Published:Updated:

உயரமான வழுக்கு மரம்... நீளமான பல்லக்கு!

கிருஷ்ணா.. கிருஷ்ணா!

உயரமான வழுக்கு மரம்... நீளமான பல்லக்கு!

கிருஷ்ணா.. கிருஷ்ணா!

Published:Updated:
உயரமான வழுக்கு மரம்... நீளமான பல்லக்கு!
##~##

ஒட்டுமொத்த விகடனுக்கும் ஒரே ஷார்ட்கட்!

வநீதம் என்றால் 'வெண்ணெய்’ என்று பொருள். வெண்ணெய்ப் பிரியன் என்பதால், கண்ணனை நவநீத கிருஷ்ணன் எனச் சிறப்பித்தார்கள் பெரியோர்கள். அதுமட்டுமா..? தன் மீதான பக்திப் பெருக்கில் ஊனும் உயிரும் உருகும் அடியவர்களுக்காக, தானும் வெண்ணெயாய் உருகும் பண்பினன் அல்லவா கண்ணன்! ஆகவே, அவனுக்கு நவநீத கிருஷ்ணன் எனும் பெயர் பொருத்தம்தான்.

ஆக, இந்தத் திருப்பெயருடன் அவன் கோயில் கொண்டிருக்கும் ஆலயங்களைத் தரிசிக்க, நமது துன்பங்களும் சூரியனைக் கண்ட பனி போல் உருகி உருக்குலையும் என்பதில் ஐயமில்லை.

மதுரையிலேயே இரண்டு நவநீத கிருஷ்ணர்கள். முதலாமவரை தல்லாகுளத்தில் தரிசித்தோம். இரண்டாமவர் குடியிருப்பது, ஸ்ரீமீனாட்சியம்மன் கோயிலைச் சுற்றிலும் உள்ள மாசி வீதிகளில், வடக்கு மாசி வீதியின் மையப் பகுதியில். சுமார் 100 ஆண்டுகளுக்குமுன் ஆயிரம் வீட்டு யாதவர்களால் கட்டப்பட்ட ஆலயம் இது என்கிறார்கள். முழுக்க முழுக்க கல்கட்டுமானமாக கோயில் அமைந்திருப்பது சிறப்பு. மீனாட்சியம்மன் கோயிலின் வடக்கு கோபுரத் தின் திசையில் உள்ளதால், 'வடக்கு கிருஷ்ணன் கோயில்’ என்றும், ஆரம்ப காலத்தில் கம்பத்தின் அடியில் கிருஷ்ணன் வீற்றிருந்ததால், 'கம்பத்தடி கிருஷ்ணன் கோயில்’ என்றும் அழைக்கிறார்கள் பக்தர்கள்.

'மாயனை மன்னு வடமதுரை மைந்தனை...’ எனப் போற்றுவாள் ஆண்டாள். இங்கே நம் தென்மதுரையில், இரண்டு திருக்கரங்களிலும் வெண்ணெய் ஏந்திய கோலத்தில் அருள்கிறார் ஸ்ரீநவநீதகிருஷ்ணன். பாமா, ருக்மிணி தேவியரும் உடனிருக்கிறார்கள்.

உயரமான வழுக்கு மரம்... நீளமான பல்லக்கு!

இவருக்கு ஒரு சிறப்பு உண்டு. குருவாயூரப்பன் கோயிலுக்குச் சென்று குழந்தைக்கு சோறூட்டுவதாக வேண்டிக்கொண்டு (அன்னப்ரசன்னம்), அங்கு செல்ல இயலாதவர்கள் இந்த ஸ்ரீநவநீத கிருஷ்ணன் சந்நிதியில் அந்த வேண்டுதலை நிறைவேற்றிக் கொள்ளலாம்.

அதுமட்டுமா..? புத்திரதோஷம் உள்ளவர்கள் இந்தக் கிருஷ்ணனை மனதாரப் பிரார்த்தித்து, அவருக்கு கொலுசு அணிவிப்பதாகவும், கோயிலில் தொட்டில் கட்டுவதாகவும் வேண்டிக் கொண்டால், விரைவில் குழந்தை பாக்கியம் கிடைக்கும் என்பது ஐதீகம்.

இந்த ஆலயத்தில் தினம் தினம் விசேஷம்தான் என்றாலும், ஸ்ரீகிருஷ்ண ஜயந்தி மிகச் சிறப்பாகக் கொண்டாடப்படுகிறது.  விழாவின் முதல் நாள் ஸ்ரீகிருஷ்ணன் பிறப்பு உத்ஸவம். 2-ஆம் நாள் உறியடி வைபவம். அன்று தமிழகத்திலேயே மிக உயரமான (சுமார் 38 அடி உயரம்) வழுக்கு மரம் அமைத்து, வழுக்கு மரம் ஏறும் போட்டி நடைபெறுகிறது. 4-ஆம் நாள் வெள்ளி சேஷ வாகனத்தில் பெருமாள் எழுந்தருள்வார். 8-ஆம் நாளன்று வெள்ளிக் குதிரையில் பவனி வருவார் ஸ்ரீநவநீதகிருஷ்ணன். 9-ஆம் நாளன்று 300-க்கும் மேற்பட்ட பக்தர்கள் பங்கேற்க, முளைப்பாரி உத்ஸவம் கோலாகலமாகக் கொண்டாடப்படுகிறது. அன்று, ஆசியாவிலேயே மிக நீளமானது என்ற சிறப்புக்குரிய இந்தக் கோயிலின் புஷ்ப பல்லக்கில் உலா வருவார் கிருஷ்ணன்.  

இப்படி, 15 நாட்கள் நடைபெறும் விழாவில் கலந்து கொண்டு ஸ்ரீநவநீத கிருஷ்ணனை வழிபட்டு வர, நலன்கள் யாவும் ஸித்திக்கும்.

       - க.முகமது அபுதாஹீர்
படங்கள்: ஜெ.பிரதீப் ஸ்டீபன்ராஜ்

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism