Published:Updated:

ஸ்மார்ட் டிவியை ஸ்மார்ட்டா தேர்ந்தெடுங்க! - கேட்ஜெட்ஸ்... டிஜிட்டல் உலகம் -

கேட்ஜெட்ஸ்
பிரீமியம் ஸ்டோரி
கேட்ஜெட்ஸ்

எந்த ஒரு பொருளுமே நாம் அதனை எப்படிப் பயன்படுத்தப் போகிறோம் என்பதைப் பொருத்துதான், அது பயனுள்ளதா இல்லையா என்பதைக் கண்டறிய முடியும்.

ஸ்மார்ட் டிவியை ஸ்மார்ட்டா தேர்ந்தெடுங்க! - கேட்ஜெட்ஸ்... டிஜிட்டல் உலகம் -

எந்த ஒரு பொருளுமே நாம் அதனை எப்படிப் பயன்படுத்தப் போகிறோம் என்பதைப் பொருத்துதான், அது பயனுள்ளதா இல்லையா என்பதைக் கண்டறிய முடியும்.

Published:Updated:
கேட்ஜெட்ஸ்
பிரீமியம் ஸ்டோரி
கேட்ஜெட்ஸ்

2021-ம் ஆண்டுக்கு வந்துவிட்டோம். இன்னும் சாதாரண டிவியைத் தான் பார்த்துக் கொண்டிருக்கிறீர்களா? அப்போ ஸ்மார்ட் டிவிக்கு நீங்கள் மாற சரியான நேரம் இதுதான். ஸ்மார்ட் டிவி.. அதெல்லாம் விலை அதிகம், நமக்குக் கட்டுபடியாகாது என நினைக்க வேண்டாம். தற்போது பட்ஜெட் விலையிலேயே நல்ல தரம் கொண்ட ஸ்மார்ட் டிவிக்கள் வந்து விட்டன. மொபைல் சந்தையில் பட்ஜெட் மொபைல்களை அறிமுகம் செய்த ரியல்மீ, ஒன்ப்ளஸ் ஆகிய நிறுவனங்கள் டிவி சந்தையிலும் நுழைந்துவிட்டன. எனவே, தற்போது பட்ஜெட் டிவிக்களுக்கும் பஞ்சமில்லை.

ஸ்மார்ட் டிவியை ஸ்மார்ட்டா தேர்ந்தெடுங்க! - கேட்ஜெட்ஸ்... டிஜிட்டல் உலகம் -

ஸ்மார்ட் டிவி வேண்டுமா? வேண்டாமா?

எந்த ஒரு பொருளுமே நாம் அதனை எப்படிப் பயன்படுத்தப் போகிறோம் என்பதைப் பொருத்துதான், அது பயனுள்ளதா இல்லையா என்பதைக் கண்டறிய முடியும். கேபிளில் ஒளிபரப்பாகும் சேனல்களை மட்டும்தான் பார்க்கப்போகிறீர்கள் என்றால், உங்களுக்கு ஸ்மார்ட் டிவி தேவையில்லை. அதற்குச் செலவழிக்கும் தொகைக்கு பெரிய டிஸ்ப்ளே கொண்ட வேறொரு டிவியை வாங்கிவிடலாம். நெட்ஃப்ளிக்ஸ், அமேஸான் போன்ற ஸ்ட்ரீமிங் தளங்களை அதிகம் உபயோகிப்பவர்கள், இணையதளம் உபயோகிப்பவர்களுக்கு ஸ்மார்ட் டிவி கண்டிப்பாகப் பொருத்தமாக இருக்கும். தற்போது ஸ்மார்ட் டிவிக்களில் வீடியோ கேம் கூட விளையாடலாம், சில நேரங்களில் உங்கள் லேப்டாப்புக்கு மற்றொரு திரையாக உங்கள் ஸ்மார்ட் டிவியைப் பயன்படுத்திக் கொள்ளலாம். உங்கள் தேவை என்னவோ அதைப் பொருத்து முடிவெடுங்கள்.

பட்ஜெட் விலையில் ஸ்மார்ட் டிவிக்கள்!

சரி, ஸ்மார்ட் டிவிக்கள் வாங்கலாம் என்று முடிவாயிற்று. என்ன விலையில் நல்ல ஸ்மார்ட் டிவிக்கள் கிடைக்கும். 10,000 ரூபாயில் இருந்து 25,000 ரூபாய் வரையான விலையில் நல்ல பெர்ஃபாமன்ஸ் கொண்ட ஸ்மார்ட் டிவிக்களே கிடைக்கின்றன. டிவி பார்க்கும் அனுபவமே அலாதியாக இருக்க வேண்டும் என்று நினைப்பவர்களுக்கும், பட்ஜெட் கவலை இல்லை என்பவர்களுக்கும் லட்ச ரூபாய்க்கும் மேல் வரை ஸ்மார்ட் டிவிக்கள் கிடைக்கின்றன.

ஸ்மார்ட் டிவி வாங்கும் முன் கவனிக்க வேண்டிய அம்சங்கள் என்ன?

டிஸ்ப்ளே அளவு: வீட்டின் அளவுக்கோ அல்லது பட்ஜெட் அளவுக்கோ ஏற்ப டிவிக்களைத் தேர்ந்தெடுக்கலாம். 32 இன்ச், 43 இன்ச், 55 இனச் ஆகியவை பொதுவான அளவுகள். இதைவிட சிறிய மற்றும் பெரிய டிஸ்ப்ளே அளவுகளிலும் கிடைக்கும். ஆனால், 32 மற்றும் 43 இன்ச்களில் நீங்கள் தேர்ந்தெடுப்பதற்கான அதிகமான மாடல்கள் இருக்கும்.

டிஸ்ப்ளே வகை: சிறப்பான டிவி பார்க்கும் அனுபவத்தைக் கொடுக்க பல வகையான டிஸ்ப்ளே வகைகள் இருக்கின்றன. இவற்றை பட்ஜெட் அடிப்படையில்தான் தேர்ந்தெடுக்க வேண்டும். LED, QLED மற்றும் OLED ஆகிய டிஸ்ப்ளே வகைகளில் டிவிக்கள் மார்க்கெட்டில் கிடைக்கின்றன.

ஸ்கிரீன் ரெஸொல்யூஷன் (Screen Resolution): நாம் டிவி பார்க்கும்போது படம் எவ்வளவு தெளிவாகத் தெரிய வேண்டும் என்பது ஸ்கிரீன் ரெஸொல்யூஷனைப் பொருத்தே அமையும். இதையும் பட்ஜெட்டின் அடிப்படையில் தேர்ந்தெடுக்கலாம்.

ஒலி: டிஸ்ப்ளேவுடன், ஒளியுடன் சேர்த்து ஒலியும் முக்கியம். சிறப்பான ஒலி அமைப்பு கொண்ட டிவிக்களைத் தேர்ந்தெடுப்பதும் முக்கியம். இங்கே 12,000 ரூபாய் முதல் 25,000 ரூபாய்க்குள் இருக்கும் சில டிவிக்களைக் கீழே பரிந்துரை செய்திருக்கிறோம்!

ஸ்மார்ட் டிவியை ஸ்மார்ட்டா தேர்ந்தெடுங்க! - கேட்ஜெட்ஸ்... டிஜிட்டல் உலகம் -

Realme Smart TV

வசதிகள்:

ஆண்ட்ராய்டு இயங்குதளம்

1366 x 768 பிக்ஸல்ஸ் ரெஷொல்யூஷன் (32 இன்ச்)

1920 x 1080 பிக்ஸல்ஸ் ரெஷொல்யூஷன் (43 இன்ச்)

ஒலி : 24 W

வைஃபை வசதி

விலை:

32 இன்ச் - 14,999 ரூபாய்

43 இன்ச் - 23,999 ரூபாய்

ஸ்மார்ட் டிவியை ஸ்மார்ட்டா தேர்ந்தெடுங்க! - கேட்ஜெட்ஸ்... டிஜிட்டல் உலகம் -

Mi 4A Pro Smart TV

வசதிகள்:

ஆண்ட்ராய்டு இயங்குதளம்

1366 x 768 பிக்ஸல்ஸ் ரெஸொல்யூஷன் (32 இன்ச்)

1920 x 1080 பிக்ஸல்ஸ் ரெஷொல்யூஷன் (40, 43 இன்ச்)

ஒலி: 20 W

வைஃபை வசதி

விலை:

32 இன்ச் - 14,999 ரூபாய்

40 இன்ச் - 19,999 ரூபாய்

43 இன்ச் - 24,999 ரூபாய்

ஸ்மார்ட் டிவியை ஸ்மார்ட்டா தேர்ந்தெடுங்க! - கேட்ஜெட்ஸ்... டிஜிட்டல் உலகம் -

OnePlus Y Series Smart TV

வசதிகள்:

ஆண்ட்ராய்டு இயங்குதளம்

1366 x 768 பிக்ஸல்ஸ் ரெஸொல்யூஷன் (32 இன்ச்)

1920 x 1080 பிக்ஸல்ஸ் ரெஸொல்யூஷன் (43 இன்ச்)

ஒலி: 20 W

வைஃபை வசதி

விலை:

32 இன்ச் - 15,499 ரூபாய்

43 இன்ச் - 24,999 ரூபாய்

ஸ்மார்ட் டிவியை ஸ்மார்ட்டா தேர்ந்தெடுங்க! - கேட்ஜெட்ஸ்... டிஜிட்டல் உலகம் -

Samsung Smart TV

வசதிகள்:

டைசன் இயங்குதளம்

1366 x 768 பிக்ஸல்ஸ் ரெஸொல்யூஷன்

ஒலி: 20 W

வைஃபை வசதி

விலை:

32 இன்ச் - 16,999 ரூபாய்

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism