Published:Updated:

விசாக தரிசனம்! - மணக்கால்

விசாக தரிசனம்! - மணக்கால்

விசாக தரிசனம்! - மணக்கால்

விசாக தரிசனம்! - மணக்கால்

Published:Updated:
விசாக தரிசனம்! - மணக்கால்
##~##

திருச்சி மாவட்டம் லால்குடிக்கு அருகில், சுமார் 1 கி.மீ. தொலைவில் உள்ளது மணக்கால் கிராமம். இங்கே, ரயில்வே கேட்டுக்கு அடுத்தாற்போல் அமைந்துள்ளது ஸ்ரீசுப்ரமணிய ஸ்வாமி திருக்கோயில்.

ஒட்டுமொத்த விகடனுக்கும் ஒரே ஷார்ட்கட்!

சுமார் 200 வருடங்கள் பழைமை வாய்ந்த கோயில் இது. கிழக்கு நோக்கிய கோயிலில் மூலவராக, ஸ்ரீவள்ளி- ஸ்ரீதெய்வானை சமேதராக அழகு ததும்பத் தரிசனம் தரும் ஸ்ரீசுப்ரமணியரைப் பார்த்துக்கொண்டே இருக்கலாம். மகா மண்டபத்தில் நின்ற திருக்கோலத்தில் காட்சி தரும் உத்ஸவ மூர்த்தியும் கொள்ளை அழகு!

மணக்கால் கிராமத்தில் ஸ்ரீவரதராஜ பெருமாள் கோயிலும் உள்ளது. பிரணவப் பொருள் தெரியாத ஸ்ரீபிரம்மாவை சிறையில் அடைத்து, அப்பனுக்கே பாடம் சொன்ன சுப்பையனாகத் திகழும் ஸ்ரீசுப்ரமணிய ஸ்வாமியைத் தரிசிக்க திருமால் அங்கே சென்று, முருகப்பெருமான் கோயிலில் எழுந்தருள்வது காண்பதற்கு அரிதான ஒன்று!

விசாக தரிசனம்! - மணக்கால்

ஸ்ரீவரதராஜ பெருமாள் கோயிலில், ஆவணி மாதம் திருவிழா நடைபெறும். அந்த விழாவின்போது ஸ்ரீதேவி- பூதேவி சகிதமாக, மருமகன் முருகப்பெருமானைப் பார்ப்பதற்காகச் சென்று, அங்கே அனைவருக்கும் சேவை சாதிப்பார் பெருமாள். அந்த நாளில், இந்தக் கண்கொள்ளாக் காட்சியைக் காண மணக்கால், லால்குடி, திண்ணியம், பூவாளூர் என அக்கம்பக்கத்து ஊர்களில் இருந்தும் எண்ணற்ற பக்தர்கள் திரண்டு வந்து, தரிசிப்பார்கள்.

விசாக தரிசனம்! - மணக்கால்

கோயில் வளாகத்திலேயே யஜுர் வேத பாடசாலை அமைந்திருக்கிறது. எனவே, எப்போதும் வேத மந்திரம் ஜபிக்கும் சத்தம் கேட்டுக்கொண்டே இருக்கிறது. அந்த மந்திரங்களின் அதிர்வலைகள் கோயிலின் சாந்நித்தியத்தை இன்னும் அதிகமாகப் பெருக்கியிருக்கின்றன என்கின்றனர் பக்தர்கள்.

மணக்கால் ஸ்ரீசுப்ரமணியரைக் கண்ணாரத் தரிசித்துப் பிரார்த்தித்தால், தீராத நோயும் தீரும்; மனநோய் குணமாகி, அங்காரகனின் பேரருளைப் பெறலாம் என்பது ஐதீகம்.

ஆடிக்கிருத்திகை, சித்திரைப் பிறப்பு, பங்குனி உத்திரம், கந்த சஷ்டி என விழாக்கள் பல சிறப்புற நடைபெற்றாலும், முக்கியமாக வைகாசி விசாக நாள் இங்கே கோலாகலமாக கொண்டாடப்படுகிறது. அந்த நாளில் காவடிகள் எடுத்து வந்தும், பால் குடம் ஏந்தியும் ஏராளமான பக்தர்கள் வந்து, வேண்டிச் செல்கின்றனர். வைகாசி விசாக நாளில் ஸ்ரீசுப்ரமணியரிடம் பிரார்த்தித்தால், நினைத்தது விரைவில் நடைபெறும்; வாழ்வில் ஏற்றங்களைக் காணலாம் என்கின்றனர் பக்தர்கள்.

வைகாசி விசாகத்தில், மணக்கால் ஸ்ரீசுப்ரமணியரைத் தரிசியுங்கள்; வளமுடன் வாழ்வீர்கள்!

- த.பிரியங்கா  படங்கள்: தே.தீட்ஷித்

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism