Published:Updated:

பச்சை வஸ்திரம் சார்த்தினால்... தொழிலில் லாபம் நிச்சயம்!

கிருஷ்ணா.. கிருஷ்ணா!

பச்சை வஸ்திரம் சார்த்தினால்... தொழிலில் லாபம் நிச்சயம்!

கிருஷ்ணா.. கிருஷ்ணா!

Published:Updated:
பச்சை வஸ்திரம் சார்த்தினால்... தொழிலில் லாபம் நிச்சயம்!
##~##
'க

ஒட்டுமொத்த விகடனுக்கும் ஒரே ஷார்ட்கட்!

ல்யாணமாகி பதினைஞ்சு வருஷமாச்சு. அள்ளியெடுத்துக் கொஞ்சி விளையாட ஒரு குழந்தை இல்லியே...’ என்பதுதான் அந்தத் தம்பதியின் பெருங்கவலை!

திருச்சிராப்பள்ளியில் வாழ்ந்து வந்த சுந்தர்ராஜ ஐயங்காரும் அவர்தம் மனைவி ருக்மிணியும் அரங்கனைத் தரிசிக்காத நாளில்லை. ராம நாமத்தை ஜபிக்காத பொழுதில்லை. திருமணமாகி 15 வருடங்களாகியும் பிள்ளைச் செல்வம் இல்லாமல் பெரிதும் கலங்கி வந்தனர்.

ஒருநாள்... கோயிலுக்குச் சென்று அரங்கன் சந்நிதிக்கு முன்னே நின்றார். 'என்ன ரங்கா... எங்களுக்குக் குழந்தை வரம் இல்லாதது மட்டும்தானே பெருங்குறை? இதைத் தவிர வேறு எதையும் எதிர்பார்க்காதவன் என்பது தெரியும்தானே உனக்கு?’ என்று அரங்கனிடம் சொல்லிவிட்டு வந்தார் சுந்தர்ராஜ ஐயங்கார்.

அன்றிரவு அவர்களின் கனவில் வந்த அரங்கன், 'தென் திசையில், ஸ்ரீபார்வதிதேவிக்கு சிவப்பரம்பொருள் மந்திரோபதேசம் செய்த இடம் உள்ளது. அந்த இடத்தின் பெயர்... திருமந்திர நகர். குழந்தை வடிவில் அவதரித்த எனக்கு, அந்த வடிவிலேயே அங்கே கோயில் கட்டி வழிபட்டு வா! குழந்தை பாக்கியம் கிடைக்கும்’ என அருளி மறைந்தார்.  

பச்சை வஸ்திரம் சார்த்தினால்... தொழிலில் லாபம் நிச்சயம்!

அதன்படி கணவனும் மனைவியுமாக, திருமந்திர நகர் எனும் ஊருக்கு வந்தார்கள். அங்கே அருமையானதொரு இடத்தைத் தேர்வு செய்து, அங்கே குழந்தை கிருஷ்ணனின் விக்கிரகத்தைப் பிரதிஷ்டை செய்து வழிபட்டு வந்தார்கள். அதன் பலனாக, அவர்கள் குழந்தை வரம் கிடைக்கப் பெற்றனர் என்கிறது ஸ்தல வரலாறு.

திருமந்திரநகர் எனும் ஊரின் தற்போதைய பெயர் தூத்துக்குடி. பழைய பேருந்து நிலையத்தில் இருந்து, சுமார் 2 கி.மீ. தொலைவில் உள்ள வரதராஜபுரத்தில் அமைந்துள்ளது ஸ்ரீசந்தான கிருஷ்ண ஸ்வாமி கோயில். அன்று துவங்கி இன்றைக்கும் தன்னை நாடி வரும் அன்பர்களுக்கு அருள்மழை பொழிந்து கொண்டிருக்கிறார் ஸ்ரீசந்தானகிருஷ்ணர்.

நின்ற கோலத்தில், குழந்தைக் கண்ணனாக, குறும்பு கொப்புளிக்க காட்சி தருகிறார் ஸ்ரீசந்தான கிருஷ்ண ஸ்வாமி. இவருக்கு துளசி மாலை சார்த்தி சிறப்புத் திருமஞ்சனம் செய்து வழிபட் டால்... பிள்ளை வரம் கிடைக்கப் பெறுவார்கள் என்பது ஐதீகம்! ஸ்ரீகிருஷ்ண ஜயந்தி நாளில், இங்கு வந்து தரிசித்து, பிரார்த்தனை செய்து கொண்டு செல்பவர்கள் ஏராளம். பிரார்த்தனை நிறைவேறியதும் தங்களது நேர்த்திக்கடனைச் செலுத்துகின்றனர். சிறப்புத் திருமஞ்சனம், துளசி மாலை, அன்னதானம் என ஒவ்வொருவரும் ஒவ்வொரு விதமாக நேர்த்திக் கடன் செலுத்துவதைப் பார்க்கவே பரவசம் பொங்கும்!

தாய்ப்பாலில் இருந்து சாதத்துக்கு மாறுகிற நிலையில், கைக்குழந்தைகளுடன் இங்கு வந்து, ஸ்வாமி சந்நிதியில் பிரார்த்தித்தபடி குழந்தைகளுக்கு அன்னப்ராசனம் செய்கிறார்கள். இந்தக் கோயிலில் வந்து அன்னப்ராசனம் செய்தால், ஞானமும் சமயோசித புத்தியும் கொண்டு, தெளிவுற வாழ் வான் அந்தக் குழந்தை என்கிறார்கள் பக்தர்கள்.

சனிக்கிழமைகளில் ஸ்ரீகண்ணபிரானுக்கு இளநீர் திருமஞ்சனம் செய்து, பச்சை வஸ்திரம் சார்த்தி வழிபட்டால், தொழில் விருத்தி ஆகும் எனச் சொல்லிப் பூரிக்கின்றனர், பக்தர்கள்!  

- ச.காளிராஜ்
படங்கள்: ஏ.சிதம்பரம்

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism