Published:Updated:

காலடி நாயகனின் திருவடி தொழுவோம்!

ஜெய ஜெய சங்கர...

காலடி நாயகனின் திருவடி தொழுவோம்!

ஜெய ஜெய சங்கர...

Published:Updated:
காலடி நாயகனின் திருவடி தொழுவோம்!
காலடி நாயகனின் திருவடி தொழுவோம்!

துவாரகா மடம், சிருங்கேரி மடம், கோவர்த்தன மடம், ஜோதிர்மத் என நான்கு மடங்களை, நாலா திசைகளிலும் அமைத்து, இந்து மதத்தையும் இறை வழிபாட்டையும் வளர்ப்பதற்குப் பாடுபட்டவர்; இறைவனை அடையும் முறைகளை மிக எளிமையாகப் போதித்தவர்... ஆதிசங்கர பகவத் பாதாள் எனப்படும் ஸ்ரீஆதிசங்கரர்! இவரின் அடியற்றி வந்த ஆச்சார்ய புருஷர்களையே சங்காராச்சார்யர் எனப் போற்றுகிறோம்.

இத்தனைப் பெருமைக்கு உரிய மகானாகத் திகழ்ந்த ஸ்ரீஆதிசங்கரர், பாரத தேசமெங்கும் விஜயம் செய்தார். புண்ணிய தலங்களுக்குச் சென்று, புனித நதிகளில் நீராடி, இறைவனை அடைவதற்கான வழியை மக்களுக்குப் புரியும் வகையில் உபதேசித்து அருளினார்.

ஸ்ரீஆதிசங்கரர் வழிபட்ட தலங்கள் ஏராளம். அவற்றுள் முக்கியமான தலமாக, திருவொற்றியூர் திருத்தலத்தைச் சொல்வர். சென்னைக்கு அருகேயுள்ள இந்தத் தலத்தில் இறைவனின் திருநாமம் ஸ்ரீதியாகராஜ ஸ்வாமி; அம்பிகையின் திருநாமம்- ஸ்ரீவடிவுடைநாயகி. மூலவரின் திருநாமம்- ஸ்ரீஆதிபுரீஸ்வரர்.

சுந்தரர்பெருமான், சங்கிலிநாச்சியாரை மணந்தது; நந்தி தேவரின் வேண்டுகோளுக்கு இணங்க, சிவபெருமான் பத்ம தாண்டவம் ஆடி அருள்பாலித்தது; பசியுடன் இருந்த வள்ளலாருக்கு, வடிவுடையம்மனே வந்து அமுது படைத்தது என எண்ணற்ற அற்புதங்கள் நிகழ்ந்த திருத்தலம் இது!

காலடி நாயகனின் திருவடி தொழுவோம்!

இந்தத் தலத்துக்கு வந்த ஸ்ரீஆதிசங்கரர், வட்டப்பாறை அம்மனின் உக்கிரத்தைத் தணிப்பதற்காக, ஸ்ரீசக்ரம் பிரதிஷ்டை செய்து, அவளது சக்தியை ஸ்ரீசக்ரத்துக்குள் கொண்டு வந்து, தேவியை சாந்தப்படுத்தி, சந்நிதி கொள்ளச் செய்தார். ஆகவே, இந்தத் தலத்தில் ஸ்ரீஆதிசங்கரரின் திருவிக்கிரகத் திருமேனியை தரிசிக்கலாம்.  

##~##
இவரின் அடியற்றி வந்த சங்கராச்சார் யர்கள் பலரும், இந்தத் தலத்துக்கு வந்து இறைவனை வணங்கி வழிபட்டதுடன், இந்தக் கோயிலுக்கு ஏராளமான திருப்பணிகளும் செய்துள்ளனர்.

பிரமாண்டமான ஆலயம். இங்கே, மாதந் தோறும் சுக்கில பஞ்சமியில், ஸ்ரீஆதிசங்கரருக்குச் சிறப்பு அபிஷேகம் நடைபெறுகிறது. ஆதிசங்கரர் ஜயந்தியையட்டி, சிறப்பு அபிஷேகம் மற்றும் பூஜைகள் என ஐந்து நாள் விழாவாக, விமரிசை யாகக் கொண்டாடப்படுகிறது. 5-ஆம் நாளில், ஆதிசங்கரர் திருவீதியுலா வருவதைக் காணக் கண்கோடி வேண்டும் என்கிறார் கோயிலின் குருக்கள்.  

திருவொற்றியூர், திருமுல்லைவாயில் மற்றும் மேலூர் ஆகிய தலங்களில் இச்சா சக்தியாகவும், கிரியா சக்தியாகவும், ஞான சக்தியாகவும் அம்பிகை கோயில் கொண்டிருப்பதாக ஐதீகம்.

வருகிற மே-8-ஆம் தேதி, ஸ்ரீஆதிசங்கரர் ஜயந்தித் திருநாள். எனவே அந்த நாளில், திருவொற்றியூருக் குச் சென்று, ஸ்ரீவடிவுடையம்மன் உடனுறை ஸ்ரீஆதிபுரீஸ்வரரையும் ஸ்ரீஆதிசங்கரரையும் வணங்கி வழிபட்டு, திருவருளும் குருவருளும் பெறுவோமாக!

- அ.ராமநாதன்
  படங்கள்: அ.ரஞ்சித்