Published:Updated:

சிவசக்தி அம்சம் அன்னாபிஷேகம்!

சிவசக்தி அம்சம் அன்னாபிஷேகம்
பிரீமியம் ஸ்டோரி
சிவசக்தி அம்சம் அன்னாபிஷேகம்

அன்னாபிஷேக தினமான ஐப்பசி பௌர்ணமி நாளில் சந்திரன் மேஷ ராசியில் சஞ்சரிப்பார்.

சிவசக்தி அம்சம் அன்னாபிஷேகம்!

அன்னாபிஷேக தினமான ஐப்பசி பௌர்ணமி நாளில் சந்திரன் மேஷ ராசியில் சஞ்சரிப்பார்.

Published:Updated:
சிவசக்தி அம்சம் அன்னாபிஷேகம்
பிரீமியம் ஸ்டோரி
சிவசக்தி அம்சம் அன்னாபிஷேகம்

ப்பசி மாதத்தின் பௌர்ணமி நாளில் கொண்டாடப்படும் அன்னாபிஷேகத் திருநாளில், சுத்தமான அன்னத்தினைக் கொண்டு சிவ பெருமானுக்கு அபிஷேகம் செய்து வழிபடுவார்கள். இந்த ஆண்டு அன்னாபிஷேக விழா வரும் 31.10.2020 அன்று நடைபெற உள்ளது.

அன்னம் இறைவனின் அம்சமாக விளங்குவதாக வேதங்களும் புராணங்களும் கூறுகின்றன. அன்ன பிரம்மா, அன்ன தாதா என்றெல்லாம் ஈசனை வழிபடுகிறோம். அன்னமே உயிருக்கு ஆதாரமா கவும் விளங்குகிறது. எனவே இந்த விழா சங்க காலம் தொட்டே தொன்றுதொட்டு கொண்டாடப் படுகிறது.

ஈஸ்வரன் சூரிய வடிவம், அம்பாள் சந்திர வடிவம் என்கிறது வேதம். இதனால் சந்திரனின் தான்யமான நெல்லிலிருந்து கிடைக்கும் அரிசி, அம்பாள் அம்சம் என்றாகிறது. நெல்லிலிருந்து கிடைக்கும் அரிசியின் வடிவமாகத் திகழும் அம்பாள், ஈசனைச் சேரும் நாள் ஐப்பசி அன்னாபிஷேக நாளாக அமைகிறது. இந்தத் திருநாளில் ஈசனை தரிசிக்கும் தம்பதிகள், இல்லறத்தில் ஒற்றுமையாக வாழ்வார்கள்.

அன்னாபிஷேக தினமான ஐப்பசி பௌர்ணமி நாளில் சந்திரன் மேஷ ராசியில் சஞ்சரிப்பார். அதாவது ஐப்பசி மாதம் துலாம் ராசியில் இருக்கும் சூரியனுக்கு ஏழாம் இடத்தில் சந்திரனும், அதுபோலவே மேஷத்தில் இருக்கும் சந்திரனுக்கு ஏழாம் இடத்தில் சூரியனும் சஞ்சரிப்பார்கள். இதனால் இந்த நாள் விசேஷமான சிவசக்தி தினமாக போற்றப்படுகிறது.

சிவசக்தி அம்சம் அன்னாபிஷேகம்
சிவசக்தி அம்சம் அன்னாபிஷேகம்

புண்ணியம் தரும் துலா மாதமான ஐப்பசியில் வரும் பௌர்ணமி தினத்தில் சிவபெருமான் ஆனந்த நிலையில் யோகத்தில் ஆழ்ந்திருப்பார். அந்த நாளில் அவருக்குச் செய்யப்படும் அன்னா பிஷேகம் அபிஷேகங்களில் எல்லாம் உயர்ந்ததாகப் போற்றப்படுகிறது.

முற்காலங்களில், ஐப்பசி மாதத்தில் அடைமழை பெய்து, ஊரே வெள்ளக்காடாக இருக்கும்போது, ஊர்மக்கள் எல்லோருக்கும் அடைக்கலமாகத் திகழ்ந்தது ஆலயங்கள்தான். ஊர்மக்கள் அனைவருக்கும் தேவையான உணவைச் சமைத்து, சமைத்த உணவை இறைவனுக்கு அபிஷேகமும் நிவேதனமும் செய்து, ஊர்மக்கள் பசியாறப் பரிமாறுவார்கள். அன்று ஐப்பசி மாதம் முழுவதும் நடைபெற்ற இந்த வழிபாடு, தற்போது பௌர்ணமி தினங்களில் மட்டும் நடைபெறுகிறது.

ஒட்டுமொத்த விகடனுக்கும் ஒரே ஷார்ட்கட்!

உங்கள் அன்றாட தேவைகளின் அனைத்து பொருட்களையும் சிறந்த தள்ளுபடியில் வாங்க

VIKATAN DEALS
விகடனின் அதிரடி ஆஃபர்!
தற்பொழுது ரூ.750 சேமியுங்கள்! ரூ.1749 மதிப்புள்ள 1 வருட டிஜிட்டல் சந்தா999 மட்டுமே! மிஸ் பண்ணிடாதீங்க!Get Offer

ஐப்பசி பௌர்ணமி தினத்தில், நிலத்தில் அறுவடையான புது நெல்லைக் குத்தி, புடைத்து, அதை அவித்து வடித்து அன்னம் சமைப்பார்கள். இந்த அன்னத்தை சிவனுக்கு அபிஷேகம் செய்து, அன்னத்தாலும், காய்கனிகளாலும் அலங்காரம் செய்வார்கள். பின்னர், அந்த அன்னம் பக்தர்களுக்கு பிரசாதமாக அளிக்கப்படும். இந்த அன்னத்தைப் புசிப்பவர்கள் சகலவித பாக்கியங்களையும் பெறுவார்கள்.

பசியே எடுக்காதவர்கள், பசித்தும் வேண்டிய அளவுக்கு அன்னம் கிடைக்காதவர்கள் எல்லோரும் ‘அன்ன த்வேஷம்’ எனும் தோஷத்தால் பீடிக்கப்பட்டவர்கள் என ஞான நூல்கள் கூறும். அவர்கள் இந்நாளில் ஈசனை வழிபட்டு அன்னப் பிரசாதம் உண்டால் நலம் பெறுவார்கள்.

இந்த நாளில் அன்னமிடுவதும், அன்னாபி ஷேகத்துக்கு - சிவாலயங்களுக்கு நிவேதனப் பொருள்கள் வாங்கிக் கொடுப்பதும் பாவ - தோஷ நிவர்த்தியை அளிக்கும் என்கின்றன ஞானநூல்கள்.

தெய்வ அம்சமான அன்னத்தை வீணாக்கக் கூடாது, அது உழவர்கள் அளித்த அருட்கொடை என்பதை வலியுறுத்தவுமே ஆதி காலம் தொட்டு இந்த விழா நடத்தப்படுகிறது என்பார் கி.வா.ஜ.

‘சோறு கண்ட இடம் சொர்க்கம்’ என்ற பழமொழி ஒன்று உண்டு. அதன் அர்த்தம் ‘சோறால் அபிஷேகிக்கப்பட்ட ஈசனைக் கண்டால் சொர்க்கம்’ என்பதே என்பார் வாரியார் ஸ்வாமிகள்.

பக்தர்கள் உண்டது போக, மீதமிருக்கும் அன்னம் அந்த ஊரில் இருக்கும் குளம், ஏரிகளில் கரைத்து விடப்படும். அந்த அன்னம் மீன்களுக்கு உணவாவது மட்டுமன்றி நீரினால் உண்டாகும் நோய்களை நீக்கி விடும் என்பதும் நம்பிக்கை.

மீன்கள் பெருகினால் அந்த நீரின் மாசுக்கள் நீங்கிவிடும் என்பது அறிவியலும் கூடத்தான். இப்படி மெய்ஞ்ஞானம், விஞ்ஞானம், ஜோதிடம் என எல்லாச் சிறப்புகளையும் கொண்டது இந்த அன்னாபிஷேகத் திருவிழா!

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism