோபுரத்தில், 1011 சுதைகளும் உள்ளன என்பது கூடுதல் தகவல்.  

நான்கு திசைகளிலும் ஒன்பது நிலை கோபுரங்கள்!

சுமார் 154 அடி உயரமும் 63.6 அடி அகலமும் கொண்ட மேற்குக் கோபுரம் ஒன்பது நிலைகள் கொண்டது. இதில் 1124 சுதைச் சிற்பங்கள் மிக நுட்பத்துடன் வடிக்கப்பட்டுள்ளன.

கிருஷ்ணப்ப நாயக்கரால் துவங்கப்பட்டு, வயிநாகரம் செட்டியாரால் நிர்மாணிக்கப்பட்டது வடக்குக் கோபுரம். ஒன்பது நிலைகளுடன், சுமார் 152 அடி உயரமும் 66.6 அடி அகலமும் கொண்டது இந்தக் கோபுரம்.

விஸ்வநாத நாயக்கர் காலத்தில், திரிச்சிராமலை (திருச்சி) செவ்வந்தி மூர்த்தி செட்டியார் என்பவரால் கட்டப்பட்டது தெற்கு கோபுரம். சுமார் 160 அடி உயரமும் 67 அடி அகலமும் கொண்டு, 1511 சுதைச் சிற்பங்களுடன் கம்பீரமாகக் காட்சி தருகிறது இந்தக் கோபுரம்.

இன்னொரு தகவல்... ஸ்ரீமீனாட்சியம்மையின் கோபுரங்களி லேயே தெற்கு கோபுரம்தான், மிக மிக உயர்ந்ததாம்!

ஒரே ஆலயத்தில்... நான்கு கோபுரங்களும் ஒன்பது நிலைக் கோபுரங்களாக அமைந்துள்ள ஸ்ரீமதுரை மீனாட்சியம்மன் ஆலயத்தையும் அதன் கோபுரங்களையும் கண்ணாரத் தரிசியுங்கள்.

  - ரா.அண்ணாமலை
படங்கள்: பா.காளிமுத்து