Published:Updated:

நல்லது நடந்தது!

ஆனந்தமாக நடந்தது கும்பாபிஷேகப் பெருவிழா! பாக்கம் - ஸ்ரீஆனந்தீஸ்வரர் கோயில்வி.ராம்ஜி

நல்லது நடந்தது!

ஆனந்தமாக நடந்தது கும்பாபிஷேகப் பெருவிழா! பாக்கம் - ஸ்ரீஆனந்தீஸ்வரர் கோயில்வி.ராம்ஜி

Published:Updated:

கத்திய முனிவர் எங்கெல்லாம் சென்றாரோ, அங்கெல்லாம் சிவலிங்கம் பிரதிஷ்டை செய்து, சிவபூஜை செய்தார். அந்த இடங்களில் எல்லாம் சூட்சும சக்தியாக இருந்து, அங்கே வந்து செல்லும் அனைவருக்கும் அருளையும் பொருளையும் அள்ளித் தந்துகொண்டிருக்கிறான் இறைவன். அப்படி அகத்திய முனிவரால் பிரதிஷ்டை செய்து வழிபடப்பட்ட ஓர் ஆலயம்தான் ஸ்ரீஆனந்தீஸ்வரர் ஆலயம். ஒருகாலத்தில் மிகப் பிரமாண்டமான ஆலயமாக இருந்து, பிறகு பராமரிப்பின்றி சிதிலமடைந்து கிடந்த அந்த ஆலயத்தைச் சீரமைக்க நம்மால் இயன்றதை வழங்குவோம் என்று, கடந்த 10.12.13 சக்திவிகடனில் 'ஆலயம் தேடுவோம்’ பகுதியில் எழுதியிருந்தோம்.

சென்னை, சென்ட்ரல்- திருவள்ளூர் ரயில் மார்க்கத்தில் உள்ளது திருநின்றவூர் ரயில் நிலையம். அங்கிருந்து பெரியபாளையம் செல்லும் சாலையில் சுமார் 4 கி.மீ. தொலைவு பயணித்தால், பாக்கம் கிராமத்தை அடையலாம். அங்கே, நம்மை ஆனந்தமாக வாழவைக்கும் ஸ்ரீஆனந்தீஸ்வரர் கோயில் கொண்டிருக்கிறார். ராஜேந்திர சோழன் 1022-ம் வருடம் கட்டிய கோயில் இது என்கின்றன கல்வெட்டுக் குறிப்புகள்.

நல்லது நடந்தது!

ஒட்டுமொத்த விகடனுக்கும் ஒரே ஷார்ட்கட்!

'இந்தக் கோயிலைப் புனரமைத்து, சீர்படுத்தி, செம்மையாக்கி, கும்பாபிஷேகத்தை விமரிசையாக நாம் நடத்தாவிட்டால், வேறு யார் நடத்துவார்கள்?’ என்று அந்தக் கட்டுரையில் நமது ஆதங்கத்தை வெளிப்படுத்தியிருந்தோம்.

'திருப்பணிக்கு ஆனந்தத் துடன், மகிழ்ச்சியுடன் தோள் கொடுங்கள். அந்த ஆனந்தமும் மகிழ்ச்சியும் மளமளவெனப் பரவி, ஸ்ரீஆனந்தீஸ்வரர் ஆலயத்தை தகதகவென ஜொலிக்கச் செய்யும் என்பது உறுதி’ என அந்தக் கட்டுரையை நம்பிக்கையோடு முடித்திருந்தோம்.

நமது நம்பிக்கை வீண் போகவில்லை. கட்டுரை வெளியானதுமே நமது சக்தி விகடன் வாசகர்கள் அந்தக் கோயில் நிர்வாகத்தை உடனடியாகத் தொடர்பு கொண்டு, நிதிகளை வாரி வழங்கினார்கள். வேலைகள் துரிதமாக நடைபெறத் துவங்கின.

வாசகர்களின் பேருதவியாலும், பாக்கம் கிராம மக்களின் பெருமுயற்சியாலும், கடந்த 11.5.14 அன்று ஸ்ரீஆனந்தீஸ்வரருக்குக் கோலாகலமாக நடந்தேறியது கும்பாபிஷேகப் பெருவிழா!

''சக்திவிகடனுக்கும் அதன் வாசகர்களுக்கும் எங்கள் கிராமமே நன்றிக்கடன் பட்டிருக்கு. வெட்டவெளியில இருந்த சிவலிங்கத்துக்குக் கொட்டகை போட்டு, திருப்பணியை ஆரம்பிச்சோம். சக்திவிகடன் வாசகர்களின் உதவியால், இன்னிக்கு அது அழகானகோயிலா, அம்சமா உருவாகி வந்திருக்கு. இதோ, கும்பாபிஷேகத்தையும் சிறப்பா நடத்திட்டோம்'' என்று சொல்லிச் சொல்லிப் பூரிக்கிறார்கள் பாக்கம் மக்கள்.

கும்பாபிஷேகத்தன்று ஐயாயிரத் துக்கும் மேற்பட்ட பக்தர்கள் திரண்ட னர். அனைவருக்கும் அன்னதானம், ருத்திராட்சப் பிரசாதம் என விமரிசையாக நடந்தது விழா!

மண்டலாபிஷேகம் நடை பெற்று வரும் வேளையில் அல்லது ஏதேனும் ஒருநாளில், பாக்கம் ஸ்ரீஆனந்தவல்லி சமேத ஸ்ரீஆனந்தீஸ்வரர் ஆலயத்துக்குச் சென்று வாருங்கள். ஆனந்தமான வாழ்வைப் பெறுவீர்கள்!

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism