Published:Updated:

கேட்ஜெட் கிளாஸ் ரூம்! - 7 - ஏமாறாதே... ஏமாறாதே...

கேட்ஜெட் கிளாஸ் ரூம்!
பிரீமியம் ஸ்டோரி
கேட்ஜெட் கிளாஸ் ரூம்!

#Utility

கேட்ஜெட் கிளாஸ் ரூம்! - 7 - ஏமாறாதே... ஏமாறாதே...

#Utility

Published:Updated:
கேட்ஜெட் கிளாஸ் ரூம்!
பிரீமியம் ஸ்டோரி
கேட்ஜெட் கிளாஸ் ரூம்!

ஸ்மார்ட் ஆக இருப்பதென்பது நடவடிக்கைகளில் இல்லை. அது எண்ண ஓட்டத்திலிருக்கிறது; யோசிப்பதில் இருக்கிறது. கார் ஓட்டும்போது இடது பக்கமாகப் போக வேண்டுமென்றால், அமெரிக்காவுக்குச் சென்றாலும் இடது பக்கமே போவது ஸ்மார்ட் அல்ல. அங்கு ‘லெஃப்ட் ஹேண்ட் டிரைவிங்’ என்பதை அறிந்து ஓட்டுவதுதான் ஸ்மார்ட். இணைய விஷயங்களில் இது இன்னும் முக்கியமானது. இணையத்தில் ஏமாற்று வேலைகள் நிறைய நடக்கும். சில சம்பவங்களைப் பற்றி படித்துவிட்டு அந்த விஷயங்களை மட்டும் தவிர்ப்பது ஸ்மார்ட் அல்ல. உதாரணமொன்றைச் சொல்கிறேன்.

கேட்ஜெட் கிளாஸ் ரூம்! - 7  - ஏமாறாதே... ஏமாறாதே...

திருப்பத்தூரைச் சேர்ந்தவர் சிநேகா. அவரின் தோழி ஃபேஸ்புக்கில் ஒரு நிறுவனத்தின் விளம்பரத்தைப் பார்த்திருக்கிறார். குறைந்த விலையில் நல்ல டிசைன் சேலையைப் பார்த்ததும் ஆர்டர் போட்டுவிட்டார். பல மாதங்கள் ஆகியும் சேலை வந்து சேரவில்லை. தான் ஏமாற்றப்பட்டோம் என்பதையே அவர் தாமதமாகத்தான் உணர்ந்திருக்கிறார். இந்தக் கதையை சிநேகாவிடமும் பகிர்ந்திருக்கிறார். சில மாதங்கள் கழித்து சிநேகாவின் ஃபேஸ்புக் டைம்லைனிலும் அப்படி யொரு விளம்பரம் வந்திருக்கிறது. சிநேகாவுக்கு அந்தப் புடவை வாங்க ஆசை. ஆனால், தோழி போல தானும் ஏமாற்றப்படலாம் என நினைத்திருக்கிறார். இருந்தாலும் ஆசை விடவில்லை. கேஷ் ஆன் டெலிவரி இருக்கிறதா எனப் பார்க்க, அவர்களும் இருக்கிறதென சொல்லியிருக்கிறார்கள். பிறகென்ன? ஆர்டர் போட்டுவிட்டார். தோழிக்கு நடந்தது போலல்லாமல், இரண்டே நாள்களில் பார்சல் வந்துவிட்டது. சந்தோஷத்தில் பணத்தைக் கொடுத்து பார்சலை வாங்கியவருக்கு அதிர்ச்சி. உள்ளே மட்டமான தரத் தில் வேறொரு டிசைனில் ஒரு புடவை வந்திருக் கிறது. அந்த நிறுவனத்தைத் தொடர்பு கொள்ளலாம் என்றால் அந்தப் பக்கத்தையே காணோம்.

சிநேகாவை ஏமாற்றியவர்கள் வேலையே இதுதான். ஃபேஸ்புக்கில் ஒரு பக்கத்தைத் தொடங்கு வார்கள். சில மாதங்கள் நடத்திய பின், ஒரு நல்ல நாளில் ஷாப்பிங் தளமாக அதை மாற்றுவார்கள். பார்க்க நல்ல தரத்தில் இருக்கும் படங்களைப் போட்டு விலையை அதிரடியாகக் குறைத்து விளம்பரம் செய்வார்கள். அந்த ஒரு வாரத்தில் வரும் ஆர்டர்கள் அனைத்துக்கும் மட்டமான பொருள்களை அனுப்பிவிட்டு அந்தப் பக்கத்தை மூடிவிடுவார்கள். அடுத்த வாரம், வேறொரு பெயர்; வேறொரு பக்கம்; வேறொரு விளம்பரம்; வேறு சில கஸ்டமர்கள். ஏமாறுவது மட்டும் மாறாது.

கேட்ஜெட் கிளாஸ் ரூம்! - 7  - ஏமாறாதே... ஏமாறாதே...

சிநேகா ஸ்மார்ட் ஆக இருந்திருக்க வேண்டிய இடம் எது? கேஷ் ஆன் டெலிவரி போட்டாலும் உள்ளே வேறு எதையாவது வைத்திருந்தால் எங்கே சென்று முறையிடுவது என்பதை முதலில் பார்த்திருக்க வேண்டும். அப்படிப் பார்த் திருந்தாலே அது போலி என்பதைக் கண்டுபிடித்திருப்பார். இப்படித்தான் ஏமாற்றுவார்கள் எனக் கண்டறிந்து அதைப் பற்றிய விழிப்புணர்வை ஏற்படுத்துவதற்குள் ஏமாற்றுக்காரர்கள் அடுத்த கட்டத்துக்குச் சென்று விடுகிறார்கள். எனவே, ஏமாற்றும் சம்பவங்களைப் பற்றிச் சொல்வதைவிட எப்படியெல்லாம் ஏமாற்றப்படலாம் என்பதை யோசிக்கக் கற்றுக் கொடுப்பதே ஸ்மார்ட் ஆன விழிப்புணர்வு. அதற்கு இணையத்தை, கேட்ஜெட் களைப் பயன்படுத்தும் நாமும் ஈடுபாடு காட்ட வேண்டும்.

இந்த ஃபேஸ்புக் சீட்டிங்கில் சிநேகா, அந்த விளம்பர போஸ்ட்டுக்கு வந்திருக்கும் கமென்டுகளைப் படித்திருந்தாலே அது போலி நிறுவனம் என்பது தெரிந்திருக்கும். அருகிலிருக்கும் படங்களைப் பாருங்கள். இவை நிஜமாகவே ஃபேஸ்புக்கில் வந்த ஒரு விளம்பரமும் அதற்கு வந்த கமென்டுகளும்.

கேட்ஜெட் கிளாஸ் ரூம்! - 7  - ஏமாறாதே... ஏமாறாதே...

அடுத்த முறை இணையத்தில் ஏதேனும் வாங்குவதற்கு முன், அதில் நீங்கள் ஏமாற்றப்பட வாய்ப்பிருக்கிறதா, ஒருவேளை அப்படி நடந்தால் முறையிட்டு பணம் திரும்ப கிடைக்க சிஸ்டம் இருக்கிறதா என யோசியுங்கள். சந்தேகம் என்றால் தெரிந்தவர்களிடம் கேளுங்கள்; அல்லது சந்தேகம் தீரும்வரை வாங்குவதைத் தள்ளி வையுங்கள். ஸ்மார்ட் ஆட்கள் அதைத்தான் செய்வார்கள்.