Published:Updated:

கேட்ஜெட்ஸ்: இயர்பட்ஸ்... எப்படி வாங்கணும்? என்ன கவனிக்கணும்?

கேட்ஜெட்ஸ்
பிரீமியம் ஸ்டோரி
கேட்ஜெட்ஸ்

டிஜிட்டல் உலகம்

கேட்ஜெட்ஸ்: இயர்பட்ஸ்... எப்படி வாங்கணும்? என்ன கவனிக்கணும்?

டிஜிட்டல் உலகம்

Published:Updated:
கேட்ஜெட்ஸ்
பிரீமியம் ஸ்டோரி
கேட்ஜெட்ஸ்

காலம் காலமாக ஹெட்போன்களின் வயர்கள்தான் நம் பொறுமையை மிகவும் சோதிக்கும் விஷயமாக இருந்து வந்திருக்கின்றன.அதனால்தான் வயர்லெஸ் ஹெட்போன் என்றால் நமக்கெல்லாம் அத்தனை ஆசை. இப்போதோ ட்ரூலி வயர்லெஸ் ( Truly Wireless Earbuds) இயர்பட்ஸே வந்து விட்டன. கடந்த சில ஆண்டுகளாக இந்த வயர்லெஸ் இயர்பட்ஸ்தான் ட்ரெண்டிங். வயர்லெஸ் புளுடூத் ஹெட்போன்கள் பயன்பாட்டில் இருந்தாலும், பயனர்கள் அதிகம் விரும்புவது வயர்லெஸ் இயர்பட்ஸைத்தான். ஸ்டைலாக இருப்பதும், தற்போது பட்ஜெட்டிலேயே கிடைப்பதும்தான் அதற்கு முக்கியக் காரணம். சரி, எதன் அடிப்படையில் இந்த இயர்பட்ஸைத் தேர்வு செய்வது?

கேட்ஜெட்ஸ்: இயர்பட்ஸ்... எப்படி வாங்கணும்? என்ன கவனிக்கணும்?

பட்ஜெட் இயர்பட்ஸா? விலை உயர்ந்த இயர்பட்ஸா?

1,000 ரூபாயில் தொடங்கி 30,000 ரூபாய் வரை இந்த இயர்ப்ட்ஸ்கள் கிடைக்கின்றன. மற்ற சாதனங்களைப்போல் பட்ஜெட்டில் அனைத்து சிறப்பம்சங்களும் கூடிய இயர்பட்ஸ்கள் கிடைப்பதில்லை. ஓரளவு பணம் செலவழித்தால் சிறப்பான இயர்பட்ஸ்களைப் பெறலாம். மேலும், விலைக்கேற்ப அதன் தரமும் இருக்கும் என்பதால் நம்பி வாங்கலாம். அதேநேரத்தில் பட்ஜெட் இயர்பட்ஸ்களை முழுவதுமாக ஒதுக்க வேண்டிய அவசியமும் இல்லை. சின்னச் சின்னப் பிரச்சனைகள் இருப்பினும், நம் குறைந்தபட்சத் தேவையை ஓரளவு பூர்த்தி செய்கின்றன பட்ஜெட் இயர்பட்ஸ்கள்.

பட்ஜெட் இயர்பட்ஸ்:

சில பிராண்டட் இயர்பட்ஸ்களே 1,500 ரூபாயில் இருந்து பட்ஜெட்டில் கிடைக்கின்றன. வயர்லெஸ் இயர்பட்கள் பயன்படுத்துவதற்கு எப்படி இருக்கிறது என்ற ஆர்வம் உள்ளவர்கள், ஹெட்போனுக்கு ஏன் இவ்வளவு பணம் போடனும் என நினைப்பவர்கள் பட்ஜெட் இயர்பட்ஸ்களை முயற்சி செய்யலாம். பயன்படுத்துவதற்கான முதல் சாய்ஸாக இந்த பட்ஜெட் இயர்பட்ஸ்களை வைத்துக் கொண்டாலும், இரண்டாவதாக ஒரு வயர் உள்ள ஹெட்போனைக் கையில் வைத்துக் கொள்ள வேண்டும். இந்த பட்ஜெட் இயர்பட்ஸைப் பொருத்தவரை எப்போது பிரச்சனையாகும், எப்போது பேட்டரி தீரும் எனத் தெரியாது. முக்கியமாக கனெக்டிவிட்டி பிரச்சனைகள் அதிகமாக இருக்கும். எனவே, முழு நேரம் இயர்பட்ஸ்தான் பயன்படுத்தப் போகிறோம் என்பவர்கள், பட்ஜெட் இயர்பட்ஸைத் தவிர்க்கலாம்.

கேட்ஜெட்ஸ்: இயர்பட்ஸ்... எப்படி வாங்கணும்? என்ன கவனிக்கணும்?

விலை உயர்ந்த இயர்பட்ஸ்:

5,000 ரூபாய்க்கு மேல் கிடைக்கும் இயர்பட்ஸ்கள் எந்த பிரச்சனையும் இல்லாமல் இயங்கும் வகையில் இருக்கின்றன. முழுவதுமாக இயர்பட்ஸ் தான் உபயோகிக்கப் போகிறோம் என்பவர்கள் 4,000 ரூபாய்க்கு மேல் கிடைக்கும் தயாரிப்புகளை வாங்குவதே சிறந்தது.

கவனிக்க வேண்டிய விஷயங்கள் என்னென்ன?

* வயர்டு ஹெட்போன்கள் நம் காதுகளுக்கு செட் ஆகவில்லை என்றாலும் நாம் கவலைப்படத் தேவையில்லை. ஆனால், வயர்லெஸ் இயர்பட்ஸ் நம் காதுகளுக்கு ஏற்றவாறு வாங்க வேண்டும், செட் ஆகாத இயர்பட்ஸ் வாங்கினால் கீழே விழுந்து காணாமற் போவதற்கான வாய்ப்புகள் அதிகம்.

* IPX ரேட்டிங் உள்ள இயர்பட்ஸ் வாங்குவது சிறந்தது. வாக்கிங் அல்லது ஜாகிங் செல்லும்போது வியர்வைத் துளிகள் பட்டு இயர்பட்ஸ்கள் எதுவும் ஆகாமல் இருக்க வேண்டும். IPX7 ரேட்டிங் அளவாவது இருந்தால்தான் வேர்வைத் துளிகள் பட்டாலும் இயர்பட்ஸுக்குப் பாதிப்புகள் இருக்காது.

* இயர்பட்ஸில் நாய்ஸ் கேன்சலேஷன் வசதி இருக்கிறதா என்று பார்த்து வாங்க வேண்டும். நாய்ஸ் கேன்சலேஷன் வசதி இல்லை என்றால், போன் கால் பேசும்போது நாம் பேசுவது மறுமுனையில் இருப்பவருக்குத் தெளிவாகக் கேட்காது, நம் சுற்றுப்புறத்தில் இருக்கும் சத்தம்தான் அதிகமாகக் கேட்கும்.

* ஒரு முறை இயர்பட்ஸ்களை சார்ஜ் செய்தால், 4 மணி நேரம் கேட்குமளவு சாதாரணமாகவே பேட்டரி பேக்கப் இருக்கும். உங்கள் தேவைக்கு ஏற்ப எவ்வளவு நேரம் பயன்படுத்த வேண்டுமோ, அதற்கேற்ப பேட்டரி பேக்கப் இருக்கும் இயர்பட்ஸ்களைத் தேர்ந்தெடுங்கள்.

சில இயர்பட்ஸ் பரிந்துரைகள் உங்களுக்காக...

கேட்ஜெட்ஸ்: இயர்பட்ஸ்... எப்படி வாங்கணும்? என்ன கவனிக்கணும்?

பாதுகாப்பு முக்கியம்:

சாதாரண ஹெட்போன்களைக் கையாள்வதுபோல இந்த வயர்லெஸ் இயர்பட்ஸ்களைக் கையாளக் கூடாது. பயன்படுத்தி முடிந்தவுடன் அதற்குரிய சார்ஜிங் பாக்ஸில் பத்திரமாக வைக்க வேண்டும். இவை கீழே விழுவதற்கான சாத்தியக்கூறுகள் அதிகம் இருப்பதால், அதற்கேற்றவாறுதான் தயாரிக்கப் படுகின்றன. எனினும், கீழே விழாமல் பார்த்துக் கொண்டால் அதிக நாட்கள் உபயோகமாக இருக்கும்.