Published:Updated:

மங்கல வாழ்வு தரும் அங்காளபரமேஸ்வரி!

அம்மன் அருள் பெருகட்டும்!

மங்கல வாழ்வு தரும் அங்காளபரமேஸ்வரி!

அம்மன் அருள் பெருகட்டும்!

Published:Updated:
##~##

திருச்சியில் இருந்து சுமார் 28 கி.மீ. தொலைவில் உள்ளது துறையூர். இங்கே, பேருந்து நிலையத்தில் இருந்து சுமார் 2 கி.மீ. தொலைவில் உள்ளது ஸ்ரீகாட்டு அங்காளபரமேஸ்வரி அம்மன் கோயில்.

சுமார் 200 வருடங்கள் பழைமை வாய்ந்த திருக்கோயில். தன்னை நாடி வருவோரின் கவலைகளை கருணை உள்ளத்துடன் கேட்டறிந்து, அருள்பாலிக்கும் ஒப்பற்ற அன்னை எனப் போற்றுகின்றனர், பக்தர்கள்!

ஒட்டுமொத்த விகடனுக்கும் ஒரே ஷார்ட்கட்!

இங்கே உள்ள பெருமாள்மலையில், அனைவருக்கும் அருளையும் பொருளையும் அள்ளித் தரும் பெருமாளுக்குக் கோயில் அமைந்துள்ளது. அந்தக் கோயிலைப் பார்த்தபடி அமர்ந்திருக்கிறார் ஸ்ரீஅங்காளபரமேஸ்வரி. ஒருகாலத்தில் வனப்பகுதியாகத் திகழ்ந்த இடத்தில், அம்மனின் ஆலயம் அமைந்திருந்ததால், ஸ்ரீகாட்டு அங்காயி என்றும் ஸ்ரீகாட்டு அங்காளபரமேஸ்வரி என்றும் அழைக்கின்றனர் பக்தர்கள்!

சிவராத்திரி, அமாவாசை, தைத் திருநாள், ஆடி வெள்ளி ஆகிய நாட்களில் அம்மனுக்கு சிறப்பு பூஜைகள் செய்யப்படுகின்றன. ஆடி மாதத்தில் தினந்தோறும், அம்மனுக்கு சிறப்புப் பூஜைகளும் வழிபாடுகளும் நடைபெறும். குடும்பத்தில் சண்டை - சச்சரவு நீங்க, இங்கு வந்து அம்மனை மனதார வேண்டினால் போதும்... தம்பதியிடம் அதுவரை இல்லாத ஒற்றுமை மேலோங்கும்; பிரிந்த தம்பதி ஒன்று சேருவார்கள் என்கின்றனர் ஊர்க்காரர்கள்.

மங்கல வாழ்வு தரும் அங்காளபரமேஸ்வரி!
மங்கல வாழ்வு தரும் அங்காளபரமேஸ்வரி!

ஆடி வெள்ளிக்கிழமைகளில், வெள்ளிக்கவசத்துடன் காட்சி தரும் அம்மனைக் காணக் கண் கோடி வேண்டும். பிள்ளை பாக்கியம் இல்லாதவர்கள், இங்கு வந்து அம்மனுக்கு தொட்டில் கட்டி வழிபடுவது வழக்கம்.

ஸ்ரீவீரபத்திரர், ஸ்ரீமதுரைவீரன், ஸ்ரீபேச்சியம்மன் எனும் பரிவார தெய்வங்களும் இங்கு காட்சி தருகின்றனர்.

பிரார்த்தனை நிறைவேறியவர்கள், அம்மனுக்குப் பொங்கல் படையலிட்டும் புடவை சார்த்தியும் தங்களது நேர்த்திக்கடனைச் செலுத்துகின்றனர்.

துறையூர் ஸ்ரீகாட்டு அங்காளபரமேஸ்வரியை வணங்குங்கள்; நம் துன்பமெல்லாம் பறந்தோடும்; மங்கல வாழ்வு ஸித்திக்கும்!

- பி.விவேக் ஆனந்த்

படங்கள்: தே.தீட்ஷித்

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism