Published:Updated:

துக்கம் தீர்ப்பாள்... சந்தோஷம் தருவாள்!

அம்பிகையைக் கொண்டாடுவோம்!

துக்கம் தீர்ப்பாள்... சந்தோஷம் தருவாள்!

அம்பிகையைக் கொண்டாடுவோம்!

Published:Updated:
துக்கம் தீர்ப்பாள்... சந்தோஷம் தருவாள்!
துக்கம் தீர்ப்பாள்... சந்தோஷம் தருவாள்!

'இந்த அம்மன் சக்தி வாய்ந்த தெய்வம். ஊருக்கே நல்லது செய்யுற அம்மா, உங்க பையனுக்குக் கண்பார்வை தராமலா போயிடுவா?!’ என்று அக்கம்பக்கத்தினர் சொல்ல... அதன்படி அந்த இஸ்லாமியப் பெண்மணி தன் மகனுக்குப் பார்வை கிடைக்க வேண்டும் என அம்மனிடம் வேண்டிக்கொண்டாள். அவளின் பிரார்த்தனையை ஏற்ற அம்மன், அவளின் குழந்தைக்குப் பார்வை தந்து அருளினாள். அன்று முதல், அந்த அம்மனின் திருநாமம் ஸ்ரீஆதி துலுக்காணத்தம்மன் என அமைந்ததாகச் சொல்கிறது ஸ்தல வரலாறு.

ஒட்டுமொத்த விகடனுக்கும் ஒரே ஷார்ட்கட்!

சுமார் 100 வருடங்களுக்கு முன்பு, சென்னை- நுங்கம்பாக்கம் பகுதியில் ஓர் ஓடை இருந்ததாம். அந்த ஓடை யில் இருந்து ஒருநாள் அம்மனின் சிரசு (தலை) மட்டும் கண்டெடுக்கப்பட்டு, அதைப் பிரதிஷ்டை செய்து கோயில் கட்டப்பட்டதாம். ஆரம்பத்தில், அண்ணாசாமி என்பவரால் பனை ஓலைகளைக் கொண்டு கட்டப்பட்ட கோயில் அது! பிறகு, அம்மனின் சாந்நித்தியத்தை அறிந்து ஊர்க்காரர்கள் பலரும் திரண்டு வந்து வழிபடத் துவங்கினார்கள். அதன்பின், அனைவரின் முயற்சியாலும் இந்தக் கோயில் கட்டடமாக எழுப்பப்பட்டது என்கின்றனர், பக்தர்கள்! நுங்கம்பாக்கத்தில், கோடம்பாக்கம் நெடுஞ்சாலைப் பகுதியில் அமைந்துள்ள இந்தக் கோயிலின் பெருமையையும் அம்மனின் பேரருளையும் அறிந்த மக்கள், அந்தப் பகுதி வழியே செல்லும்போது மறவாமல் அம்மனைத் தரிசித்துச் செல்வதை வழக்கமாகக் கொண்டிருக்கின்றனர்.

##~##
கடும் உக்கிரத்துடன் காட்சி தருகிறாள், சிரசு மட்டுமே கொண்ட ஸ்ரீஆதி துலுக்காணத்தம்மன். பின்னாளில், அம்மனின் முழுவிக்கிரகத் திருமேனியையும் கருவறையில் பிரதிஷ்டை செய்து வழிபடத் துவங்கியுள்ளனர்.  

ஸ்ரீவிநாயகர், ஸ்ரீபைரவர், ஸ்ரீஐயப்ப மற்றும் சப்த கன்னியர் ஆகியோருக்கும் சந்நிதிகள் உள்ளன. சங்கடஹர சதுர்த்தி, அஷ்டமியில் பைரவருக்கு சிறப்பு பூஜை, ஸ்ரீஐயப்ப பஜனை என எப்போதும் கோயிலில் விழாக்களும் விசேஷங்களும் நடைபெற்றுக் கொண்டிருக்கின்றன.

செவ்வாய், வெள்ளி மற்றும் ஞாயிற்றுக்கிழமைகளில், அம்மனின் சந்நிதிக்கு வந்து நேர்ந்துகொள்ளும் பெண்கள் ஏராளம். ஆடி மாதத்தில் எல்லா நாட்களிலும் அம்மனைத் தரிசித்து, தங்களது பிரார்த்தனையை வைத்துச் செல்கின்றனர் பக்தர்கள்.

ஆடியின் மூன்றாவது வெள்ளிக்கிழமை விழா விமரிசையாகக் கொண்டாடப்படுகிறது. மூன்று நாள் விழாவாக அடுத்தடுத்த நாட்கள் நடைபெறும் இந்த விழாவில், தினமும் அம்மன் திருவீதியுலா வரும் அழகைக் காணக் கண் கோடி வேண்டும். பிறகு படையல் நடத்தப்பட்டு, பக்தர்களுக்கு அன்னதானம் வழங்கப்படும். இதனை உட்கொண்டால் பிள்ளை பாக்கியம் கிடைக்கப் பெறுவர் என்பது உறுதி என்கின்றனர் பக்தர்கள்.

ஆடி மாதம் நான்காவது ஞாயிற்றுக்கிழமை, அம்மனுக்குக் கூழ் வார்த்தல் நடைபெறுகிறது. இங்கு தங்களது மனக்குறையைச் சொல்லி வழிபட்டால் போதும்... வாழ்வில் நிம்மதியும் சந்தோஷமும் தந்தருள்வாள் ஸ்ரீதுலுக்காணத்தம்மன் எனப் போற்றுகின்றனர் பெண்கள்.

- சா.வடிவரசு
படங்கள்: காயத்ரி அகல்யா

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism