Published:Updated:

சப்பரத்தடி கருப்பண்ணசாமி!

கருப்பண்ணசாமி
பிரீமியம் ஸ்டோரி
News
கருப்பண்ணசாமி

கருப்பண்ணசாமியின் அருள் சாந்நித்தியத்தை விளக்கும் சம்பவம் ஒன்று உண்டு

துரை- தல்லாகுளத்தில், தமுக்கம் மைதானம் எதிரே உள்ளது சப்பரத்தடி கருப்பண்ணசாமி கோயில்.

அழகர் கோயிலிலுள்ள பதினெட்டாம்படி கருப்பு தான் இவர் என்கிறார்கள் பக்தர்கள். கள்ளழகரும் தல்லா குளம் பிரசன்ன வேங்கடேசபெருமாளும் விழாக் காலங்களில் இவரின் சந்நிதிக்கு வந்து செல்வார்கள்.

இந்தக் கருப்பண்ணசாமியின் அருள் சாந்நித்தியத்தை விளக்கும் சம்பவம் ஒன்று உண்டு.

வெள்ளையர் ஆட்சிக் காலம். மதுரை கலெக்டராக இருந்த துரை ஒருவர் குதிரையில் வந்தபோது, எதிரில் சப்பரத்தடி கருப்பண்ண சாமி கோயில் பூசாரியும் குதிரையில் வர, ‘எனக்குச் சமமாக குதிரையில் வருகிறானே’ என்று கோபமானார் துரை.

உங்கள் அன்றாட தேவைகளின் அனைத்து பொருட்களையும் சிறந்த தள்ளுபடியில் வாங்க

VIKATAN DEALS
கருப்பண்ணசாமி
கருப்பண்ணசாமி

விளைவு... பூசாரிக்கு ஆயிரம் சவுக்கடிகள்! ஓடிவந்து கருப்பண்ணசாமியிடம் முறையிட்டார் பூசாரி. மறுநாள்... வெள்ளைக்கார துரையின் மனைவிக்கு உடல் முழுவதும் திடீரென எரிச்சல் பரவியது. அவள் கர்ப்பிணி வேறு. துடித்தாள். எரிச்சல், எந்த மருந்துக்கும் கட்டுப்படவில்லை. பிறகு, ‘கருப்பண்ணசாமியின் கோபம் இது’ என உணர்ந்த துரை, அவரின் சந்நிதிக்குச் சென்று மன்னிப்பு வேண்டினார். அவருடைய மனைவியும் குணமானாள்.

இத்தனை உக்கிரமானவர் கருப்பண்ண சாமி. ஆனால், இப்போது சாந்த சொரூபராக அருள்பாலிக்கிறார். ‘உடலில் நோய், வீண் பயம், மன அழுத்தம், தீயசக்தி ஏதும் அண்டாதபடி காவல் இருப்பாராம் கருப்பண்ணசாமி. உடலும் மனமும் உறுதியானால் செய்யும் காரியங்கள் அனைத்தும் வெற்றியில்தானே முடியும். மதுரைக்குச் செல்லும்போது இவரையும் தரிசித்து வழிபட்டு வாருங்கள்; படிப்பு, தொழில் முதலாக சகலத்திலும் வெற்றிபெற அருள்புரிவார், மதுரை சப்பரத்தடி கருப்பண்ணசாமி!

- கோகுல ரமணன், மதுரை