Published:Updated:

ஆலயம் தேடுவோம்

ஆலயம் தேடுவோம்

ஆலயம் தேடுவோம்

ஆலயம் தேடுவோம்

Published:Updated:
ஆலயம் தேடுவோம்
ஆலயம் தேடுவோம்
##~##

ஒட்டுமொத்த விகடனுக்கும் ஒரே ஷார்ட்கட்!

பா
ண்டிய நாட்டைக் கடந்தால், சோழ தேசம் வந்துவிடும். சோழ நாட்டைக் கடந்தால், பல்லவர்கள் ஆட்சி செய்த தேசத்தை அடைந்துவிடலாம். ஆனால், சோழ தேசத்துக்கும் பல்லவ நாட்டுக்கும் நடுவில் இன்னொரு தேசம் இருந்தது. அந்தத் தேசத்தை நடுநாடு என்றே அழைத்தனர்.

அந்தக் காலத்தில் விழுப்புரம், கடலூர், திருக்கோவிலூர், திருவண்ணாமலை மற்றும் அதனைச் சுற்றியுள்ள பகுதிகள் , நடுநாடு என்றே அழைக்கப்பட்டன. வள்ளல் அதியமானும், பாரி வள்ளலும் ஆட்சி செய்த தேசம் இது என்பார்கள்.

சிறிய தேசம்தான்; இங்கே வயல்களுக்கும் வாழ்வாதாரத் துக்கும் குறைவே இல்லை. ஊருக்கு ஊர், அற்புதமான கோயில்கள் இருக்கிற செழிப்பு மிக்க தேசம் இது. ஆறுகளில் தண்ணீர் பாய்ந்தோடுவதாகட்டும், வயல்களில் பச்சைப் பசேலென நெற்பயிர்கள் காற்றிலாடி வரவேற்பதாகட்டும், சைவம் மற்றும் வைணவ ஆலயங்கள் பிரமாண்டமாகவும் சிற்ப நேர்த்தியுடனும் அமைந்திருப்பதாகட்டும்... அத்தனை யும் நம் உள்ளங்களைக் கொள்ளைகொள்ளும்.  

ஆலயம் தேடுவோம்

சுந்தரர் அவதரித்த திருநாவலூர், மூன்றடியால் உலகளந்த பெருமாள் குடிகொண்டிருக்கும் திருக்கோவிலூர், அப்பர் பெருமான் கரையேறிய திருப்பாதிரிப்புலியூர், அறையணிநல்லூர், நினைத்தாலே முக்தி தரும் திருவண்ணாமலை... என இந்த நடுநாட்டில்தான் எத்தனை எத்தனைத் தலங்கள்!

அப்பேர்ப்பட்ட ஆலயங்களில் ஒன்றுதான், நெல்லிக்குப்பம் ஸ்ரீகயிலாசநாதர் திருக் கோயில். கடலூர் மாவட்டம், நெல்லிக்குப்பத்தில் உள்ள சோழவல்லி பகுதியில் அமைந்துள்ள மிக அற்புதமான கோயில் இது.

மூர்த்தி, தீர்த்தம், தலம் ஆகிய மூன்றாலும் சிறப்புப் பெற்றிருக்கும் ஆலயம் விசேஷத் துக்கு உரியது எனப் போற்றுவார்கள் ஆன்மிகப் பெரியோர். அப்படி, இந்த மூன்று சிறப்பு களையும் கொண்ட திருத்தலம், நெல்லிக்குப்பம் ஸ்ரீகயிலாசநாதர் கோயில்.

நடுநாட்டில் இருந்தாலும், ஒருகாலத்தில் பல்லவர்களின் ஆளுகைக்கு உட்பட்டதாகத்  திகழ்ந்ததாம், இந்தப் பகுதி. நெல்லி, வில்வம் மற்றும் வன்னி மரங்கள் சூழ்ந்த இந்தப் பகுதியில் மனத்தைப் பறிகொடுத்த பல்லவ மன்னன், அங்கே அற்புதமான ஆலயத்தை எழுப்பினான் என்கிறது ஸ்தல வரலாறு.

ஆலயம் தேடுவோம்
ஆலயம் தேடுவோம்

அதன் பிறகு, சோழ தேசத்தின் கட்டுப் பாட்டுக்குள் நடுநாடு வந்தது. ராஜராஜ சோழனின் தாயார் நடுநாட்டைச் சேர்ந்த வர். அதாவது, ராஜேந்திர சோழனின் தாத்தா ஊர், திருக்கோவிலூருக்கு அருகில் உள்ளது. எனவே, இந்த நடுநாட்டில் உள்ள பல கோயில்களுக்கும், சோழ மன்னர்கள் பலரும் திருப்பணிகள் மேற்கொண்டுள்ளனர்.

நெல்லிக்குப்பம் பகுதிக்கு வந்த ராஜேந்திர சோழன், வனத்தில் உள்ள அழகிய ஆலயத்தைக் கண்டு, அங்கு வந்து வழிபட்டான். ஸ்ரீகயிலாசநாதரின் லிங்கத் திருமேனியையும், சுமார் ஆறடி உயரத்தில் அழகு ததும்பக் காட்சி தரும் ஸ்ரீஅகிலாண்டேஸ்வரியையும் தரிசித்துச் சிலிர்த்தவன், அந்த வனத்தை அப்படியே சிறு கிராமமாக்கினான். கோயிலுக்கு பூஜை செய்பவர்களுக்கும் கோயிலைச் சுத்தம் செய்து பராமரிப்பவர்களுக்கும் மடப்பள்ளியில் நைவேத்தியம் செய்பவர்களுக்கும் நிலங்கள் அளித்தான். வீடு கட்டிக்கொள்வதற்குப் பணம் கொடுத்தான். அந்த ஊருக்கு, 'சோழவல்லி’ என்று பெயர் சூட்டினான்.

அது மட்டுமா? இந்தக் கோயிலுக்கு மிகப் பிரமாண்டமான தங்கத் தேர் இருந்திருக்கிறது. சுமார் 1000 வருடங்களுக்கு முன்பு செய்யப்பட்ட தேர் அது. அதனை குந்தவை பிராட்டியார் தனது செலவில் கோயிலுக்குச் செய்து கொடுத்ததாகவும், அந்தத் தேர் உருவாகி, பூர்த்தியாகும் வரை அவர் சோழவல்லிக்கு அடிக்கடி வந்து சென்றதாகவும் கல்வெட்டுக்கள் தெரிவிக்கின்றன. இன்றைக்குத் தேர்முட்டி மட்டுமே உள்ளது. தங்கத்தையும் காணோம்; தேரினையும் காணோம்!

ஆலயம் தேடுவோம்
ஆலயம் தேடுவோம்

இங்கேயுள்ள ஏராளமான கல்வெட்டுக்களைக் காணும்போது, ஒரு காலத்தில் நெல்லிக்குப்பம் ஸ்ரீகயிலாசநாதர் ஆலயம் சீரும் சிறப்புமாக இருந்திருப் பது தெரிகிறது. இந்தப் பக்கம் ஸ்ரீபாடலீஸ்வரமும் திருநாவலூரும், அந்தப் பக்கம் திருவண்ணாமலையும் திருக்கோவிலூரும் அமைந்திருக்க, நெல்லிக்குப்பம் ஸ்ரீகயிலாசநாதர் திருக்கோயில், கொண்டாட்டங்களும் குதூகலமுமாக இல்லாமலா இருந்திருக்கும்?!

தங்கத் தேரில் பவனி வந்த ஸ்ரீஅகிலாண்டேஸ் வரிக்கும் ஸ்ரீகயிலாசநாதருக்கும், சுமார் 60 வருடங் களுக்கு முன்பு மரத்தாலான ரிஷப வாகனம் செய்திருக்கிறார்கள்.

தினமும் பூஜைகளும் அன்னதானங்களும் விமரிசையாக நடந்துள்ளன. பின்னாளில், அவை கொஞ்சம் கொஞ்சமாகக் குறையத் துவங்கி, ஆலயம் சிதிலமுற்று, பராமரிப்பின்றி, சீர்படுத்த வழியின்றிப் பல காலம் அப்படியே கிடந்திருக்கிறது.

பன்னெடுங்காலமாக பிரமாதமான விழாக்களோ, பிரதோஷ பூஜைகளோ பெரிய அளவில் நடைபெறாமல், ஊர்மக்கள் கூட உள்ளே வந்து போக முடியாதபடிக்குப் புதர் மண்டிய நிலையில் இருந்த கோயில், சமீப காலமாகச் சீரமைக்கப்பட்டு வருகிறது. ஸ்ரீகயிலாசநாதர் இறைப்பணி மன்றத்தினர் கோயில் திருப்பணிகளில் ஈடுபட்டு வருகின்றனர்.

ஆலயம் தேடுவோம்
ஆலயம் தேடுவோம்

ஸ்ரீவிநாயகரும் ஸ்ரீசுப்ரமணியரும் கொள்ளை அழகுடன் திகழ்கின்றனர். யந்த்ர பீடத்தில் நவக்கிரக சந்நிதி இருக்க, ஸ்ரீசனீஸ்வரருக்கு தனிச்சந்நிதியும் இங்கே உண்டு. ஒரு பக்கம் துடைப்பமும், இன்னொரு பக்கம் காகக் கொடியும் கொண்டு காட்சி தரும் ஸ்ரீஜேஷ்டாதேவிக்கு தனிச்சந்நிதி உள்ளது. இவளை மனதாரப் பிரார்த்தித்தால் வீட்டைச் சூழந்துள்ள துர்தேவதைகள் ஓடிவிடுவார்கள்; வீடு சுபிட்சமாகும்; இல்லறம் செழிக்கும் என்பார்கள்!

கையில் பிரயோகச் சக்கரத்துடன் காட்சி தருகிறாள் ஸ்ரீதுர்கை. அவளின் திருப்பாதத்தின் கீழ், எருமைக்கிடாவின் தலையைக்

காணோம். ராகு காலத்தில் இவளை வணங்கினால், நம் கஷ்டத்தையெல்லாம் போக்குவாள்; நம் எதிரிகளை துவம்சமாக்குவாள் என்பது நம்பிக்கை. கல்லால மரத்தின் கீழ் அமர்ந்திருக்கும் ஸ்ரீதட்சிணாமூர்த்தியைத் தரிசித்திருப்போம். இங்கே, கல்லால மரமின்றிக் காட்சி தருகிறார், ஸ்ரீகுரு தட்சிணாமூர்த்தி.  

இத்தனை பெருமைமிக்க, ஆச்சரியங்கள் கொண்ட, மன்னர்களால் திருப்பணிகள் செய்யப்பட்ட அற்புதமான ஸ்ரீகயிலாசநாதர் கோயில், இன்றைக்குத் தனது பெருமை களை உலகுக்கு உணர்த்த முடியாதபடி, ஆச்சரியத்துக்குப் பதிலாக அதிர்ச்சியை ஏற்படுத்தும்படி, திருப்பணிக்காகக் காத்துக் கிடப்பதுதான் வேதனைக்குரிய விஷயம்!

ஸ்ரீஅகிலாண்டநாயகி குடிகொண்டிருக்கும் கோயில் இப்படி க்ஷீண நிலையில் இருப்பது அகிலத்துக்கே அடுக்காது! ஸ்ரீகயிலாசநாதரின் ஆலயத்தின் திருப்பணிக்கு நாம் கைகொடுக்காமல், வேறு யார் உதவுவார்கள்?

'இந்தக் கோயிலில் கடைசியாக எப்போது கும்பாபிஷேகம் நடந்தது?’ என்று கேட்டால், 'தெரியலியே...’ என்று உதட்டைப் பிதுக்கி, சோகம் பொங்க வருத்தம் தெரிவிக்கின்றனர், நெல்லிக்குப்பம் அன்பர்கள். இனி, இந்தக் கேள்வியை எவரேனும் கேட்டால், 'இதோ... இப்போதுதான் நடைபெற்றது’ என்று அந்த அன்பர்கள் நெஞ்சு நிமிர்த்தி, குதூகலத்துடன் சொல்லும் வகையில், நம்மால் முடிந்த உதவிகளைச் செய்வோம்; திருப்பணி வேகமுற்று, ஆலயம் பொலிவுற்று, அமோகமாக நடக்கட்டும் கும்பாபிஷேகம்!

கும்பாபிஷேகத்தில் கலந்துகொள்வதே புண்ணியம். அப்படி யிருக்க... கும்பாபிஷேகத் திருப்பணியில் பங்கேற்பது, எத்தனை பெரும் பாக்கியம்! கொஞ்சம் யோசியுங்கள்!

படங்கள்: ஜெ.முருகன்

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism