Published:Updated:

'எங்க அக்காவை மிஸ் பண்ணிட்டேன்; அண்ணனுக்கு மெசேஜ் அனுப்பனும்!'

'எங்க அக்காவை மிஸ் பண்ணிட்டேன்; அண்ணனுக்கு மெசேஜ் அனுப்பனும்!'

'எங்க அக்காவை மிஸ் பண்ணிட்டேன்; அண்ணனுக்கு மெசேஜ் அனுப்பனும்!'

'எங்க அக்காவை மிஸ் பண்ணிட்டேன்; அண்ணனுக்கு மெசேஜ் அனுப்பனும்!'

Published:Updated:
'எங்க அக்காவை மிஸ் பண்ணிட்டேன்; அண்ணனுக்கு மெசேஜ் அனுப்பனும்!'
'எங்க அக்காவை மிஸ் பண்ணிட்டேன்; அண்ணனுக்கு மெசேஜ் அனுப்பனும்!'

'இந்தப் பயிற்சியை எடுத்துக்கணும்னு ரொம்ப நாள் ஆசை. அந்த எண்ணம் இப்ப நிறைவேறிடுச்சு. இறை வணக்கப் பாடல்ல ஆரம்பிச்சு, 'ரிலாக்ஸேஷன்’ வரைக்கும் எல்லாமே நிறைவா இருந்துச்சு'' என்று ஆண்டாங்கோவில் வாசகி ஷர்மிளா சொல்ல, அதனை கைதட்டி ஆமோதித்தது வாசகக் கூட்டம்.  

டென்ஷன்களில் இருந்து விடுபடவும், மனதை அமைதிப் பூங்காவாக மலரச் செய்யவும், சக்தி விகடனும் உலக சமுதாய சேவா சங்கமும் இணைந்து, கடந்த 12.6.11 அன்று, மனவளக் கலை யோகா பயிற்சி முகாமை கும்பகோணம்- அறிவுத் திருக்கோயிலில் நடத்தின.

''இப்படியரு பயிற்சி இருக்குங்கறதோ, இந்தப் பயிற்சி ரொம்பவே சுலபமானதுங்கறதோ தெரியாம போயிடுச்சு, எனக்கு. இந்தப் பயிற்சியின் பலன், வாசகர்களுக்குக் கிடைக்கணும்னு, இலவசமா தருவதற்கு ஏற்பாடு செய்த சக்தி விகடனுக்கு நன்றி!'' என்று நெகிழ்ந்த வாசகர் ராஜன், அசத்தலாகப் பாடவும் செய்தார்.

முகாமில், யோகா பயிற்சியை சொல்லிக் கொடுத்த பயிற்சியாளரின் பள்ளி ஆசிரியரும் கலந்துகொண்டது, இதன் முக்கியத்துவத்தை ஒரு படி கூட்டியது.  

##~##
முகாமில் நெகிழ்ச்சியான விஷயம், வாசகி ஒருவரின் உருக்கமான பேச்சு. ''இந்த முகாம் ரெண்டு மாசத்துக்கு முந்தியே நடந்திருக்கக் கூடாதா? ஏன்னா... எங்க அக்காவுக்கு, தான் கறுப்பா இருக்கோம், குள்ளமா இருக்கோம்னு தாழ்வு மனப்பான்மை. மனசுல வேதனையோடயே வாழ்ந்தவ, ரெண்டு மாசத்துக்கு முன்னாடி, தற்கொலை பண்ணிக்கிட்டா. இந்தப் பயிற்சி முகாம் முன்னாடியே நடந்திருந்தா, எங்க அக்காவோட வந்திருப்பேன்; அவளும் தெளிவாகி இருப்பா. அவளை இழந்திருக்கவும் மாட்டேன்'' என்று சொல்லிவிட்டு விசும்பிய அந்தப் பெண், சட்டென்று சுதாரித்தபடி சொன்னார்...

''சென்னைல ஐ.டி. கம்பெனில வேலை பார்க்கற எங்க அண்ணன், 'ஸ்ட்ரெஸ், டென்ஷன், டயர்டு, டிப்ரஷன்’னு சதா புலம்பிக்கிட்டே இருக்கான். அவன்கிட்ட இந்த முகாம் பத்திச் சொல்லணும். பெரியவங்க, தங்களோட டீன் பருவத்து மகன்களையும் மகள்களையும் கண்டிப்பா கூட்டிட்டு வாங்க! இளைஞர்கள் தெளிவாயிட்டா, நாடே தெளிவாயிடும்'' என்று அவர் சொல்ல, இறுக்கத்தைத் தளர்த்தியபடி, கரகோஷம் எழுப்பினர் வாசகர்கள். அந்தச் சத்தம், இந்த முகாமின் வெற்றிக்கான அடையாளமாக அதிர்ந்தது!

- வி.ராம்ஜி
  படங்கள்: ந.வசந்தகுமார்

'எங்க அக்காவை மிஸ் பண்ணிட்டேன்; அண்ணனுக்கு மெசேஜ் அனுப்பனும்!'