Published:Updated:

'அரவாயி இருக்க பயமேன்!’

'அரவாயி இருக்க பயமேன்!’

'அரவாயி இருக்க பயமேன்!’

'அரவாயி இருக்க பயமேன்!’

Published:Updated:
'அரவாயி இருக்க பயமேன்!’
##~##
'அ

ஒட்டுமொத்த விகடனுக்கும் ஒரே ஷார்ட்கட்!

ரவாயி அம்மனை மனசாரக் கும்பிட்டா, அந்த வருஷம் முழுசுக்கும் அவ துணை நின்னு காப்பா’ என்கின்றனர், பக்தர்கள். ஸ்ரீஅரவாண்டி அம்மன், ஸ்ரீஅரவாயி அம்மன் என்றெல்லாம் திருநாமங்கள் உண்டு, இந்தக் கருணைத் தெய்வத்துக்கு!

திருச்சி மாவட்டம் முசிறிக்கு அருகில் உள்ளது மங்களம் கிராமம். இங்கே ஊரையும் மக்களையும் காத்தருளும் தெய்வமாக இருந்து அருள்பாலிக்கிறாள் ஸ்ரீஅரவாயி அம்மன். இலங்கையில் உள்ள பலருக்கும் இவளே குலதெய்வம் என்றும் சொல்கிறார்கள், ஊர்க்காரர்கள்.'

ஆடி மாதம் வந்துவிட்டால், அம்மனுக்கு நடைபெறும் மகாபூஜையில் கலந்துகொள்ள, உலகின் பல நாடுகளில் இருந்தும் பக்தர்கள் வந்து, தங்களது நேர்த்திக்கடனைச் செலுத்தி வணங்கிச் செல்கின்றனர். அந்தநாளில், துறையூர் மற்றும் முசிறியில் இருந்து சிறப்பு பேருந்துகள் இயங்குமாம்!

'அரவாயி இருக்க பயமேன்!’

முசிறி, துறையூர், குளித்தலை, பேட்டாவாத்தலை, ஜீயபுரம் என அக்கம் பக்க ஊர்க்காரர்கள், தங்கள் கோரிக்கைகளை இருந்த இடத்தில் இருந்தே சொல்வார்களாம். அத்தனைக் கோரிக்கைகளும் ஈடேறிவிடுமாம். இதையடுத்து பக்தர்கள், அம்மனுக்கு அபிஷேகம் செய்தும், புடவை சார்த்தியும், மாவிளக்கு ஏற்றியும் தங்களது நேர்த்திக்கடனைச் செலுத்துவார்கள்.

வரும் 12.8.12 அன்று காலையில் அபிஷேகம், குடிப் பொதுப்பொங்கல், சந்தனக்காப்பு அலங்காரம், பொங்கல் வைத்தல், புஷ்பாஞ்சலி, திருமுடி காணிக்கை என மங்களம் கிராமமே அமர்க்களப்படும். பூமி செழிக்கவும், வழக்கில் வெற்றி கிடைக்கவும், வியாபாரத்தில் லாபம் பெருகவும், கணவன் மனைவி ஒற்றுமை மேலோங்கவும் அரவாயி அம்மனை வேண்டிப் பிரார்த்தித்தால், விரைவில் அனைத்தும் நல்லவிதமாக நடந்தேறும் என்கின்றனர், ஊர்க்காரர்கள்.

மங்களம் அரவாயியை வணங்குங்கள்; சகல மங்கலமும் உண்டாகும் என்பது உறுதி!

படங்கள்: என்.ஜி.மணிகண்டன்

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism