Published:Updated:

‘கருணை வள்ளல்’ திருமோகூர் ஸ்ரீசக்கரத்தாழ்வார்!

ஸ்ரீசக்கரத்தாழ்வார் தரிசனம்!

‘கருணை வள்ளல்’ திருமோகூர் ஸ்ரீசக்கரத்தாழ்வார்!

ஸ்ரீசக்கரத்தாழ்வார் தரிசனம்!

Published:Updated:
‘கருணை வள்ளல்’ திருமோகூர் ஸ்ரீசக்கரத்தாழ்வார்!
##~##
ஸ்ரீ

ஒட்டுமொத்த விகடனுக்கும் ஒரே ஷார்ட்கட்!

மீனாட்சியம்மை ஆட்சி செய்யும் மதுரையம்பதி யில், மேலூர் செல்லும் வழியில் உள்ளது ஒத்தக்கடை. இங்கிருந்து சுமார் 2 கி.மீ. தொலைவில் அமைந்துள்ளது திருமோகூர் திவ்வியதேசம். மிகச் சாந்நித்தியம் நிறைந்த இந்தத் தலத்துக்கு, சனிக்கிழமை தோறும் வந்து வணங்குகிற மதுரைக்காரர்கள் ஆயிரத்துக்கும் மேலே!

இந்தத் தலத்தில் பெருமாளின் திருநாமம் - ஸ்ரீகாள மேகப் பெருமாள். என்றாலும், க்ஷேத்திர ரட்சகர் என்று போற்றப்படுகிற ஸ்ரீசக்கரத்தாழ்வார் சந்நிதியில் எப்போதும் நிரம்பி வழிகிறது, பக்தர்களின் கூட்டம்!

16 திருக்கரங்கள்; அவற்றில் ஆயுதங்கள் ஏந்தி காணப்பட்டாலும் தன்னை நாடி வரும் அன்பர்களுக்கு, கருணையுடன் வரங்களை வாரித் தருகிறார் ஸ்ரீசக்கரத் தாழ்வார். இவர் திருக்கரங்களில் உள்ளவை,  துர்குணம் கொண்டவர்களுக்கு ஆயுதமாகவும், நற்சிந்தனையாளர்களுக்கு அள்ளிக் கொடுக்கும் அட்சயப் பாத்திரமாகவும் அமைந்திருப்பதாக ஐதீகம்!

இங்கேயுள்ள ஸ்ரீசக்கரத்தாழ்வாரின் விக்கிரகத் திருமேனியில் 48 அதி தேவதைகளும் 154 மந்திரங்களும் அமைந்திருப்பதாகச் சொல்வர். தொடர்ந்து 11 சனிக்கிழமைகளில், திருமோகூர் திருத்தலத்துக்கு வந்து ஸ்ரீசக்கரத்தாழ்வாரைத் தரிசித்துப் பிரார்த்தித்தால், திருமணத் தடை நீங்கும்; நினைத்த காரியம் நிறை வேறும். வீடு - மனை வாங்குகிற யோகம் கிட்டும். எதிரிகள் தொல்லை ஒழியும் என்று தங்களுக்கு ஏற்பட்ட அனுபவங்களைச் சொல்லிச் சிலிர்க் கிறார்கள், பக்தர்கள்!

ஆனி சித்திரை நட்சத்திர நாளில், ஸ்ரீசுதர்சன ஜயந்தி. அன்று, இங்கு பிரமாண்டமாக நடைபெறும் ஸ்ரீசுதர்சன ஹோமத்தில் கலந்து கொண்டால், ஸ்ரீசக்கரத்தாழ்வாருக்கு நடைபெறும் பூஜைகளைத் தரிசித் தால், சகல யோகங்களும் கை கூடும் என்பது நம்பிக்கை!

புளியோதரை அல்லது தயிர்சாதம் நைவேத்தியம் படைத்து அவரை வணங்கினால், தம்பதி ஒற்றுமை மேலோங்கும்; பதவி உயர்வு கை கூடும். தொடர்ந்து, 12 சனிக்கிழமைகள் நெய் தீபமேற்றி, ஸ்ரீசக்கரத்தாழ்வாரை வணங்கினால், எல்லா வளமும் பெறலாம்!

- ரா.அண்ணாமலை
படம்: எம்.என்.ஸ்ரீநிவாஸன்

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism