Published:Updated:

கடல் கடந்த கண்ணன் புகழ்!

Vikatan Correspondent

 
சிறப்பு கட்டுரை
 
கடல் கடந்த கண்ணன் புகழ்!

ந்தியாவில் இருந்து சுமார் ஆயிரம் வருடங்களுக்கு முன்பு வாணிபத்துக்காக இந்தோனேஷியாவுக்குச் சென்று குடியேறினர் இந்தியர்கள். அவர்களது வணிகம் செழிக்க, வாழ்க்கையும் வளம் பெற்றது. எனவே அங்கேயே தங்கிவிட்டனர்.

ஆனால், அடுத்தடுத்து அந்நியர்களால் ஏற்பட்ட தொல்லைகளால், பாலி எனும் இடத்தில் தஞ்சம் புகுந்தனர். இன்றைக்கு இந்த நகரம், உலகின் மிகப்பெரிய சுற்றுலா மையம். ஆனாலும், இங்கே வழிவழியாக வாழ்ந்து வரும் இந்தியர்கள், தங்களது கலாசாரத்தில் இருந்து இம்மியளவும் மாறவில்லை.

கடைக்குக் கடை... வாசலில் சிறியதொரு பெட்டி உள்ளது. இறைவனுக்கான தேங்காய், ஊதுபத்தி, பூக்கள் போன்றவற்றை இந்தப் பெட்டியில் சமர்ப்பித்தால் போதும்; அவை, அங்கிருக்கும் ஆலயத்துக்கு அனுப்பி வைக்கப்படுகிறது. இப்படி ஆன்மிகம் செழித்து வளரும் தேசத்தில், அழகுற அமைந்திருக்கின்றன இஸ்கான் ஆலயங்கள்.

இந்த ஆலயத்தை இங்கே நிறுவிய ஸ்ரீல ப்ரபுபாதா, ''இந்தப் புனித பூமியில் காலடி எடுத்து வைக்கும்போதே, ஒருவித அதிர்வை உணர்ந்தேன்'' என்றார். ஆமாம்... பாலி நகரில் மூன்று, இந்தோனேஷியத் தலைநகர் ஜகார்த்தாவில் ஒன்று என ஓங்கி வளர்ந்து நிற்கின்றன இஸ்கான் ஆலயங்கள்.

'ஜப்பானில் புரபசர் ஒருவர் செய்த ஆராய்ச்சி இது. ஒரேயரு தண்ணீர்த் துளியை எடுத்துக்கொண்டு, சத்தங்களையும் சொற்களையும் இணைத்து ஆராய்ச்சி செய்தார். 'உன்னைப் பார்த்தால் வெறுப்பாக உள்ளது. என்னை விட்டுச் சென்றுவிடு' என்று சொன்னபோது, அந்த நீர்த்துளியில் சில மாற்றங்கள் நிகழ்ந்ததாம். அதேபோல், 'உன்னைப் பார்த்தாலே மிக மகிழ்ச்சியாக இருக்கிறது. உன்னை ரொம்பவே பிடித்திருக்கிறது' என்றபோது, வேறுமாதிரியான மாற்றங்கள்!

கடல் கடந்த கண்ணன் புகழ்!
கடல் கடந்த கண்ணன் புகழ்!

நீரில் உள்ள அணுக்கள்... திட்டும்போது, தொட்டாற் சிணுங்கிபோல் சுருங்கியதாகவும், மகிழ்ச்சியுடன் பேசியபோது, மார்கழிக் கோலமாக பரந்துவிரிந்து கிடந்ததாகவும் விவரித்த புரபசர், ஃபோட்டோ ஆதாரங் களையும் காட்டி சிலிர்க்கவைத்தார். ஒருதுளி நீரில் இத்தனை மாற்றங்கள் என்றால், மனிதர்களைத் திட்டுவதையும் அவர்களிடம் அன்பு பாராட் டாமல் இருப்பதையும் சற்றே யோசித்துப் பாருங்கள்' என்று இஸ்கான் ஆலய நிர்வாகி ஒருவர் உரத்த குரலில் சொல்ல... அமைதியாகக் கேட்டுக் கொண்டிருக்கும் கூட்டம் - இப்படி அன்றாடம் நிகழும் அருளுரைகளும், 'அனுதினமும் இறைநாமத்தைச் சொன்னால், மனதில் அன்பு ஊற்றெனச் சுரக்கும்' என்பது போன்ற போதனைகளும் வெகுவாக ஈர்க்க... இந்த பக்தியில் திளைப்பதற்காக எண்ணற்ற கூட்டம் கூடுகிறது இஸ்கான் ஆலயங்களில்.

கடல் கடந்த கண்ணன் புகழ்!

பக்தியிலும் பிரார்த்தனையிலும் பல வகைகள் உண்டு. கண் மூடி அமர்ந்து பிரார்த்திப்பது, நின்றுகொண்டு வேண்டுவது, பாடிக்கொண்டே இறைவனை வணங்குவது, பாடியும்ஆடியும் பகவானை வழிபடுவது... எனப் பல வழிகள் உள்ளன. ஆடல்பாடலுடன் இறைவனை வணங்கும் போது, பகவான் கிருஷ்ணனும் தமது பீடத்திலிருந்து இறங்கி வந்து, நம்முள் இரண்டறக் கலப்பார் என்பது இஸ்கான் அமைப்பின் நம்பிக்கை!

ஒருவர் சங்கு முழங்க, மற்றொருவர் மிருதங்கம் வாசிக்க, இன்னொருவர் பக்தியுடன் ஆட... புனிதமான இந்த வழிபா டும், நிறைவில் தரப்படும் ஸ்ரீகிருஷ்ண பிரசாதமும் அற்புதம்! மொழி, இன பாகுபாடு இன்றி பல்வேறு தேசத்தைச் சார்ந்தவர்களும் இந்த அமைப்பில் உறுப்பினர் களாகவும், கிருஷ்ண பக்தர்களாகவும் இருப்பது விசேஷம். ஜகார்த்தா மற்றும் இந்தோனேஷி யாவைச் சேர்ந்த பக்தர்கள், தங்களுக்கே உரிய கரகரப்பான குரலில் கிருஷ்ண ஸ்லோகங்களைப் பாடுவதும், அதை நாம் கேட்பதும்... வித்தியாசமான ஆன்மிக அனுபவம்!

உச்சபட்சமாக... ஆடிப்பாடியபடி ஸ்ரீகிருஷ்ணரை வழிபட்ட வெளிநாட்டு பக்தர் ஒருவர், 'No curry! No worry! No hurry! - when there is Hari' என்று பக்திப் பரவசத்தில் ஓங்கிக் குரலெழுப்பியபோது, உடலும் உள்ளமும் சிலிர்த்தன!

ஹரே ராமா... ஹரே கிருஷ்ணா!

- சிங்கப்பூரில் இருந்து - அ. ஆதித்யன்