Published:Updated:

கோயிலுக்கு போனா... மனசுக்கு அமைதி!

பிடித்த பத்து ஆலயங்கள்!அனிதா குப்புசாமி

கோயிலுக்கு போனா... மனசுக்கு அமைதி!

பிடித்த பத்து ஆலயங்கள்!அனிதா குப்புசாமி

Published:Updated:
##~##

'கோயிலுக்குப் போய் சாமி கும்பிடுறது மனசுக்கு நிறைவான விஷயம். அதிலேயும் கோயில் திருவிழாவின்போது அங்கே பாடுறதும் கச்சேரி பண்றதும் இன்னும் சுவாரஸ்யமான, மலர்ச்சியான செயல்.  அதுல கிடைக்கிற ஆத்மதிருப்தியை நல்லாவே உணர்ந்திருக்கேன். அந்த வகையில கோயில்கள் மேல அதீத ஈடுபாடு வந்திருக்குன்னே சொல்லலாம்!

1. நான் பிறந்து வளர்ந்த மேட்டுப்பாளையத்துல உள்ள மைதானம் மாரியம்மன் கோயில். அந்தக் கோயிலை நினைக்கும்போதே, சட்டுன்னு பால்யத்துக்குப் போயிருது மனசு.

ஒட்டுமொத்த விகடனுக்கும் ஒரே ஷார்ட்கட்!

2. அதே ஊர்ல இருக்கும் ஸ்ரீபத்ரகாளியம்மன் கோயில். இங்கே திருவிழான்னா, கொண்டாட்டம்தான் எனக்கு! அடேங்கப்பா... சொந்தக்காரங்களும் வந்துருவாங்க. வீடு மட்டுமில்லாம ஊரே களைகட்டிரும்.

கோயிலுக்கு போனா... மனசுக்கு அமைதி!

3. தி.நகர்ல இருந்தப்ப, அடிக்கடி சிவா - விஷ்ணு கோயிலுக்குப் போவேன். சைவ - வைணவப் பாகுபாடு இல்லாத கோயில்ங்கறதாலேயே இந்தக் கோயில் ரொம்பவே பிடிக்கும் எனக்கு.

4, தி.நகர் ஸ்ரீஅகத்தியர் கோயிலும் கொள்ளை அழகு. புராதனமான கோயிலாவும் இருக்கும்; அதேநேரம் கொஞ்சம் நவீனமாவும் இருக்கும்.

5. மேல்மலையனூர் ஸ்ரீஅங்காளம்மன் கோயில். மலையும் மலையில் குடியிருக்கிற அம்மனும்... அவ்வளவு அழகு!  

6. மேல்மருவத்தூர் ஆதிபராசக்தி கோயில். எப்பவும் இங்கே தேர்க்கூட்டம் திருவிழாக் கூட்டம்தான்! இந்தக் கூட்டமும் மக்கள் முகங்களும் பார்க்கவே பரவசமாயிருக்கும்.

7. இப்போ ரொம்ப இஷ்ட தெய்வம்  மயிலாப்பூர் ஷீர்டி சாயிபாபா கோயில். வியாழக்கிழமைகள்ல என்னை அங்கே பார்க்கலாம்.

8. கும்பகோணம் போறோம்னு சொன்னாலே குதூகலமாயிருவேன். எங்கே திரும்பினாலும் கோயில்கள்தான்! அதுல பிரமாண்டமும் அழகுமா இருக்கிற ஸ்ரீஆதிகும்பேஸ்வரர் கோயில் ரொம்பவே பிடிச்ச கோயில்.

9. ராஜா அண்ணாமலைபுரத்துல இருக்கும் ஸ்ரீவிநாயகர் கோயில். ஸ்ரீஐயப்பன், நவக்கிரகங்கள், ஸ்ரீதுர்கைனு எல்லா கடவுளுக்கும் சந்நிதி இருக்கு. இந்தக் கோயிலுக்குப் போனாலே மனசு அமைதியாயிரும்.

10. ஏழுமலையான் ஸ்ரீவேங்கடாசலபதி. எப்ப திருப்பதி போயிட்டு வந்தாலும், வாழ்க்கைல நல்லதொரு திருப்பம் எங்களுக்கு நிச்சயம்! கோயிலுக்குப் போயிட்டு வீட்டுக்குள்ளே நுழையும் போதே, அந்தத் திருப்பம் எங்களுக்கு முன்னாடி வந்து உக்கார்ந்திருக்கும்னா பாருங்களேன்.

-இ.ராஜவிபீஷிகா

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism