Published:Updated:

டாஸ்க் மேனேஜர் ஆப்ஸ்!

டாஸ்க் மேனேஜர் ஆப்ஸ்!
பிரீமியம் ஸ்டோரி
டாஸ்க் மேனேஜர் ஆப்ஸ்!

ஞா.சுதாகர்

டாஸ்க் மேனேஜர் ஆப்ஸ்!

ஞா.சுதாகர்

Published:Updated:
டாஸ்க் மேனேஜர் ஆப்ஸ்!
பிரீமியம் ஸ்டோரி
டாஸ்க் மேனேஜர் ஆப்ஸ்!
டாஸ்க் மேனேஜர் ஆப்ஸ்!

டுடூயிஸ்ட் Todoist

‘இந்த நேரத்துக்கு இந்த வேலை’ என டைரியில் குறிப்பெடுத்ததெல்லாம் எம்.கே.டி காலம். அனைத்து வேலைகளையும், கூகுள் காலண்டரில் குறித்துவைப்பதுதான் தற்போதைய ட்ரெண்ட். அதனை இன்னும் எளிமையாகவும், நேர்த்தியாகவும் செய்ய உதவும்  ஒரு ஆப்தான் இந்த டுடூயிஸ்ட்.

டாஸ்க் மேனேஜர் ஆப்ஸ்!

ஒட்டுமொத்த விகடனுக்கும் ஒரே ஷார்ட்கட்!


வீட்டு விசேஷமாக இருக்கட்டும் அல்லது அலுவலக நிகழ்ச்சியாக இருக்கட்டும், எதைச் சிறப்பாகச் செய்ய வேண்டுமென்றாலும், அதற்காகப் பல சின்ன சின்ன வேலைகளைத் திட்டமிட்டுச் செய்ய வேண்டியதிருக்கும்.

உதாரணமாக, உங்கள் வீட்டில் ஒரு விசேஷம் என்றால், இனிப்புகள் வாங்குவது, துணிகள் எடுப்பது, உறவினர்களை அழைப்பது, ஷாப்பிங் செல்வது என நிறைய வேலைகள் இருக்கும். எதை, எப்போது செய்வது என நினைவில் வைத்துக்கொள்வதும், திட்டமிட்ட நேரத்தில் சரியாக வேலையைச் செய்து முடிப்பதுமே பலருக்கும் கடினமான வேலையாக இருக்கும். இந்தப் பிரச்னைக்குக் கைகொடுக்கவே இது போன்ற டாஸ்க் மேனேஜர் ஆப்ஸ்கள் உதவுகின்றன.

இதனை இன்ஸ்டால் செய்தவுடன் ஃபேஸ்புக் அல்லது கூகுள் அக்கவுன்ட் மூலமாக லாக்-இன் செய்ய வேண்டும். பின்னர் உங்கள் பணிகளைத் தொடங்கலாம். கூகுளின் ஜிமெயில் சேவை போலவே தோற்றமளிக்கும் இந்த ஆப், ஆரம்பத்தில் பயன்படுத்துவதற்குக் கொஞ்சம் கடினமாகவே இருக்கிறது. எனவே, ஆப்ஷன்களைத் தேடித் தேடித்தான் பயன்படுத்த வேண்டும். இதில் அடிப்படையான அம்சங்களை இலவசமாகப் பயன்படுத்த முடிந்தாலும், நிறைய ஆப்ஷன்களுக்குப் பணம் கட்டிப் பயன்படுத்தும் பிரீமியம் பயனாளாராக வேண்டியிருக்கிறது. இதுவெல்லாம் இதன் மைனஸ்.

அதேபோல, நம்முடைய டாஸ்க் விவரங்கள் அனைத்தும் இணையத்தில் சிங்க் செய்யப்படுவ தால், மொபைலில் பார்க்கும் விஷயங்களைக் கணினி, டேப்லெட் போன்றவற்றிலும் பார்த்துக் கொள்ளலாம். நம் அலுவலக வேலையாக இருந்தாலும் சரி, மாதம்தோறும் கரண்ட் பில் கட்டுகிற மாதிரியான நம் தனிப்பட்ட வேலையாக இருந்தாலும் சரி, எதை வேண்டுமானாலும் குறித்து வைத்துக்கொண்டு செய்ய முடியும். இதில், செய்து முடித்த மற்றும் முடிக்காத வேலைகளைத் தனித்தனியாகப் பிரித்துப் பார்க்கவும் முடியும். மொத்தத்தில் நிறைய வேலைகளைத் திட்டமிட்டுச் செய்பவர்களுக்கு பயனுள்ள ஓர் ஆப்-ஆகவே இருக்கிறது இந்த டுடூயிஸ்ட்.

டு டூ லிஸ்ட் To Do List

டாஸ்க் மேனேஜர் ஆப்ஸ்!



டுடூயிஸ்ட் போலவே,  டு டூ லிஸ்ட் ஆப்பும் ஒரு டாஸ்க் மேனேஜர்தான்.  அளவில் சிறிதாகவும், பயன்படுத்த எளிமையாகவும் இருக்கிறது இந்த ஆப்.

இதனைப் பயன்படுத்துவதற்கு மின்னஞ்சல் அல்லது ஃபேஸ்புக் அக்கவுன்ட் தேவையில்லை. இதனை இன்ஸ்டால் செய்தவுடனே பயன்படுத்தத் தயாராகிவிடுகிறது இந்த ஆப். இணையம் இல்லாமலேகூட இதில் டாஸ்க்குகளைக் கையாள முடியும். இதிலிருக்கும் இன்னொரு சிறப்பு, உங்களின் குரல் மூலமாகவே டாஸ்க்குகளை உருவாக்கலாம். இதற்காக உங்கள் போனின் கூகுள் வாய்ஸ் சர்ச் வசதியைப் பயன்படுத்திக் கொள்கிறது டு டூ லிஸ்ட். என்ன வேலை, எந்தப் பிரிவு, எந்த நேரம் என்பதை மட்டும் குறிப்பிட்டு எளிதாக வேலைகளை இதில் பதிந்துகொள்ளலாம். எனவே, நிறைய வேலைகளை நிர்வகிக்கவும் இது எளிதாக இருக்கிறது. இதுபோக, ஆப்-ஐ கையாள்வதற்கான விட்ஜெட்களும் கிடைக்கின்றன. இதன் மூலம் ஆப்-ஐ திறக்காமலேகூட டாஸ்க்குகளைக் கையாள முடியும்.

உங்களுக்குத் தேவையென்றால் மட்டுமே கூகுள் அக்கவுன்டுடன் இந்த ஆப்பினை சிங்க் செய்து கொள்ளலாம். மேலும், உங்கள் வேலைகளை வாட்ஸ்அப், மெசேஜ், ஃபேஸ்புக், ட்விட்டர் போன்றவற்றில் பகிர்ந்துகொள்ளவும் முடியும். விரைவாகக் கையாள முடிவதும், எளிதான ப்ஷன்கள் இருப்பதும்தான் இந்த ஆப்பின் ப்ளஸ். எனவே, இதனைப் புதியவர்கள்கூட எளிதாகக் கையாள முடியும். ஆனால், மொபைல் தவிர்த்து வேறு எங்கும் இந்தத் தகவல்களைக் கையாள முடியாது என்பது மட்டும் சிறிய குறை. மற்றபடி நல்ல டாஸ்க் மேனேஜர் ஆப்-ஆக இருக்கிறது இந்த டு டூ லிஸ்ட்.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism