Published:Updated:

'ஓரிக்கை’ ஈஸ்வரனுக்கு கும்பாபிஷேகம்!

சிவ... சிவ... பாரதி மித்ரன்

'ஓரிக்கை’ ஈஸ்வரனுக்கு கும்பாபிஷேகம்!

சிவ... சிவ... பாரதி மித்ரன்

Published:Updated:

ரிக்கை. காஞ்சி மகான், அடிக்கடி விஜயம் செய்த கிராமங்களில்  ஒன்று. பலமுறை, அவர் இங்கேயே தங்கி, சாதுர்மாஸ்ய விரதம் அனுஷ்டித்த புண்ணிய பூமி இது. நடமாடும் தெய்வம் எனப் போற்றப்படும் மகா பெரியவாளுக்கு இங்கே பிரமாண்டமாக உருவாகி வருகிறது மணிமண்டபம். இந்த மணிமண்டபத்துக்கு அருகிலேயே, சிறப்புறத் தயாராகி வருகிறது ஸ்ரீஅகஸ்தீஸ்வரர் ஆலயம். வரும் ஜூலை மாதத்தில் விமரிசையாக நடைபெற உள்ளது கும்பாபிஷேகப் பெருவிழா!

மகா பெரியவா ஓரிக்கை வந்ததும், முதல் வேலையாக ஸ்ரீஅகஸ்தீஸ்வரரை தரிசித்து வணங்கிய பிறகே, முகாமிட்டிருக்கும் இடத்துக்குச் செல்வாராம்.

''சுமார் 1,500 வருடப் பழைமை வாய்ந்த கோயில் இது. மூர்த்தி சிறிதானாலும் கீர்த்தி பெரிதுங்கறது போல, கோயில் சின்னதுதான்னாலும், அகஸ்தீஸ்வரர் ரொம்பவே சக்தி வாய்ந்தவர். ரொம்ப காலமா சிதிலம் அடைஞ்சிருந்த இந்தக் கோயிலை, நாங்க எல்லாரும் சேர்ந்து இப்ப திருப்பணி செய்து, கும்பாபிஷேகமும் நடத்தப் போறோம்'' என்கின்றனர் ஊர்மக்கள். இந்தக் கோயிலின் திருப்பணியை மேற்கொள்வதற்காகவே, தன் வங்கிப் பணியில் இருந்து விருப்ப ஓய்வு பெற்று, கோயில் கைங்கர்யத்தில் தன்னை முழுவதுமாக ஈடுபடுத்திக் கொண்டிருக்கிறார் என்.சுப்ரமணியன் எனும் அன்பர்.

ஒட்டுமொத்த விகடனுக்கும் ஒரே ஷார்ட்கட்!

'ஓரிக்கை’ ஈஸ்வரனுக்கு கும்பாபிஷேகம்!
'ஓரிக்கை’ ஈஸ்வரனுக்கு கும்பாபிஷேகம்!

''ஓரிக்கை கிராமத்துக்காரன்தான் நான். ஆனாலும், என் நண்பர் பிரபு மகாலிங்கம்தான், அகஸ்தீஸ்வரர் கோயில் பத்தியும், கோயிலைப் புதுப்பிப்பது பத்தியும் அடிக்கடி சொல்லிக்கிட்டே இருந்தார். அதன் பிறகு, திருப்பணிக்காக தற்காலிகக் கமிட்டியை உருவாக்கி, வேலைகளை ஆரம்பிச்சு, விறுவிறுன்னு செஞ்சுக்கிட்டிருக்கோம். எல்லாம் சிவனருள்!'' என்று சிலிர்ப்புடன்

'ஓரிக்கை’ ஈஸ்வரனுக்கு கும்பாபிஷேகம்!

தெரிவிக்கிறார் சுப்ரமணியன்.  கோயிலின் சிவலிங்கத் திருமேனியும், கிராம தேவதை செல்லியம்மன் விக்கிரகமும், அருகில் உள்ள சொன்னவண்ணம் செய்த பெருமாள் கோயிலில் பாலாலயம் செய்து வைக்கப்பட்டுள்ளதாம். அர்த்த மண்டபம், மகா மண்டபம், நவக்கிரக சந்நிதி, செல்லியம்மன் சந்நிதி என அனைத்துப் பணிகளும் துரிதமாக நடைபெற்று வருகின்றன. ஜூலை 7-ம் தேதி அன்று கும்பாபிஷேகம் நடத்துவது என முடிவு செய்துள்ளனர் திருப்பணிக் குழுவினர்.    

''வேலைகள் முக்கால்வாசி முடிந்துவிட்டாலும், பணிகளை நிறைவு செய்வதற்கும், கும்பாபிஷேக வைபவத்துக்கும் நிதிப் பற்றாக் குறை ஏற்பட்டுள்ளது. அந்த அகஸ்தீஸ்வரரும் மகாபெரியவாளும் நிச்சயம் ஏதேனும் வழிகாட்டுவார்கள் என்று நம்பிக்கை இருக்கிறது'' என உறுதியுடன் தெரிவிக்கிறார் சுப்ரமணியன்.

ஓரிக்கை வந்தால், ஸ்ரீஅகஸ்தீஸ்வரரைத் தரிசியுங்கள்; திருவருள் நிச்சயம்! மணிமண்டபத் தரிசனமும் செய்யுங்கள்; குருவருள் கிடைப்பதும் உறுதி!

படங்கள்: கா.முரளி

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism