Published:Updated:

இந்தியாவுக்கு 176 ரன் வெற்றி இலக்கு: ரஹானே உலக சாதனை!

Vikatan Correspondent
இந்தியாவுக்கு 176 ரன் வெற்றி இலக்கு: ரஹானே உலக சாதனை!
இந்தியாவுக்கு 176 ரன் வெற்றி இலக்கு: ரஹானே உலக சாதனை!

காலே: காலேயில் நடந்து வரும் முதல் டெஸ்ட் கிரிக்கெட் போட்டியில் இந்திய அணிக்கு 176 ரன்களை வெற்றி இலக்காக நிர்ணயித்துள்ளது இலங்கை அணி. அஸ்வின் அபாரமாக பந்துவீசி 4 விக்கெட்டுகளை கைப்பற்றினார். ரஹானே 8 கேட்சுகளை பிடித்து உலக சாதனை படைத்துள்ளார்.
 

இந்தியாவுக்கு 176 ரன் வெற்றி இலக்கு: ரஹானே உலக சாதனை!

முதல் இன்னிங்சில் இலங்கை அணி 183 ரன்களுக்கு ஆட்டம் இழந்தது. அதிகபட்சமாக மேத்யூஸ் 64 ரன்களும், சண்டிமால் 59 ரன்களும் எடுத்தனர். இந்திய வீரர் அஸ்வின் அபாரமாக பந்துவீசி 6 விக்கெட்டுகளை கைப்பற்றினார்.

இதைத் தொடர்ந்து விளையாடிய இந்திய அணி, முதல் இன்னிங்சில் 375 ரன்கள் குவித்தது. தொடக்க வீரர் தவான் (134), கேப்டன் கோலி (103) ஆகியோர் சதம் அடித்தனர். சஹா 60 ரன் விளாசினார். இந்திய அணி 192 ரன்கள் முன்னிலை பெற்றது. இலங்கை தரப்பில் குஷால் 5 விக்கெட்டுகளை வீழ்த்தினார்.

பின்னர் இரண்டாவது இன்னிங்சை தொடர்ந்த இலங்கை அணி,  367 ரன்கள் குவித்தது. சண்டிமால் அபாரமாக விளையாடி, 162 ரன்கள் எடுத்தார். சங்கக்கரா 40 ரன்களும், மேத்யூஸ் 39 ரன்களும், திரிமேனி 44 ரன்களும், முபாரக் 49 ரன்களும் எடுத்தனர்.

இந்திய வீரர் அஸ்வின் 4 விக்கெட்டுகளையும், மிஸ்ரா 3 விக்கெட்டும், ஹர்பஜன், ஆரோன், இசாந்த் சர்மா தலா ஒரு விக்கெட்டையும் கைப்பற்றினர்.

பின்னர் 176 ரன்கள் எடுத்தால் வெற்றி என்ற இலக்குடன் இந்திய அணி களம் இறங்கி விளையாடியது. ராகுல் மீண்டும் சொதப்பினார். 5 ரன்னில் ஹெராத் பந்தில் ஆட்டம் இழந்தார். இதைத் தொடர்ந்து இசாந்த் சர்மா களம் இறங்கினார். ஆட்ட நேர முடிவில் இந்திய அணி, ஒரு விக்கெட்டை இழந்து 23 ரன்கள் எடுத்தது. நாளை 4வது நாள் ஆட்டம் தொடர்கிறது.

டெஸ்ட் போட்டியில் 8 கேட்சுகளை பிடித்து ரஹானே உலக சாதனை

இந்தியாவுக்கு 176 ரன் வெற்றி இலக்கு: ரஹானே உலக சாதனை!



இந்த போட்டியில் இந்திய அணி சார்பில் ரஹானே 8 கேட்சுகளை பிடித்து உலக சாதனை படைத்துள்ளார். விக்கெட் கீப்பர் இல்லாமல் ஒருவர் டெஸ்ட் போட்டியில் 8 கேட்சுகளை பிடித்த வீரர் என்கிற சாதனையை நிகழ்த்தி உள்ளார் ரஹானே. முதல் இன்னிங்ஸில் 3 கேட்சுகளையும், இரண்டாவது இன்னிங்ஸில் 5 கேட்சுகளையும் பிடித்துள்ளார். இதற்கு முன்பு இங்கிலாந்தை சேர்ந்த கிரக் சேப்பல் 7 கேட்சுகள் பிடித்ததுதான் சாதனையாக இருந்தது.