Published:Updated:

அன்னதானம் செய்தால் அமோக விளைச்சல் உறுதி!

அன்னதானம் செய்தால் அமோக விளைச்சல் உறுதி!

அன்னதானம் செய்தால் அமோக விளைச்சல் உறுதி!

அன்னதானம் செய்தால் அமோக விளைச்சல் உறுதி!

Published:Updated:
அன்னதானம் செய்தால் அமோக விளைச்சல் உறுதி!
அன்னதானம் செய்தால் அமோக விளைச்சல் உறுதி!
##~##

ஒட்டுமொத்த விகடனுக்கும் ஒரே ஷார்ட்கட்!

நா
மக்கல் மாவட்டம் ராசிபுரத்தில் இருந்து திருச்செங் கோடு செல்லும் வழியில், ராசிபுரத்தில் இருந்து சுமார் 10 கி.மீ. தொலைவில் உள்ளது குருசாமிபாளையம். இங்குதான், அழகுத் திருக்கோலம் காட்டி, அருளையும் பொருளையும் நமக்கு அள்ளி வழங்குகிறார், ஸ்ரீசிவசுப்ரமணிய ஸ்வாமி.

முருகக் கடவுளின் படை வீரர்களின் தளபதியாகத் திகழ்ந்த வீரபாகு, இங்கே ஸ்ரீபாலதண்டாயுதபாணியின் திருவிக்கிரகத்தை வைத்து, மனமுருகி வழிபட்டார்; இதில் மகிழ்ந்த முருகப்பெருமான், அவருக்கு இங்கு திருக்காட்சி தந்தார் என்றும் தெரிவிக்கிறது ஸ்தல புராணம். பிறகு, வீரபாகுவின் வம்சத்தவர்கள், முருகப்பெருமான் தரிசனம் தந்த இடத்தில் சிறியதொரு கோயிலை அமைத்து வழிபடத் துவங்கினர். இங்கே, மூலவரின் திருநாமம் - ஸ்ரீசிவசுப்ரமணிய ஸ்வாமி.

இந்தத் தலத்தில், ஸ்ரீசிவசுப்ரமணிய ஸ்வாமி மற்றும் ஸ்ரீபாலதண்டாயுத பாணி என இரண்டு முருகப்பெருமானை கண்ணாரத் தரிசிக்கலாம் என்பது கூடுதல் சிறப்பு. தவிர, ஸ்ரீஏகாம்பரேஸ்வரர், ஸ்ரீவல்லப கணபதி, ஸ்ரீதுர்கை ஆகியோரும் அருள்பாலிக்கிற இந்தத் தலத்தில், ஸ்ரீசனீஸ்வரருக்குத் தனிச்சந்நிதி அமைந்துள்ளது.  

அன்னதானம் செய்தால் அமோக விளைச்சல் உறுதி!

பங்குனி உத்திரம், ஆடிக் கிருத்திகை, வைகாசி விசாகம், மாசி மகம், சித்ரா பௌர்ணமி, திருக்கார்த்திகை தீபம் என வருடம் முழுவதும் திருவிழாக்கள் நடைபெறும் இந்தக் கோயிலில், வைகாசி விசாகத்தின்போது, சுற்றுவட்டார மக்கள் அனைவரும் திரண்டு வந்து, முருகக்கடவுளைத் தரிசிப்பது கண்கொள்ளாக் காட்சி! இந்த நாளில், இங்கு வந்து பொங்கலிட்டு, அன்னதானம் செய்து வழிபட்டால்... அந்த வருடம் விளைச்சல் அமோகமாக இருக்கும்; சந்ததி செழிக்கும் என்பது நம்பிக்கை!

ஒன்பது வெள்ளிக்கிழமை அல்லது செவ்வாய்க்கிழமைகளில், இங்கு வந்து நெய்தீபமேற்றி, ஸ்ரீசிவசுப்ரமணியரை வழிபட்டால், செவ்வாய் தோஷம் நீங்கும்; திருமண பாக்கியம் கைகூடும்; வயிறு சம்பந்தமான பிரச்னைகள் யாவும் விலகும் என்கின்றனர், பக்தர்கள்!

பங்குனி உத்திரத்தின்போது, முருகப் பெருமானுக்குத் திருக்கல்யாண வைபவம் நடைபெறும். அப்போது, தங்கள் கையால் மாலை தொடுத்து, ஸ்வாமிக்கு சார்த்தி வழிபட... விரைவில் கல்யாண மாலை நிச்சயம் என்பது பக்தர்களின் நம்பிக்கை!

       - பி.பிரகாஷ்
படங்கள்: ஆர்.மோகன்

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism