Published:Updated:

நாரதர் உலா: அம்மன் கோயிலில் முறைகேடுகள்... தீர்வு கிடைக்குமா?

இருக்கன்குடி மாரியம்மன்
பிரீமியம் ஸ்டோரி
இருக்கன்குடி மாரியம்மன்

இருக்கன்குடி மாரியம்மன் திருக்கோயில்

நாரதர் உலா: அம்மன் கோயிலில் முறைகேடுகள்... தீர்வு கிடைக்குமா?

இருக்கன்குடி மாரியம்மன் திருக்கோயில்

Published:Updated:
இருக்கன்குடி மாரியம்மன்
பிரீமியம் ஸ்டோரி
இருக்கன்குடி மாரியம்மன்
கொரோனோ முன்னெச்சரிக்கை நடவடிக்கை பற்றி அலுவலகத்தில் விவாதித்துக்கொண்டிருந்த நேரத்தில், சானிடைசரைக் கைகளில் தடவியபடியே அலுவலகத்துக்குள் நுழைந்தார் நாரதர். உள்ளே வந்தவர் குங்குமப் பிரசாதத்தை எடுத்து நீட்டினார்.

எழுந்து நின்று பயபக்தியுடன் குங்குமத்தை வாங்கி நெற்றியில் இட்டுக்கொண்டு, “நாரதரே அம்மன் கோயிலுக்குச் சென்று வருகிறீர்களா?” என்று வினவினோம்.

“ஆமாம்... ஆமாம்... இருக்கன்குடிக்குச் சென்று மாரியம்மனை தரிசித்து வந்தேன்” என்றார் நாரதர்.

“இருக்கன்குடிக்கு நீங்கள் சென்று வந்ததைப் பார்த்தால், ஏதோ விவகாரம் என்றல்லவா தோன்றுகிறது?”

நாரதர் உலா: அம்மன் கோயிலில் முறைகேடுகள்... தீர்வு கிடைக்குமா?

ஒட்டுமொத்த விகடனுக்கும் ஒரே ஷார்ட்கட்!

“ஆமாம்... சரியாகக் கணித்துவிட்டீர். இருக்கன்குடி மாரியம்மன் கோயிலில் பல வகையிலும் முறைகேடுகள் நடப்பதாகக் கேள்விப்பட்டு அங்கு விரைந்தோம்... ” என்றார் நாரதர்.

விகடனின் அதிரடி ஆஃபர்!
தற்பொழுது ரூ.800 சேமியுங்கள்! ரூ.1749 மதிப்புள்ள 1 வருட டிஜிட்டல் சந்தா949 மட்டுமே! மிஸ் பண்ணிடாதீங்க!Get Offer

“பக்தர்களும் நிர்வாகிகளும் என்ன கூறுகிறார்கள்?”

“தென்மாவட்டங்களில் உள்ள பிரசித்தி பெற்ற தலங்களில் ஒன்று, இருக்கன்குடி மாரியம்மன் கோயில். விருதுநகர் மாவட்டத்தில் ஶ்ரீவில்லிபுத்தூர் ஆண்டாள் கோயிலுக்கு அடுத்தபடியாக இருக்கன்குடி மாரியம்மன் கோயில்தான் சிறப்பு மிக்கது.

கோயிலுக்குச் சாதாரண நாள்களில் ஆயிரம் முதல் இரண்டாயிரம் பக்தர்களும்; செவ்வாய், வெள்ளிக்கிழமைகளில் சுமார் ஐந்தாயிரம் முதல் எட்டாயிரம் பக்தர்களும்; ஞாயிற்றுக் கிழமைகளில் சுமார் பத்தாயிரம் பக்தர்களும் வந்து செல்கிறார்கள்.

இருக்கன்குடி மாரியம்மன்
இருக்கன்குடி மாரியம்மன்

ஆனால், பக்தர்களுக்குச் செய்யப்பட்டுள்ள வசதிகள் எல்லாம் குறைவாகவே இருக்கின்றன. இவ்வளவு பக்தர்கள் வந்து செல்லும் தலத்தில் தங்கும் வசதி குறைவுதான். கோயில் நிர்வாகத்துக்குச் சொந்தமான ‘பராசக்தி தங்கும் விடுதி’யில் மொத்தமே 24 அறைகள்தான் உள்ளன. அவற்றில், கோயில் பாதுகாப்பு போலீஸார் மற்றும் கோயில் பணியாளர்கள் தங்குவதற்கும் சாமான்கள் வைப்பதற்கும் 8 அறைகளை ஒதுக்கிவிட்டார்கள். மீதமுள்ள 16 அறைகள் மட்டுமே தற்போது வாடகைக்கு விடப்படுகின்றன. இந்த 16 அறைகளையும் பக்தர்களின் தேவைக்காக மட்டுமே வாடகைக்கு விடவேண்டும் என்பது விதி. ஆனால், அவை பக்தர்களுக்கு ஒதுக்கப்படுவது இல்லை என்று ஆதங்கப்படுகிறார்கள் பக்தர்கள்.''

``வேறு யாருக்குக் கொடுக்கப்படுகின்றன வாம்?''

``கோயிலைச் சுற்றியுள்ள சமையல் பாத் திரங்கள் வாடகைக்கு விடும் கடைக்காரர்கள் சிலரின் கைவசம்தான் இந்தப் பதினாறு அறை களும் இருக்கின்றன. அந்தக் கடைகளில் சமையல் பாத்திரங்கள் வாடகைக்கு எடுத்து இரண்டு, மூன்று நாள்கள் தங்கி சமையல் செய்யும் ஆள்களுக்குத்தான் அறைகள் வாடகைக்கு விடப்படுகின்றனவாம். குறிப்பிட்ட நபர்கள் அறைகள் பெற்றுத் தரும் புரோக்கர்களாகவும் செயல்படுகிறார்கள்.

இருக்கன்குடி மாரியம்மன்
இருக்கன்குடி மாரியம்மன்

இதனால் கோயிலுக்கு வரும் பக்தர்கள் பிராகாரத்திலும், மரத்தடியிலும்தான் தங்கவேண்டி இருக்கிறது. அவர்களின் உடைமைகளுக்கும் எந்த விதத்திலும் பாதுகாப்பு இல்லை. அதேபோல், வந்து செல்லும் பக்தர்களின் எண்ணிக்கைக்கு ஏற்ப குடிநீர் வசதியோ, கழிப்பறை வசதியோ போதுமானதாக இல்லை. இரவு நேரங்களில் கழிப்பறைக்குச் செல்லும் பாதையில் சரியான மின்சார விளக்குகள் கிடையாது. இப்படி பல்வேறு குற்றச்சாட்டை முன்வைக்கிறார்கள் பக்தர்கள்” என்றார்.

“கோயிலில் முறைகேடு நடப்பதாகக் கூறினீர்களே, அது என்ன பிரச்னை?”

“கோயிலில் மாத உண்டியல் வருமானம் மட்டுமே சராசரியாக 25 லட்சம் முதல் 40 லட்சம் வரை வருகிறது என்கிறார்கள். இதுபோக சிறப்பு தரிசனம், மொட்டையடித்தல், காதுகுத்து, பிரசாத ஸ்டால் ஆகியவை மூலம் கிடைக்கும் வருமானம் தனி. இவற்றில்தான் முறைகேடுகள் நடைபெறுகின்றனவாம்.

மொட்டை போடுவதற்கு கோயில் நிர்வாகம் நிர்ணயித்துள்ள ரூ.30-க்கான கட்டணச் சீட்டு வாங்கினாலும், அதுபோக நூறு ரூபாய் வரையிலும் அதிகமாகப் பெற்றுக் கொள்கிறார்களாம். காது குத்துவதற்குக் கோயில் கட்டணம் நாற்பது ரூபாய். அதற்கும் 200 ரூபாய் வரை அதிகம் வசூலிக்கிறார்களாம்.

முப்பது ரூபாய் மதிப்பிலான ஒரே சிறப்பு தரிசன வரிசைதான் இங்கு. அதற்கான ரசீது வாங்கிச் சென்றால், அம்மன் சந்நிதிக்கு அருகில் செல்லும்போது, அவற்றை வாங்கி முறைப்படி பஞ்சிங் செய்யும் பணியாளர்கள், பெரும்பாலான ரசீதுகளை வாங்கி வைத்துக் கொண்டு, அடுத்த சில மணி நேரங்களில் அவற்றை மீண்டும் புதிய ரசீதுகளாக விநியோகிக்கிறார்களாம். இப்படி, தரிசன டிக்கெட்டிலேயே மிகப்பெரிய அளவுக்கு முறைகேடு நடக்கிறது.

அதேபோல், பக்தர்கள் பேருந்திலிருந்து இறங்கியதுமே அவர்களைக் குறிப்பிட்ட சிலர் சூழ்ந்துகொண்டு வெளிப்படையாகவே வி.ஐ.பி தரிசனத்துக்குப் பேரம் பேசுகிறார்கள். பேரத்துக்குப் படியும் அன்பர்கள் அமைச்சர்கள், எம்.எல்.ஏக்கள், ஆளுங்கட்சிப் பிரமுகர்கள் பெயரில் தரிசனத்துக்கு அழைத்துச் செல்லப் படுகிறார்கள். இதனால் வரிசையில் நிற்கும் பக்தர்கள் நீண்ட நேரம் காத்திருக்கவேண்டிய நிலை!'' என்று ஆதங்கப்பட்ட நாரதர் மேலும் தொடர்ந்தார்.

இருக்கன்குடி மாரியம்மன்
இருக்கன்குடி மாரியம்மன்

``அம்மன் கழுத்தில் இருக்கும் எலுமிச்சம் பழ மாலைகள் பெரும் தொகைக்குக் கோயிலைச் சேர்ந்தவர்களால் விற்கப்படுவதாகவும் புகார் சொல்கிறார்கள் உள்ளூர் பக்தர்கள். அதேபோல், பக்தர்களால் அம்பாளுக்குச் சமர்ப்பிக்கக் கொடுக்கப்படும் பூமாலைகளும் எலுமிச்சை மாலைகளும் அடுத்த சில மணி நேரங்களில் கடைகளுக்கே திருப்பி விற்பனைக்கு அனுப்பப்படுகின்றன. இதிலும் கமிஷன் பார்த்துவிடுகிறார்களாம்!”

“கோயில் தரப்பில் இந்தக் குற்றச்சாட்டுகள் குறித்து விசாரித்தீரா?”

“விசாரிக்காமல் இருப்பேனா. இதுகுறித்து கோயில் அதிகாரிகளிடம் பேசினோம். `பக்தர்கள் தங்குவதற்கான கூடுதல் அறைகள், மண்டபங்கள் கட்டுவது குறித்து அரசின் கவனத்திற்குத் தெரியப்படுத்தியுள்ளோம். தரிசனக் கட்டண வரிசையில் முறையாக டிக்கெட் பெற்றவர்கள் மட்டுமே அனுமதிக் கப்படுகிறார்கள். கூடுதல் குடிநீர் வசதிகள் செய்வதற்கான பணிகள் நடைபெற்று வருகின்றன. முடி எடுத்தல், காது குத்துவது ஆகியவற்றுக்கெல்லாம் கோயில் ரசீதே போதுமானது. கூடுதல் பணம் கொடுக்கத் தேவையில்லை. நீங்கள் குறிப்பிடும் புகார் குறித்து விசாரணை மேற்கொண்டு தகுந்த நடவடிக்கை எடுக்கப்படும்’ என்றார்கள்.

அம்மனைத் தேடி வரும் பக்தர்களுக்கு வேண்டிய வசதிகளை கோயில் நிர்வாகம் ஏற்படுத்தித் தரவேண்டும் என்பதே அனைவருடைய விருப்பம். அதற்கு அம்மன்தான் அருள்புரிய வேண்டும்” என்றபடியே, நம்மிடம் விடைபெற்றுக் கொண்டார் நாரதர்.

-உலா தொடரும்...