Published:Updated:

கேட்ஜெட் கிளாஸ் ரூம்! - 13 - கேட்ஜெட்டை விற்கப்போறீங்களா..?

கேட்ஜெட் கிளாஸ் ரூம்
பிரீமியம் ஸ்டோரி
கேட்ஜெட் கிளாஸ் ரூம்

உள்ளிருக்கும் பாகங்களில் ஏதேனும் ஒன்று பழுதாகி யிருந்தால்கூட கேட்ஜெட்வாசிகள் ஏற்றுக்கொள்வார்கள்.

கேட்ஜெட் கிளாஸ் ரூம்! - 13 - கேட்ஜெட்டை விற்கப்போறீங்களா..?

உள்ளிருக்கும் பாகங்களில் ஏதேனும் ஒன்று பழுதாகி யிருந்தால்கூட கேட்ஜெட்வாசிகள் ஏற்றுக்கொள்வார்கள்.

Published:Updated:
கேட்ஜெட் கிளாஸ் ரூம்
பிரீமியம் ஸ்டோரி
கேட்ஜெட் கிளாஸ் ரூம்

கேட்ஜெட்களும் இப்போது ‘எக்ஸ்சேஞ்ச்’ முறையில் அதிகம் விற்கப்படுகின்றன. எக்ஸ்சேஞ்ச் இல்லாமலும் கேட்ஜெட்களை நம்மால் விற்க முடியும். OLX, Quickr போல பொதுவான விற்பனை தளங்களும், Cashify போல கேட்ஜெட்களுக்கான சில இணையதளங்களும் பெரிய அளவில் ரீச் ஆகியிருக்கின்றன. கேட்ஜெட்களின் ‘ரீசெல்லிங்’ விலை பெரும்பாலும் மாறக்கூடியது.

அதற்கு, கேட்ஜெட்களைப் பராமரித்திருக்கும் விதம், அதன் ஒரிஜினல் பில், பாக்ஸ் உள்ளிட்டவை இல்லாமல் போவது எனப் பல காரணங்கள் உண்டு. உங்கள் கேட்ஜெட்களை விற்கும்போது நல்ல விலைக்குப் போக என்ன செய்ய வேண்டுமென இந்த அத்தியாயத்தில் பார்க்கலாம்.

கீறல்கள் கூடாது!

உள்ளிருக்கும் பாகங்களில் ஏதேனும் ஒன்று பழுதாகி யிருந்தால்கூட கேட்ஜெட்வாசிகள் ஏற்றுக்கொள்வார்கள். ஆனால், வெளிப்புறத்தில் சின்ன கீறல் விழுந்தால்கூட ‘ம்ஹூம்’ என்பார்கள். எனவே, மொபைல் உட்பட உங்கள் கேட்ஜெட்கள் எதுவானாலும் அவற்றைக் கீறல்கள் இல்லாமல் பார்த்துக்கொள்ள வேண்டியது அவசியம். இல்லையேல், சின்ன நகக்கீறலுக்காக சில ஆயிரங்களை நீங்கள் இழக்க வேண்டி வரலாம்.

ஒரிஜினல் பில் & பாக்ஸ்...

பெரும்பாலும் ஆன்லைனில் வாங்கப்படும் கேட்ஜெட் களுக்கு மின்னஞ்சலில் இன்வாய்ஸ் வந்துவிடும். கடைகளில் வாங்கும்போது தரப்படும் இன்வாய்ஸைத் தொலைத்துவிடுவோம். கேட்ஜெட்களை விற்கும்போது அதன் ஒரிஜினல் பாக்ஸும் இன்வாய்ஸும் நல்ல விலையைப் பெற்றுத் தரும். எனவே, கேட்ஜெட்டுடன் வரும் பாக்ஸைப் பத்திரமாக வைத்திருங்கள். ‘சாதாரண அட்டை டப்பா இல்லைன்னா 1,000 ரூபா கம்மியா' என்ற லாஜிக்கலான கேள்விகள் எல்லாம் கேட்ஜெட் உலகில் செல்லாது.

அக்ஸசரீஸ் எனப்படும் இணை உபகரணங்கள்!

லேப்டாப் என்றால் உடன் வரும் சார்ஜிங் கேபிள், மொபைல் என்றால் ஹெட்போன் உட்பட எல்லா கேட்ஜெட்டுகளுக்கும் சில அக்ஸசரீஸ் தரப்படும். அவை அனைத்தையும்கூட பத்திரமாக வைத்திருக்கவும். அவற்றில் சின்ன பழுது என்றாலும் மொத்த கேட்ஜெட் விலையிலும் அடி விழும்.

கேட்ஜெட் கிளாஸ் ரூம்! - 13 - கேட்ஜெட்டை 
விற்கப்போறீங்களா..?

பராமரிப்பு...

கேட்ஜெட்களைப் பராமரிப்பதில் நமக்கு சோம்பேறித் தனம் இருப்பதில்லை. ஆனால், என்ன செய்வதெனத் தெரியாமல் போகலாம். மொபைல் கவர் போட்டிருந்தால் அதை அவ்வப்போது நீக்கி, உள்ளே சேர்ந்திருக்கும் தூசியைத் துடைப்பது, லேப்டாப் என்றால் கீபேடில் சேர்ந்திருக்கும் அழுக்கை நீக்குவது, ஸ்மார்ட் வாட்ச் என்றால் வியர்வை நிறைய படும் பின்புறத்தை மெல்லிய ஈரத்துணியால் துடைப்பது என எளிதான பராமரிப்புகளைச் செய்தாலே போதும். கேட்ஜெட்களைப் புதுசுபோல காப்பாற்றலாம்.

எங்கே விற்க வேண்டும்?

சில சமயம் எக்ஸ்சேஞ்ச் ஆஃபர் இருக்கும். அதன் மூலம் விற்கும்போது புதிதாக வாங்கும் கேட்ஜெட்டிலும் தள்ளுபடி கிடைக்கும். அந்தக் கணக்கின்படி பார்த்தால் நமக்கு நல்ல லாபம் கிடைக்கலாம். அதே இடத்தில், எக்ஸ்சேஞ்ச் விலை குறைவாக இருப்பதுமுண்டு. எனவே, எங்கு விற்றாலும், புதிய கேட்ஜெட் வாங்கும்போது எப்படி எல்லா இடங்களிலும் விலையைப் பார்த்து வாங்குவோமோ, அதுபோல ரீசெல்லிங் விஷயத்திலும் கொஞ்சம் தேடி, ஆராய்ந்த பின் விற்பது நல்ல விலை கொடுக்கும். சில இணையதளங்கள் நல்ல விலை சொல்லிவிட்டு, வீட்டுக்கு வந்து பிக்கப் செய்ய இந்தக் கட்டணம் என்பார்கள். அல்லது வீட்டுக்கு வந்து பார்த்துவிட்டு ‘இது சரியில்லை’ எனக் காரணம் சொல்லி, விலையைக் குறைப்பார்கள். எச்சரிக்கையாக இருப்பது அவசியம்.

எப்போது விற்பது?

எல்லாவற்றையும்விட இதுதான் முக்கியமான விஷயம். குறிப்பாக, மொபைல்களுக்கு. நாம் விற்கப்போவது எந்த மாடல், அதே போன்ற மாடல்கள் இப்போது சந்தையில் என்னென்ன இருக்கின்றன, புதிதாக என்னென்ன வரப்போகின்றன என்பது பற்றிய தெளிவு இருந்தால் லாபம்தான். சில நேரம் ஒரு மாதம் கழித்து விற்பதால் பல ஆயிரம் நமக்கு வீணாகலாம். கேட்ஜெட்களில், குறிப்பாக மொபைல்களில் இந்த மாற்றம் சாதாரணமானது. உதாரணமாக, உங்களிடம் `ஒன் ப்ளஸ் 8' இருக்கிறதென வைத்துக் கொள்வோம். அடுத்த மாதம் `ஒன் ப்ளஸ் 9' சந்தைக்கு வருமென்றால் இந்த மாதம் விற்றால் 30,000 ரூபாய் போகும் மொபைல் அடுத்த மாதம் 20,000 ரூபாயாகக் குறைய வாய்ப்புண்டு. எனவே, எப்போது விற்க வேண்டும் என்பதையும் கவனத்தில் கொள்ளுங்கள்.