Published:Updated:

ஆன்லைன்... ஆஃப்லைன் - 13

ஆன்லைன்... ஆஃப்லைன்
பிரீமியம் ஸ்டோரி
ஆன்லைன்... ஆஃப்லைன்

எப்போதாவது செகண்ட் ஹேண்ட் மொபைல்கள் வாங்கியிருக்கிறீர்களா?

ஆன்லைன்... ஆஃப்லைன் - 13

எப்போதாவது செகண்ட் ஹேண்ட் மொபைல்கள் வாங்கியிருக்கிறீர்களா?

Published:Updated:
ஆன்லைன்... ஆஃப்லைன்
பிரீமியம் ஸ்டோரி
ஆன்லைன்... ஆஃப்லைன்

மின்னணுப் பொருள்கள் எப்போதுமே கொஞ்சம் ரிஸ்க். அவை எப்போது வேண்டுமென்றாலும் ரிப்பேர் ஆகலாம். புதிய மொபைல் வாங்கினாலும் 5-10% அவை பிரச்னை தர வாய்ப்புண்டு. அதனால் தான் வாரன்டி இல்லாத மொபைல்களை வாங்குபவர்கள் எண்ணிக்கை குறைவாக இருக்கிறது. அதே சமயம், நல்ல சர்வீஸ் சென்டர் கொண்ட பிராண்டுகள் அதிக விலையென்றாலும் மக்கள் வாங்குகிறார்கள். காரணம், சர்வீஸ் செய்வது எளிது என்பதால்தான். பயன்படுத்தப்பட்ட மொபைல்களை வாங்குவது கூடுதல் ரிஸ்க். இருந்தாலும், இந்தியச் சந்தையில் பயன்படுத்தப்பட்ட மொபைல்களுக்கெனக் கணிசமான பங்கு உண்டு.

விகடனின் அதிரடி ஆஃபர்!
தற்பொழுது ரூ.750 சேமியுங்கள்! ரூ.1749 மதிப்புள்ள 1 வருட டிஜிட்டல் சந்தா999 மட்டுமே! மிஸ் பண்ணிடாதீங்க!Get Offer

யார் வாங்குகிறார்கள்?

  • ஹை எண்டு மொபைல் வாங்க ஆசைப்பட்டு அதற்கான பணம் இல்லாமல் அதே மாடலை செகண்ட் ஹேண்டில் வாங்குபவர்கள்.

  • அடிக்கடி மொபைல் மாற்றுபவர்கள்.

  • இரண்டுக்கும் மேற்பட்ட மொபைல்கள் வைத்திருப்பவர்கள் ஒரு மொபைல் புதியதாகவும் மற்றவற்றை செகண்ட் ஹேண்டிலும் வாங்குவார்கள்.

  • மொபைல் டெஸ்டிங் செய்பவர்கள்.

ஆன்லைன்... ஆஃப்லைன் - 13

யாரிடமிருந்து வாங்கலாம்?

  • நன்றாகத் தெரிந்தவர்கள் ஏதேனும் காரணத்துக்காக விற்றால் அதை வாங்கலாம். தெரிந்தவர் என்பதால் பிரச்னைக்குரிய மொபைலை நமக்கு விற்க மாட்டார்கள்.

  • சில கடைகளில் பயன்படுத்தப்பட்ட மொபைல்களுக்கென அவர்களே வாரன்டி தருவதுண்டு. அவர்களிடம் வாங்குவதில் ரிஸ்க் குறைவு.

    எந்த மொபைலை வாங்கக் கூடாது?

  • ஸ்மார்ட் போன்களின் அதிகபட்ச ஆயுட்காலமே 4-5 ஆண்டுகள்தான். அதன்பின் அப்டேட்கள் கிடைக்காமல் போகலாம். எனவே 2-3 ஆண்டுகள் பழைய மொபைல்களை வாங்க வேண்டாம்.

  • ஒரிஜினல் சார்ஜர் மற்றும் உதிரிபாகங்கள் இல்லாத மொபைலை வாங்க வேண்டாம். கூடுதல் செலவாகும்.

  • இந்தியாவைத் தவிர மற்ற நாடுகளில் வாங்கிய மொபைல் என்றால் அதை வாங்குவது ரிஸ்க். அதில் ஏதும் பழுதென்றால் பயன்படுத்த முடியாமல்கூடப் போகலாம்.

எப்படி வாங்க வேண்டும்?

  • செகண்ட் ஹேண்ட் மொபைல் வாங்க நினைப்பவர்கள் அந்த மொபைலை நன்றாகச் சோதித்துப் பார்க்கும் திறன் பெற்றிருப்பது அவசியம். ஆண்டிராய்டு மொபைல்களில் ஸ்க்ரீன் தொடங்கி பேட்டரி வரை ஒவ்வொன்றின் திறனையும் சோதித்துப் பார்க்கச் சில வழிகள் உண்டு. உதாரணத்துக்கு, சாம்சங் மொபைல்களில் *#0*# என டயல் செய்தால் உங்கள் மொபைலில் செய்யக்கூடிய அத்தனை டெஸ்டுகளும் பட்டியலிடப்படும். பேட்டரி, ஸ்க்ரீன், வைப்ரேஷன் என அனைத்தையும் சோதித்துப் பார்க்கலாம். போலவே, மற்ற பிராண்டுகளுக்கும் இது போன்ற சீக்ரெட் கோடு உண்டு. இவற்றைத் தெரிந்துகொண்ட பிறகு வாங்குவது நல்லது.

  • சில மொபை ல்களில் டிராக்கிங் சாஃப்ட்வேர்கள் இன்ஸ்டால் செய்து அதை விற்று விடுவார்கள். அதனால், மொபைல் நம் கைக்கு வந்த பின்னும் அவர்களால் நம் மொபைலை அணுக முடியும். எனவே, வாங்கும் மொபைலை முழுமையாக ரீசெட் செய்து வாங்க வேண்டும்.

பயன்படுத்தப்பட்ட மொபைல்களில் ரீஃபர்பிஷ்(Refurbish) என்றொரு வகை உண்டு. எக்ஸ்சேஞ்ச் முறையில் பெறப்படும் மொபைல்களை வாங்கி அதை முறையாகச் சோதித்து, பழுதான உதிரிபாகங்களை மாற்றி, இருக்கும் டேட்டாவை எல்லாம் அழித்து, புதியது போலவே செய்து விற்பார்கள். அதற்கு வாரன்டியும் தருவார்கள். இந்த வகை மொபைல்களை நம்பி வாங்குபவர்கள் அதிகம். இந்திய மொபைல் சந்தையில் ரீஃபர்பிஷ் செய்யப்பட்ட மொபைல்களின் பங்கு 11%.

இவற்றின் விலை, பயன்படுத்தப்பட்ட மொபைல் களைவிட அதிகமாகவும், புதிய மொபைலின் விலையைவிட 30 சதவிகிதம் வரை குறைவாகவும் இருக்கும். புதிய மொபைலை வாங்குவதைவிடப் பயன்படுத்தப்பட்ட மொபைலை வாங்குவதற்குத்தான் கூடுதல் ஸ்மார்ட்னெஸ் தேவைப்படுகிறது. 5000 ரூபாயிலே ஸ்மார்ட்போன்கள் கிடைப்பதால் முடிந்தவரை புதிய மொபைலையே தேர்ந்தெடுப்பது நல்லது.

- ஸ்மார்ட் ஆவோம்