Published:Updated:

’எல்லாரையும் போல... என் பேரனும் ஓடியாடி விளையாடணும்!’

’எல்லாரையும் போல... என் பேரனும் ஓடியாடி விளையாடணும்!’

பிரீமியம் ஸ்டோரி
’எல்லாரையும் போல... என் பேரனும் ஓடியாடி விளையாடணும்!’
##~##
க்தி விகடனும் தீபம் விளக்கேற்றும் எண்ணெய் நிறுவனமும் இணைந்து, ஈரோடு ஸ்ரீகொங்கலம்மன் கோயிலில், கடந்த 3.7.12 அன்று திருவிளக்கு பூஜை நடத்தின. சக்தி விகடன் நடத்திய 90-வது விளக்கு பூஜை இது!

ஈரோடு, திருப்பூர், சத்தியமங்கலம், சூரம்பட்டி, கொடுமுடி எனப் பல ஊர்களில் இருந்தும் வாசகிகள் ஆர்வத்துடனும் பக்தியுடனும் பூஜைக்கு வந்திருந்தனர்.

''சக்தி விகடன் நடத்தற விளக்கு பூஜைல கலந் துக்கணும்கிற ஆசை எனக்கு ரொம்ப காலமாவே உண்டு. இந்த முறை ஈரோட்டுல நடக்குதுன்னு அறிவிப்பைப் பார்த்ததும், சட்டுன்னு பேரைப் பதிவு பண்ணிட்டேன். மனசுக்கு நிறைவா இருக்கு!'' என்று முகம் மலரச் சொல்கிறார் வாசகி நாகரத்தினம்.

''விளக்கு பூஜைல கலந்துக்கறதுக்கு ஏற்கெனவே இரண்டு முறை முயற்சி பண்ணினேன். அப்ப முடியாமப் போயிருச்சு. இந்த முறை ஈரோட்டுல, அதுவும் கொங்கலம்மன் கோயில்ல விளக்குபூஜைன்னு படிச்சதும், கண்டிப்பா கலந்துக்கணும்னு தீர்மானமா இருந்தேன். அதேபோல கலந்துக்கிட்டேன். என் மொத்தக் குறையும் தீர்ந்துட்டது மாதிரி ஒரு உணர்வு!'' என்று சிலிர்ப்பு மாறாமல் விவரித்தார் வாசகி கலைச்செல்வி.

''எல்லாரும் நல்லா இருக்கணும். விவசாயம் நல்லாச் செழிச்சு வளரணும். எங்க அண்ணனுக்கு நல்ல வேலை கிடைக்கணும். அந்தப் பிரார்த்தனையோடதான் பூஜைல கலந்துக்கிட்டேன்'' என்கிறார் சூரம்பட்டி வாசகி மகேஸ்வரி.

''என் பேரனுக்கு அஞ்சு வயசு. ஆனா, இன்னும் அவனால சரியா நடக்க முடியலை. எல்லாக் குழந்தைகளையும் போல என் பேரன் நடக்கணும்; ஓடியாடி விளையாடணும். இந்த வேண்டுதலைத் தவிர, வேற எதுவும் வேணாங்க...'' என்று கண்ணீருடன் தெரிவித்தார் வாசகி யசோதா.

''இந்த வருஷம் நான் டென்த்! நல்லாப் படிக்கணும்; நிறைய மார்க் எடுக்கணும்'' என்று மாணவி வைஷாலியும், ''எங்க குடும்பத்தைச் சுத்தி சின்னச் சின்னதா கெட்ட விஷயங்கள் நடக்குது. அதெல்லாம் மறைஞ்சு, நிம்மதியும் சந்தோஷமுமா நாங்க இருக்கணும்'' என்று வாசகி ஜான்சி ராணியும் தெரிவித்தனர்.

ஸ்ரீகொங்கலம்மன் சந்நிதியில் முறையிட்டால்... ஒரு குறையும் இருக்காது, இனிமேல்! கவலையை விடுங்கள்!

  - மு.கார்த்திகேயன்
படங்கள்: க.ரமேஷ்

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism
அடுத்த கட்டுரைக்கு