Published:Updated:

கொளுத்தும் வெயிலுக்கு 'குளுகுளு' கேட்ஜெட்ஸ்!

கொளுத்தும் வெயிலுக்கு  'குளுகுளு' கேட்ஜெட்ஸ்!
கொளுத்தும் வெயிலுக்கு 'குளுகுளு' கேட்ஜெட்ஸ்!

கொளுத்தும் வெயிலுக்கு 'குளுகுளு' கேட்ஜெட்ஸ்!

ள்ளிக்குழந்தைகளுக்கு விட்ட மாதிரி சம்மருக்கு லீவ் விட்டுட்டா என்ன என பெரியவர்களையும் யோசிக்க வைக்கும் அளவிற்கு அக்னி நடசத்திரம் தொடங்கும் முன்னரே அனலை கக்குகிறது வெயில். அந்த கொளுத்தும் வெயிலில் இருந்து தற்காத்துக் கொள்ளவும் கேட்ஜெட்களை அடுக்கி வைக்கிறது டெக் சமூகம். 
USB Fan:
கொளுத்தும் வெயிலுக்கு  'குளுகுளு' கேட்ஜெட்ஸ்!
ஆறாம் விரலாய் பேனா இருந்த காலம் போய் இப்போது மூன்றாம் கையாய் ஸ்மார்ட்போன் தவழ்கிறது எல்லாரிடமும். இனி நீங்கள் உங்கள் ஸ்மார்ட்போன் வழியாகவே காத்து வாங்கலாம். Skyleo USB fan-ஐ வாங்கி உங்கள் மொபைலில் மாட்டிக்கொண்டால் போதும். ஜில் காற்று முகத்தை கொஞ்சும். அமேசானில் இதன் விலை வெறும் 300 ரூபாய்தான். ஜெயலலிதாவே பிரசாரத்தின் போது கையடக்க ஃபேனைதான் பயன்படுத்துகிறார் என்பது கூடுதல் தகவல்.
Fan cap:
கொளுத்தும் வெயிலுக்கு  'குளுகுளு' கேட்ஜெட்ஸ்!
சுட்டெரிக்கும் வெயிலில் மண்டை காய்பவர்களுக்கான சாதனம் இது. Solar powered Fan cap. பெயரை பார்த்தாலே தெரிந்திருக்குமே. பல்வேறு அளவுகளில் கிடைக்கும் இந்த தொப்பியில் சூரிய ஒளியில் இயங்கக் கூடிய ஃபேன் பொருத்தப்பட்டிருக்கும். தலையில் மாட்டிக்கொண்டு 'ஃபேன் என்ன சுத்துதே...' என ஜாலியாய் ஊர் சுற்ற வேண்டியதுதான். விலை ஐநூறுக்குள்தான். 
Mini PC USB Refrigerator:
கொளுத்தும் வெயிலுக்கு  'குளுகுளு' கேட்ஜெட்ஸ்!
அட நம்புங்க ஜி! நிஜமாவே ஃப்ரிட்ஜ்தான். இந்த கையடக்க  ஃப்ரிட்ஜில் நீங்கள் சின்ன தண்ணீர் பாட்டிலையோ குளிர்பான கேனையோ வைத்துக்கொள்ளாலாம். உங்கள் மொபைலோடு கனெக்ட் செய்துவிட்டால் ஜில்லென அவ்வப்போது திறந்து குடித்துவிட்டு ஜம்மென வேலை பார்க்கலாம். விலை ஆயிரத்துச் சொச்சம்.
Stainless Steel Ice Cubes:
கொளுத்தும் வெயிலுக்கு  'குளுகுளு' கேட்ஜெட்ஸ்!
அடிக்கும் வெயிலுக்கு பாவம் ஃப்ரீஸரே கன்ஃப்யூஸ் ஆகிறது. அடிக்கடி பவர் கட் வேறு. இந்த நிலையில் எங்கே போய் ஐஸ்கட்டியை தேட? அதற்குதான் இந்த ஐஸ் க்யூப்ஸ். இதை நீங்கள் கொஞ்ச நேரம் ஃப்ரிட்ஜில் வைத்துவிட்டால் போதும். அடுத்து எப்போது வேண்டுமானாலும் எடுத்து க்ளாசில் போட்டு தண்ணீரோ சோமபானமோ குடித்துக் கொள்ளலாம். உடலுக்கு தீங்கு விளைவிக்காது என்ற கேப்ஷனோடு வருகிறது. விலை 2,300 ரூபாய்.
Thermo Withings:
கொளுத்தும் வெயிலுக்கு  'குளுகுளு' கேட்ஜெட்ஸ்!
இந்த வரிசையில் லேட்டஸ்ட் கண்டுபிடிப்பு இதுதான். இந்தக் கருவி உங்களை சுற்றி இருக்கும் தட்பவெப்ப நிலை, உங்கள் உடலின் தட்பவெப்பநிலை ஆகியவற்றை மானிட்டர் செய்துகொண்டே இருக்கும். வஃபை உதவியோடு அவற்றை தொடர்ந்து ட்ராக் செய்துகொண்டே இருக்கும்.
Portable humidifier:
கொளுத்தும் வெயிலுக்கு  'குளுகுளு' கேட்ஜெட்ஸ்!
அனல் காற்றால் அவதிப்படுபவர்களுக்காகவே பிரத்யேகமாக வடிவமைக்கப்பட்ட கருவி இது. இதில் நீரை நிரப்பி பவர் சப்ளை கொடுத்துவிட்டால், அவ்வப்போது குளிர்ந்த காற்றை வெளியேற்றி மதிய நேர தூக்கத்தை உறுதி செய்யும்.
- நித்திஷ்
அடுத்த கட்டுரைக்கு