Published:Updated:

மதிப்புக்குரிய வாசகர்களே..!

மதிப்புக்குரிய வாசகர்களே..!

மதிப்புக்குரிய வாசகர்களே..!

மதிப்புக்குரிய வாசகர்களே..!

Published:Updated:
##~##

வணக்கம்.

மது புராதன இந்து மதத்தில் போகி, பொங்கல், ஸ்ரீராமநவமி, ஸ்ரீகிருஷ்ண ஜயந்தி, விநாயகர் சதுர்த்தி, நவராத்திரி, தீபாவளி, கார்த்திகை தீபம் என விழாக்களும், விசேஷங்களும், பண்டிகைகளும் ஏராளம்! பண்டிகைகள் கொண்டாடுவதன் அடிப்படை நோக்கம் என்ன? 'தம்மிடம் இருப்பதை இல்லாதவர்க்குப் பகிர்ந்தளித்து, பிறர் மகிழ்ச்சியில் தாம் மகிழ்வதே’ என இந்த இதழில் ஓர் அற்புத விளக்கம் அளிக்கிறார் வெ.இறையன்பு ஐ.ஏ.எஸ்.

ஒட்டுமொத்த விகடனுக்கும் ஒரே ஷார்ட்கட்!

கொண்டாடி மகிழ்வதற்குப் பண்டிகைகள் துணை நிற்பது போலவே வெள்ளிவிழா, பொன்விழா, பவளவிழா, வைரவிழா என எண்ணிக்கையும் நமது மகிழ்ச்சிக்கு ஓர் அடிப்படைக் காரணியாக அமைகிறது. அந்த வகையில், சக்தி விகடன் பத்திரிகை தொடங்கி, பத்து ஆண்டுகளாக தனது ஆன்மிகப் பயணத்தை வெற்றிகரமாகத் தொடர்ந்து... இதோ, உங்கள் கையில் தவழ்கிறது சக்தி விகடனின் 250-வது இதழ்!

மதிப்புக்குரிய வாசகர்களே..!

உண்மையிலேயே மகிழ்ச்சியும் நெகிழ்ச்சியும் நிறைந்த தருணம் இது. இதற்கு அடிகோலியது வாசகர்களாகிய நீங்கள்தான். இந்த இனிய தருணத்தில் உங்களுக்கு எங்களின் உளமார்ந்த நன்றிகளைத் தெரிவித்துக்கொள்வதோடு, மகிழ்ச்சியின் வெளிப்பாடாக இந்தச் சிறப்பிதழைப் பார்த்துப் பார்த்து நுணுக்கமாக வடிவமைத்திருக்கிறோம். ஆரம்ப கால இதழ்களில் பொக்கிஷமாக ஜொலிக்கும் பல சிறப்புக் கட்டுரைகளிலிருந்து ஒன்றிரண்டை இன்றைய வாசகர்களும் படித்து அனுபவிக்கும்வண்ணம், முத்துமாலையில் கோத்திருக்கும் ரத்தினக் கற்களாகச் சேர்த்திருக்கிறோம்.

அதுமட்டுமா... ஜய வருடத்துக்கான சக்தி விகடன் பஞ்சாங்கம் இணைப்புப் புத்தகத்தையும் இத்துடன் அளித்திருக்கிறோம். கணினி மென்பொருள் மற்றும் தொழில்நுட்பம் தொடர்பான விஷயங்களில் 'User Friendly’ என்றொரு சொற்பிரயோகத்தை அடிக்கடி நீங்கள் கேட்டிருக்கலாம். பயனாளிகளுக்கு எளிதில்

மதிப்புக்குரிய வாசகர்களே..!

உதவிடும் வகையில் எந்தவொரு தயாரிப்பும் இருக்கவேண்டும். அந்த வகையில், நம்மைப் போன்ற சாமான்ய மக்களும் எளிதில் பயன்படுத்தும் விதமாக இந்தப் பஞ்சாங்கத்தை எளிமையாக, அதே நேரம் மிகத் துல்லியமாக வடிவமைத்துள்ளோம். முக்கிய விழாக்கள், விசேஷங்கள், சுப தினங்கள், விரத காலங்கள் என ஒவ்வொன்றையும் நீங்களே சுலபமாகத் தேடி, அனுஷ்டிப்பதற்கு இந்தப் பஞ்சாங்கம் உங்களுக்கு வெகுவாக உதவும்.

இந்தச் சிறப்பிதழில் உள்ள உள்ள ஒவ்வொரு அம்சத்தையும் நிதானமாகப் படியுங்கள்; ரசியுங்கள். உங்களின் மேலான கருத்துக் களை உடனுக்குடன் எங்களோடு பகிர்ந்து கொள்ளுங்கள்.

உங்களின் மகிழ்ச்சியே எங்களின் மகிழ்ச்சி! உங்களின் மன நிறைவே எங்களின் மன நிறைவு! இது பண்டிகைகளின் அடிப்படை நோக்கம் மட்டுமல்ல; உங்கள் சக்தி விகடனின் கொள்கையும் இதுதான்!

- ஆசிரியர்  

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism