Published:Updated:

ஓவியம் சொல்லும் காவியம்!

திருமணஞ்சேரி உத்வாகநாதர்
பிரீமியம் ஸ்டோரி
திருமணஞ்சேரி உத்வாகநாதர்

சிவபெருமான் உமாதேவியை மணம் புரிந்த தலம் இது.

ஓவியம் சொல்லும் காவியம்!

சிவபெருமான் உமாதேவியை மணம் புரிந்த தலம் இது.

Published:Updated:
திருமணஞ்சேரி உத்வாகநாதர்
பிரீமியம் ஸ்டோரி
திருமணஞ்சேரி உத்வாகநாதர்
திருவக்கரை - வக்ர காளியம்மன் கோயில்
திருவக்கரை - வக்ர காளியம்மன் கோயில்

மூவரும் ஒருவராய்...

விழுப்புரம் அருகே உள்ளது திருவக்கரை - வக்ர காளியம்மன் கோயில். பிரசித்திபெற்ற இந்தத் திருக்கோயிலில் மும்முக லிங்கமாகக் காட்சியளிக்கிறார் சந்திர மௌலீஸ்வரர். அரவு குடைபிடிக்க... பிரம்மா, விஷ்ணு, சிவன் மூவரும் சேர்ந்த ஓர் உருவாகக் காட்சியளிக்கிறார்.

ஒட்டுமொத்த விகடனுக்கும் ஒரே ஷார்ட்கட்!

விகடனின் அதிரடி ஆஃபர்!
தற்பொழுது ரூ.800 சேமியுங்கள்! ரூ.1749 மதிப்புள்ள 1 வருட டிஜிட்டல் சந்தா949 மட்டுமே! மிஸ் பண்ணிடாதீங்க!Get Offer
திருச்சி மலைக்கோட்டை - ஸ்ரீதாயுமானவர் ஸ்வாமி கோயில்
திருச்சி மலைக்கோட்டை - ஸ்ரீதாயுமானவர் ஸ்வாமி கோயில்

ஈசனின் ஆடல் காணீரோ...

திருச்சி மலைக்கோட்டை - ஸ்ரீதாயுமானவர் ஸ்வாமி கோயிலின் சித்திர மண்டபம், சிற்ப வேலைப்பாடுகளால் நிறைந்தது. இங்குள்ள கல் சங்கிலிகள், கல் உருண்டையைத் தன் வாயில் கொண்டிருக்கும் யாளி முதலியவை மிக அழகு. இங்கு தூண் சிற்பம் ஒன்று உண்டு. காலடியில் அசுரன், கைகளில் மான் - மழு - உடுக்கை, மேனியில் அரவம் மற்றும் அணிகலன்கள் துலங்க ஒற்றைக் கால் தூக்கி ஆடுகிறார் பரமேஸ்வரன். அவரைத் தொழுதபடி நிற்கிறார் பிரம்மன். கலைத் திறனுக்கு எடுத்துக்காட்டாகத் திகழ்கிறது இந்தச் சிற்பம்.

வேதகிரீஸ்வரர்
வேதகிரீஸ்வரர்

திருக்கழுக்குன்றத்தில்...

வேதமே மலையாக நின்ற இடம் திருக்கழுக்குன்றம். இங்கு, மலை மேல் வேதகிரீஸ்வரர், லிங்க வடிவ சுயம்பு மூர்த்தியாக அருள்புரிகிறார். மூலவருக்குப் பின்னே அபிராமியம்மை, முருகன் சமேதராக சோமாஸ்கந்த கோலத்தில் பெருமானின் உருவத் திருமேனியும் உள்ளது. வெண்கொற்றக் குடை, சங்கு சக்கரத்துடன் நாராயணனும் எழுந்தருளியுள்ளார். நாராயணன் இங்கு சிவபெருமானை பூஜிப்பதாக ஐதிகம்.

ஸ்ரீஉத்வாகநாதர்
ஸ்ரீஉத்வாகநாதர்

திருமணஞ்சேரி உத்வாகநாதர்

யிலாடுதுறையிலிருந்து 15 கி.மீ தொலைவில் உள்ளது திருமணஞ்சேரி. சிவபெருமான் உமாதேவியை மணம் புரிந்த தலம் இது. இந்தத் தலத்தின் மூலவராக ஸ்ரீஉத்வாகநாதர் அருள்புரிகிறார். சிற்ப விதிகள் அத்தனையும் கடைப்பிடிக்கப்பட்டு நுணுக்கமாக வடிக்கப்பட்ட சிவலிங்கம் இது. இவரைத் தரிசித்தால் திருமண வரம் ஸித்திக்கும்.

யானைபுரி போர்த்த மூர்த்தி
யானைபுரி போர்த்த மூர்த்தி

யானைபுரி போர்த்த மூர்த்தி

கோவை பேரூர், பட்டீஸ்வரத்தில் அருளும் யானைபுரி போர்த்த மூர்த்தி இவர். கஜாசுரனை வதைத்து, அவன் தோலை உரித்து, ஆடையாக அணிந்தபடி நிற்கிறார் சிவபெருமான். திருமுக தீட்சண்யம், ஆபரண அலங்காரம் எனக் காண்போரை வியக்கவைக்கும் சிற்ப அற்புதம் இது!

திருவான்மியூர் மருந்தீஸ்வரர்
திருவான்மியூர் மருந்தீஸ்வரர்

பிணிக்கு மருந்தானவன்...

திருவான்மியூர் மருந்தீஸ்வரர் கோயில் மிகப் பழைமையானது. நோய் தீர்க்கும் மருந்துகளை அகத்தியருக்கு அருளியதால் மருந்தீஸ்வரர்; வான்மீகி பூஜித்ததால் வான்மீகநாதர்; வேதங்கள் வழிபட்டதால் வேதபுரீஸ்வரர் என்று பல்வேறு பெயர்கள் இத்தல ஈசனுக்கு உண்டு. இங்கு அருளும் மூலவர் சுயம்பு லிங்கம். பால்வண்ணநாதர் என்ற பெயரும் உண்டு. இந்த லிங்கத்தில் காமதேனுவின் கால் குளம்புகள் ஏற்படுத்திய வடு காணப்படுகிறது.