Published:Updated:

கணிதத்துக்கு கலக்கல் ஆப்ஸ்!

ஒட்டுமொத்த விகடனுக்கும் ஒரே ஷார்ட்கட்

Use App
கணிதத்துக்கு கலக்கல் ஆப்ஸ்!
கணிதத்துக்கு கலக்கல் ஆப்ஸ்!

கருப்பு

பிரீமியம் ஸ்டோரி

மொபைல் போனில் கேம்ஸ் விளையாடினால் உங்கள் வீட்டில் குறைசொல்கிறார்களா?! உங்கள்

கணிதத்துக்கு கலக்கல் ஆப்ஸ்!

பெற்றோரிடம் இந்த கேம்களை மொபைலில் இன்ஸ்டால் செய்யச்சொல்லுங்கள். அவர்கள் இனி எந்தக் குறையும் சொல்லமாட்டார்கள். காரணம்... வெறும் பொழுதுபோக்கைத் தாண்டி இவை மூலம் எளிதாகக் கணக்குப் பாடத்தைக் கற்றுக்கொள்ளமுடியும். பொதுவான கற்றல் முறைகளைவிட லேர்னிங் ஆப்ஸ் (Learning Apps) மூலம், குழந்தைகள் சில விஷயங்களை மிக எளிதாகக் கற்றுக்கொள்வதாக ஆய்வுகள் தெரிவிக்கின்றன. கணக்குப் பாடத்தில் இனி நீங்கள் கில்லி ஆகலாம்.

மெமராடோ - ப்ரெய்ன் கேம்ஸ் (Memorado - Brain Games)

மூளையைச் சுறுசுறுப்பாக்க நினைப்பவர்கள் இந்த கேம் விளையாடலாம். 4*2=8 இது சரியா? தவறா? எனக்கேட்டால் எளிதாக சொல்லிவிடுவோம்தானே! ஆனால், இதை எவ்வளவு சீக்கிரம் விடையளிக்கிறீர்கள் என்பதைப் பொறுத்து பாய்ன்ட் வழங்குகிறது இந்த கேம்.

கணிதத்துக்கு கலக்கல் ஆப்ஸ்!
கணிதத்துக்கு கலக்கல் ஆப்ஸ்!

இதனால் உங்கள் மூளையானது விரைவில் விடையளிக்க வேண்டுமென அலர்ட் ஆகிவிடும். இதேபோல், இதில் மொத்தம் 15 வகையான கேம்களும், 450 லெவல்களும் இருக்கின்றன. ஒவ்வொரு லெவல் முடிந்ததும், வெறும் பாய்ன்ட்களை மட்டும் காட்டாமல், தவறாக விடையளித்த கேள்விகளின் சரியான பதில் உட்பட அனைத்தையும் சின்ன ரிப்போர்ட்டாகத் தந்துவிடுகிறது. பொழுதுபோக்கு, கணிதத்தைக் கற்றுக் கொள்வது, மூளையைச் சுறுசுறுப்பாக வைத்துக் கொள்வது என இந்த கேமினால் ஒரே கல்லில் மூன்று மாங்காய்களைக் குறிவைத்து அடிக்கலாம். ரெடியா குட்டீஸ்!

ஆண்ட்ராய்டு லிங்க் : http://bit.ly/1ISQyaP

ஸ்லைஸ் ஃப்ராக்‌ஷன்ஸ்  (Slice Fractions)

ஒரு குட்டி யானை... அது செல்லும் வழியில் தடைகளாக இருக்கும் பனிக்கட்டிகளை நெருப்பை உமிழும் எரிமலைக் குழம்புப் பாறைகளால் உடைத்து, யானைக்கு வழி காண்பிக்க வேண்டும். இதுதான் இந்த விளையாட்டின் விதிமுறை. ஆனால், நெருப்பை உமிழும் பாறைகளை, சரியான அளவில் சின்னச்சின்ன கணக்குப்போட்டு உடைக்க வேண்டும்.

கணிதத்துக்கு கலக்கல் ஆப்ஸ்!
கணிதத்துக்கு கலக்கல் ஆப்ஸ்!

கணக்கு தப்பினால் யானை செல்ல வழி உருவாகாமல் அதே இடத்திலேயே நிற்கும். உதாரணத்துக்கு நான்கில் ஒரு பங்கு அளவில் இருக்கும் பனிப்பாறையை உடைக்க வேண்டுமென்றால், மேலே தொங்கும் அதே அளவுள்ள நெருப்புப் பாறையைத் தேர்ந்தெடுத்து அதனால் உடைக்கவேண்டும். இதேபோல விகிதம், கூட்டல், ஒப்பீடு போன்றவற்றின் மூலம் அடுத்தடுத்த லெவல்களில் இந்த கேமை விளையாட வேண்டும். யானைக்கு வழி காட்டக் கிளம்பிட்டீங்களா!

ஆண்ட்ராய்டு லிங்க் : http://bit.ly/1tr1yn5

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism
அடுத்த கட்டுரைக்கு